روي ات المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
© LadyBird
17-12-2022 - 12:43 am
السلام عليكم ورحمة الله وبركاتة
ازيكم وعاملين ايه ؟ انتو كويسين ؟
مثل ما اغلب يعرف اني بديت في تقريري لبوكيت وللاسف ماكملت
لظروف خارجه عن الاراده ومع الوقت انحذفوا الصور على التقرير الاول
https://artravelers.com/p/re/418631
ذلك قررت اني ادخل دوغري على تقرير بوكيت واكمله هالمره ان شاء الله
في البدايه حبيت اشكر كل من نقل لنا سفرته وصورها وحط تقرير لولاهم وبفضل الله وبفضلهم
ما كنا بنستانس بهالشكل ..
البدايه مثل ماتعرفون واللي تابع تقريري ل قولد كوست او رابط التقرير
الاول بيعرف ان اخترنا نصيف في دولتين
ونضرب بحجر عصفورين ..
واختارنا بوكيت & قولد كوست
والحجز كان عن طريق مكتب سياحي ومن باب النصح
لان مثل ماقال الرسول عليه الصلاه والسلام
الدين نصيحه وانا مانصح اي شخص يحجز عن طريق مكاتب سياحيه
لانهم يبالغون في الاسعار والحين الحمدلله
المواقع متوفره وكل شيء عن طريق النت ارخص
وافضل و اوفر لكم
الطيران :-
تم حجز الطيران الداخلي
اضغط هنا http://www.airasia.com/
انطباعي عن الطيران ممتاز لكن عيبه الاكبر التأخير
وهالشيء صادفنا واحنا رايحين وراجعين
وكان التاخير بين 40 دقيقه اللى 1:30 ساعه
السكن
ملينيوم تصنيفه 5 نجوم والفندق عباره عن قسمين
قسم على الشاطىء وهو الارخص
وقسم البحيره "الليك" الاغلى
طبعا اللي حاجز لنا ماوضح لنا الفرق بينهم
ولا قال لنا ان في فرق في السعر ولا شيء
بالصدفه عرفنا ..
الفندق جيد جداً ايجابياته ان يقع في مكان استراتيجي والافضل
مقارنه بفندق هوليدي ان مريت عليه واحنا رايحين الفنتازيا ومكانه
ماعجبني بعيد ومرتفع و المكان شبه مقطوع مقارنه بالملينيوم ماشفت عداله
الا سفن الفن
عكس ملينيوم تحته مجمعين واحد ماركات والثاني عادي ومطاعم عالميه وكوفيات
مثل بيتزاهت و كنتاكي و ماكدونالد و ستاربكس هاغن داز وغيرهم
وما ننسى سلسلات السوبرماركت العالميه كارفور هذا كله حولكم وقريب عليكم
وقربه من البحر والمطاعم العربيه مثل الشرق و مكتب بوم و شارع البنقلا رود
سلبياته :-
بما ان قريب من البنقلا رود وهو معروف بالبارات اصوات الديسكو واصله للغرف هذا بالنسبه
للغرف المطله على الشارع اما الثانيه مادري فيها احنا من التعب كنا نرقد على طول
الفندق 5 طوابق مفتوحه يعني اول ماتدخلون تحسون برطوبه وحر واغلب اللي يسكنونه
قروبات ماشفت عرب الا 2 شباب خليجين و كويتيه وزوجها بس الباقي قروبات من الهند
والصين واليابان و فرنسا كان بينهم مغاربه
فطورهم مايليق بمستوى الفندق صغير ومحدوود انا مافطرت فيه دخلت ادور كروسون كاكاو
مالقيت طلعت اما اختي وخالتي وزوج خالتي كانوا يأكلون عادي يغزرون اكلهم بالفاصوليا
والبيض طماط والكورن فلكس بس الاغلب ماكانوا يفطرون وماستفدنا شيء من حجزنا للفطور

