- طبعا الشروط المذكورة للمواطنين ودول مجلس التعاون الخليجي
السلام عليكم
اليوم سرت قسم التاشيرة للالمانية في الخالدية عسب اعرف شو شروط الفيزا وحبيت احطها في المنتدى عسب الكل تكون عنده خلفية واشوف بعض الاشياء تغيرت حتى الرسوم
طبعا الشروط المذكورة للمواطنين ودول مجلس التعاون الخليجي
الموقع : في الخالدية ( اذا كان المهيري سنتر على اليسار اول اشاره جدام الاشاره الثانية يوتيرن عقب تكون ثالث بنايه على اليمين ) البناية طبعا فضية ويبين عليها يديده والمكتب في الطابق (O2) >>> اول مرة اشوف طابق جي بس موب مشكلة
(وطبعا التاشيرة البريطانية نفس الطابق)
المتطلبات :1- صورتين شخصية ( خلفية بيضاء بدون غترة وعقال - والاكتاف لازم ماتظهر بالصوره)
2- عمر الصورة ما يقل عن 6 شهور
3- صورة عن تاشيرات الشنقل السابقة + التأشيرة البريطانية والامريكيه والكندية >> (إن وجدت)
4- تأمين سفر (صورة عن بطاقة ثقة البيضاء) إن وجد - ( أو يمكن أخذ التأمين من مكتب التأشيرة الي عندهم) و لأخوانا في دول الخليج ياخذون صحي من شركه او من عند المكتب التاشيرة نفسه
5- عنوان الفندق في المانيا *يتضمن* ( اسم الفندق - اسم الشارع - رقم الشارع - رقم هاتف الفندق - يتكون من 5 ارقام pine code )
6- توقيع جواز السفر الاصلي من صاحب الجواز والتوقيع على الطلب
7- الرسوم 530 درهم >>> مادري ليش قالولي ها السعر احيد قبل ب 400 درهم
8- تعبئت طلب الفيزا ( ولازم يكون التوفيع الي في الطلب يطابق الي في الجواز)
وأخيرا مدة العمل على التاشيره 4 إلى 5 ايام عمل ( طبعا بدون جمعة وسبت)
ويبدا الشغل في المعاملة في اليوم التالي من تسليم المتطلبات
والسموحه اذا طولت عليكم اذا شي غلط السموحه منكم و ياليت يتم التصحيح
الف شكر
