السلام عليكم
يشرفني ابتدي معاكم أول تقرير لي في بوابتنا الغالية واللي من حقها علينا ان لا نبخل عليها بمثل هذه التقارير والتي تنشط السياحة الداخلية أو الخارجية على حد سواء..
وراح نبدأ بتقرير حديقة الحيوان ونتبعه بتقرير مدينة ألعاب دريم بارك..
بما أن عيالي في أجازة وأنا ظروفي ما سمحت لي أطلعهم فحاولت أفضي نفسي هاليوم وخاصة أن اليوم الخميس هو يوم مخصص للنساء والأطفال فقط من كل اسبوع..
وصلنا الحديقة الساعة الثانية والنصف ظهرا وغادرناها الساعة السادسةوالنصف مساء..
بس صراحة ما عجبني الطريق يعني ما لقيت دوار ولا تحويلة للحديقة وتمييت ماشية لين لقيت دوار الصناعية وهنا الله فرجها خذت الدوار ورجعت وماسكة هالخط لين وصلت دخلة الحديقة!!!
يا جماعة صح طريقي وإلا لها دخلة قبل بس أنا ما شفتها؟
هذي صور حديقة الحيوان وهذي هي ما تغيرت ونفس المساكين الحيوانات ضايقة صدورهم صراحة في هالأقفاص ..
صراحة رحمتهم..يصبحون ويمسون بهالمكان لا طلعة ولا روحة ولا جية... الله يعيينهم
واللي تغير عليهم فقط هو وصول ضيف جديد عليهم امه داعية عليه هو النمر الأبيض..
المهم أترككم الآن مع صور الحديقة..
مدخل الحديقة:
السيرة الذاتية للضيف الجديد-النمر الأبيض-..حي الله الضيف..
للأسف اختفت فجأة من الميموري صورة الضيف النمر الأبيض وتمت محاولات عديدة للبحث عنها ولكن للأسف لم نجدها..-الظاهر لقى له إقامة أفضل في حديقة ثانية _ موزع السي في في أكثرمن مكان الظاهر!!!