الصرف :
صرفنا من بانكوك عند ابو داود 6000 درهم وكان يومها 1000 درهم = 8.800 بات
وكان افضل واحد في نانا سعره ذاك اليوم ومع نصحيه الاغلب ان الصرف في بانكوك
ارخص من بوكيت فخذنا بالنصيحه ..
ورجعنا سحبنا بعدها في بوكيت 4000 درهم حق السوق
الرحلات :
كان عن طريق بووم ومكتبها عند مطعم القاهره ..
الى هنا اتوقف انتظروني ،،


رحلتي الى تايلاند
التعليقات (9)
قصة حب تايلندية
قصة حب تايلندية
عاشت عاشت
ليدي بيرد
الحمد لله على سلامتك
متابعينك وكلنا شوق لصور بوكيت الغالية

q8ya metnaqla
q8ya metnaqla
الحمدالله على السلامه ام عليوي
من طول الغيبات ياب الغناايم
يله اول مره اصير الاولى في تقرير نااطرينج

كويتية^رحالة
كويتية^رحالة
الحمدالله على السلامة ومتابعين
يعطيج العافية

الحوسني
الحوسني
الحمدلله على سلامتكم
تقرير متعوب عليه وبداية مشجعة ،،، متابيعن وياكم التقرير مع بقية الاعضاء

© LadyBird
© LadyBird
السلام عليكم
اول شيء اعذروني الظاهر ان هالمشكله نسيت اضغط
" اضافه الرد" و وقع سهواً !
ولكن لا بأس
هالشيء يصير حتى في احسن التقارير خ لاياشيخه
ولاني ودعتكم بكمل التقرير
مهما يصير
وانا ان شاء الله ناويه اكون
قدد الثقه واكمله فعلاً
خاصه في ناس بدت تسوي حجوزات الصيف
في يوم 17-7-2010
5:40 دقيقه فجراً
وبعد ماقضينا اسبوعين في ربوع استراليا
وبعد رحله دامت 9 ساعات
وصلنا لمطار بانكوك Suvarnabhumi Bangkok Airport
نزلنا بسرعه من الطياره ومشينا ل الامقريشن عشان نخلص منهم
ونستلم الشنط ونطلع ل الطابق 4 مكان
كاونترات طيران اير اسيا
المطار واضح وسهل جداً يعني مستحيل
في انسان يضيع فيه
http://i1141.photobucket.com/albums/n592/n91mm/phuket%201/IMG_3889.jpg
وصلنا لل امقريشن لكن وقف شرطي وقال روحوا للامقريشن الثاني ؟!
يابن الحلال احنا ورانا طيران داخلي
والرحله بتفوتنا ولازم نستلم الشنطه ونطلع
قال لا مافي روحوا الثاني
طبعا لا هو فاهم علينا ولا احنا فاهمين عليه وحاولنا
نمسك اي تايلندي يتكلم انقليزي او يفهم لنا
بس فيهم طبع غريب ! مايخلون اي حد يتدخل
شد وجذب مافي فايده وكملنا يمكن مشينا مشي
سريع 5 دقايق عشان نوصل الامقريشن الثاني
وكان ازحم عن الثاني والمشكله
ان شنط طيارتنا كانوا نازلين على السيير
اللي ورا الامقريشن الاول !!
لين يومكم قاهرني هالبني ادم !!
قاهدين نتريا دورنا
مكان الشنط
وقفنا نشيك على رحلتنا
بعد ما استلمنا الشنط رحنا على طول لمكان المصاعد بس شفنا
زحمه وقررنا نستخدم السلم وكان سهل
وفي بعض التايلندين ساعدونا خ
اخيرا وصلنا لكاونترات اير اسيا واختي وخالتي على طول راحو
لكاونتر موجود وطلبوا انهم يشترون وزن اضافي
واحنا رحنا للكاونترات الثانيه عشان نسوي الجيك ان
رجعت اختي وخالتي وقالوا لنا ان لازم نشتري الوزن
من مكتب جنب الكاونتر الاخير
وهنيه الكاونترات مقسمه بعضها دولي والاخر داخلي
اكبر غلط سويناه ان مااخذنا الوزن مره وحده يوم حجزنا
التذاكر واخرونا تقريبا نص ساعه
لين مادخلوا البيانات التذاكر وزادو لكل شخص اكبر وزن
موجود
بعد ماخلصنا كل شيء بحمدالله كملنا وعلى طريقنا شفنا
ستوب فود وكنا حددنا يوعانين
فمرينا ناخذ لنا اكل خفيف
وللتنويه هذه المطاعم الوحيده الموجوده للرحلات الداخليه
وصلنا قاعه الانتظار شفنا ناس وماشفنا المظيفين اللي يجيكون على التذاكر
استغربنا !! وعلى بالنا الطياره طارت خ
بس يوم سألنا الناس كلهم طلعوا على نفس طيارتنا ونفس الوقت
وطلعت الطياره متأخره !!
بعد 10 دقايق شفنا الموظفين ياين وكان معاهم الطاقم اليديد
والكابتن
بس الطياره تأخرت حول الساعه ونص
وقعدت اقضي وقت اصور الطيارات الرايحه
هالطياره اول ماشفتها على بالي طيارتنا
قلت لامي الطيااره يت خ
شوي اشوفها طافت
امي قالت لي شخبارج انتي خ
التايلنديه بطير
ماشي شغله
هالتايلنديه اللي من ساعه واقفه
وصلت اخيرا المحروسه
مابغيتي
مجهزين كل شيء
بعد ماطلع الطاقم الجديم دخل الطاقم اليديد والكابتن
وبعدها بدوا يدخلونا
احنا عرب مانعرب نزاحم فخليناهم يدخلون قبلنا
وانا سمعت من كذا شخص يقول ان اير اسيا "من سبق لبق"
يعني كل واحد يقعد على الكرسي اللي يباه
بس احنا شفنا العكس !!
كل واحد قاعد على كرسيه
وشفنا بعد عرب في الطياره كويتين و بحرينين وسعودين
وكلهم عوايل
مادري متى وكيف صورتها !
صوره سريعه للطياره من داخل
بعدها حاولت اصور المضيفات وهو يشرحون اجراءات السلامه
بشكل بدائي بس المضيفه عطتني نظره خوفتني خ
واحترمت نفسي وسكرت الكيمرا
جارتنا التايلنديه
الاتحاد طايره
بدينا نمشي وصورت المدرج
هالطياره حسيتها مخلفات الحرب العالميه الثانيه
رحنا ورجعنا وهي مكانها سر ماتحركت ابدا
صوره للمطار
اعتقد ان برج المراقبه
طرناا
وداعا بانكوك
كان اقلاع مريح وخفيف وحلو
ماشاء الله بدون مبالغه طيار اير اسيا
كان افضل من طيار التايلنديه ماشاء الله
صدق مبددع حتى هبوطه والله ماحسينا فيه
الله يوفقه
سبحان الله كنه قطن
مكثر السفن
احدى الجزر
على طاري الجزر في تايلند تقريبا
1.400 جزيره
وبعضها ملك خاصر للمشاهير والاغنياء
سبحان الله نطير وتحتنا سحاب وفوقنا سحاب
على طاري السحاب تدرون اذا الطياره دخلت في سحابه او غيمه كبيره
شيصير ؟!
ممكن الطياره تنزل 1000- 5000 قدم فجأه وتسبب حالات
وفاه او اصابات لا قدر الله
مثل اللي صار في الاماراتيه والكويتيه
وتسمى بالمطبات الهوائية
نكمل تقريرنا ومازلنا في الجو
احدى المدن او الجزر اللي مرينا فوقها

© LadyBird
© LadyBird
في بعض الناس يقولون انهم جبال في وسط بحر
وانا اسميهم جزر مادري منو الصح
بدينا نهبط
اكثر
اكثر
اكثر
اكثر
الحمدلله كان هبووط رائع طيارنا خطير ماشاء الله عليه
احنا نازلين والماليزيه بطير
مدرج بسيط ومطار بسيط
شركات متنوعه تهبط فيه ومنهم الاتحاد والقطريه
المطار
باص يودينا ل مطار
مادري متى صورتها
التايلنديه توها نازله
تايلنديه توها طايره خ
بورد الرحلات الواصله
المطار كان شبه فاضي رحلتنا كانت الوحيده الواصله والرحلات اللي ورانا واصله بعدهم مانزلو
رحنا نستلم الشنط
بسرعه ماشاء الله استلمناالشنط وتوجهنا للخارج
اول ماطلعنا زحمه السواقين والرطوبه الجميله خ
قعدنا ندور السياره اللي محجوزه لنا
وكان في وضوح كبير لوجود الجاليه الهنديه
سبحان الله موجودين في كل مكان خ
شفت هاللوحه
زوم
بوكيت ترحب بكم
كنا متفقين مع الكتب سياره وحده بس طلعوا سيارتين ميني باص مثل هذي
هذا كان باصنا
محمد
تحركنا
اثار الامطار ماجفت
توقعت يكون الاهتمام في بوكيت مثل بانكوك لانها جزيره سياحيه
بس تفأجات ان المبااني جدييمه ومافي اي اهتمام
الشارع كله ترحيبات
الخضار في كل مكان
ترحيب بشيخ ديني
الدرب كان شوي بعيد تقريبا 40 دقيقه
ياكثر مايرحبون
مازلنا في الشارع
صوره لملكهم
الدراجات في كل مكان
تويوتا خ
هذا الاوتليت لنا رجعه له
مبنى مهجور
عندهم محلات كنه سوق الجمعه بسطات وحركات
يتبع ....

© LadyBird
© LadyBird
مازلنا في اليوم الاول .....
مازلنا في الشارع
بحيره
محلات على طول الطريق
مرينا على حلبه الكارت
احلى مطعم صراحه
الاعلانات على الجبل كثير منها العربي
هذا اعتقد ان معبد مكانه غبي
وناسه الطريق خ
وصلنا الباتونغ بيتش
اخيرا هالتكتكات < صح جمعهم خ
صافطين جدام المجمع اللي لاصق بالفندق
فندقنا ملينيوم بيتش سايد
الفندق من داخل
رسبشن الرحلات + مطعم
القعدات
الرسبشن
كنا واصلين على الساعه 9 والجيك ان على الساعه 12 واحنا تعبانين على الاخر صار لنا يوم لا غيرنا
لبسنا ولا شيء ورحلتين ورا بعض وكنا طالبين ومأكدين على المكتب يطلب منهم جيك ان مبكر
لكن يوم وصلنا انصدمنا ان مافي غرف فاضيه
وعطيناهم الاوراق وقلنا لهم ان
احنا طالبين جيك ان مبكر لكن مافاد معاهم وامي تكدرت واليهال كانوا تعبانين
حاولنا معاهم كان تعاملهم مش ولابد ! لكن في البدايه عرضوا علينا سويت في الليك سايد لين مايجهزون
الغرف طبعا احنا رفضنا ! كيف سويت وعايلتين مايصير طلبنا منهم سويت ثاني قالوا الحجوزات فل
بعد شد وجذب قالوا بنسلمكم غرفتين والغرفتين الثانيه الساعه 2 وافقنا .. العوض ولا القطيعه
سلم للساكن في الدور الاول
اللوبي من صوب ثاني
في هالوقت المرشده اللي كانت معانا طلبت منهم يعطونا عصير
ليمون بالنعناع بارد وحلو
سلمونا غرفتين
كنا في الطابق 5 وهذي صوره للوبي من فوق
غرفتنا قعدنا فيها انا وامي واختي وخالتي واخوي خ
صور للغرف الثانيه
كنا طالبين غرفتين سوبريرو وخالتي نفس الشيء غرفتين سوبريرو وفيها سرير اضافي
الميني بار قبل لايقفلونه
هالماي المجاني 3 غراش يوميا
مطل غرفتنا يطل على ستاربكس والشارع
مينو الروم سيرفس
الحمام اكرمكم الله
ا
المغسله
اهم شيء في الحمام الشطااف او الفوز
في شيء ينبنى بين فندق الملينيوم و واضح في الصوره الليك سايد
بعد ماريحنا شوي واستلمنا الغرفتين الباقيات الاغلب نام الا انا وبنت خالتي والشباب
قررنا ننزل وناخذ لفه تحت
يتبع .....

© LadyBird
© LadyBird
مازلنا معكم في اليوم الاول .......
دخلنا من الباب اللي في اللوبي على المول كان عادي و روبنسون احلى
الشباب فرحوا بالمحل خ
طلعنا على الساحه اللي فيها مطاعم وقعدات
كانو حاطين استيج في نص الساحه وكان انواع الازعاج
كنتاكي مرينا عليهم وخذنا اسكريم
في هالسوق بيتزاهت ومساج السمك ومحلات ثانيه
المساج 99 بات
بيتزاهت
بعد هاللفه الصغيره رجعنا للفندق وكنت فرحانه السوق ابداا مافيه ريحه مثل نانا
ونظيف وراقي
واحنا راجعين شفنا قروب وااصل واللي شفته في 5 ايام انا غلب اللي يسكن هالفندق قروبات
على العصر بعد ماقاموا من النوم كنا ميتين يووع واقرب شيء لنا هو ماكدونالد فقررنا ننزل ونطلب ونرجع فوق ناكل
ماشفنا الخليجين الا العصر ولا الصبح نايمين خفافيش خ
ماكدونالد
شغلهم بطيء واكلهم الله يعز النعمه فوق هذا وانا واقفه اطلب طب اجنبي وقعد يصارخ يقولهم
رجعولي فلوس
وقالهم انا صار لي ربع ساعه وانا وانا قامت الحرمه اللي تشتغل وفرت
البيبسي على الارض
وطلع لنا المنجر ووقعد يبهدلها
ودخل يطبخ بنفسه خ
ورجع للاجنبي فلوسه وطلع واحنا بعد كنا مكملين ربع ساعه كنت ناويه اسوي مثله بس في خليجين عوايل
صبرت عليهم وكملت 20 دقيقه بعدها عصبت وطلعت بدون ما اخذ فلوسي
ورجعت فوق بدون اي شيء
بعدها نزل زوج خالتي واشترى لنا اكل
بعد ماخلصنا اكل قررنا ننزل وناخذ لفه في المكان لان الاغلب كان نايم
مرينا على ستاربكس و
بعدها صب مطر قعدنا تحت المظله وشفنا واحد من الجنسيه العربيه اعتقد انهم شواام
يلعب تحت المطر
محل اسكريم حلو
بعدين احنا البنات وامي وخالتي قررنا نروح البحر بسرعه ونرجع مرينا من البنقلا رود
وحزتها كان هادي وبعدها الهيصه والزمبليطه
البحر كان شبه فاضي
كانوا في عرب في البحر
وفجاه نشوف شلق كل يوم المغرب نشوف شلق
بعدها رجعنا للمجمعات وانا استاذنت منهم وقلت بروح انام هلكاانه و وصيت اختي 999 مره تروح عند
مكتب بوم وتحجز لنا سواق يودينا باجر للفيله وغيره ..............
اشوفكم لاحقا وفي يوم يديد في بوكيت

أمير مصر
أمير مصر
بسم الله الرحمن الرحيم
السلام عليكم و رحمة الله و بركاته ،،
تقرير جميل جداً و متميز أختي الكريمة
التصوير معبر جداً و التفاصيل ممتعة و مشوقة
نتابع معكِ هذا التقرير الجميل
جزاك الله خيراً .. و الحمد لله رب العالمين


خصم يصل إلى 25%