مصر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
MaNoo_Eg
10-11-2022 - 12:48 am
بسم الله أبدا وأتنفس وأعيش
بدايه اتمنى من كل قارىء قراءه الفاتحه لشهداء الحريه فى مصر
لم أتردد فى كتابه هذا الموضوع خاصه فى هذا الوقت موضوعى موجهين لطرفين الاخوه العرب ..واداره المنتدى
إلى الأخوه العرب من جميع أنحاء وطنا العربى ....
من شاب مصرى صادف ظباط الأمن وعاش وسط الفنابل والرصاص لمده 17 يوم فقط لأنه يطلب حريه
من شاب مصرى تمنى ودعى ربه يارب ان لم أنل حريتى فاجعلنى شهيدا فى سبيلها
من شاب مصرى أحب بلده وأصر على هدفه فاستطاع أن يخلق عصر جديد حر
من شاب مصرى بعد ان حصل على الحريه أقسم بالله ألا يترك بلده ويظل بها حتى يصنع لها التاريخ كما كانت على مر الزمان
من شاب عاش فرق الظلم والحريه فى يومين متواصلين
ماذا تنتظرون من شعب وشباب خرج واستمات وراح 400 شهيد ليصنعوا التاريخ لبلادهم
كيف تنظرون الى هذا الشباب عندما يأتى كل منكم الى مصر وهذا هو هدفى
تعالوا مصر ..بلد الحضارتين الفرعونيه والاسلاميه
تعالوا مصر الامنه مصر بخير بشبابها..مصر حققت امالها وبقت عروسه فى اول ايام زفافها
تعالوا مصر اصنعوا معانا العصر الجديد محدش فيكم يدفع رشوه لحد وهو هنا
تعالوا مصر وشوفوها بنظره شبابها ومحدش فيكم يسكت عن واحد بيطلب حق مش حقه
تعالوا مصر كما تعرفونها من التاريخ وكما حكى عنها العالم انها حقا أم الدنيا
تعاهدنا جميعا ان نساعد فى كل المجالات السياحه والاقتصاد وغيره والطفل قبل الشاب قبل الشيخ
مصر أمنه وستظل امنه بس زى ما تقولوا كدا كانت محتاجه تنضيف وتجديد وتظبيط واحنا لها ان شاء الله
لا تتأخروا فى أن تأتوا ومن ائتلاف شباب الثوره فى كل مكان اعلنها اى حد عايز ييجى مصر وعايز ناس تساعده فى اى حاجه عايز ناس توصله بوزاره السياحه اللى خايف من اى حاجه من اللى بيسمعها مع اظن الوضع بقى هادى وانا شخص من قلب الاحداث اقول ولو ليكوا حد فى مصر اسألوا ومتترددوش انكم تيجوا احنا لها ومعاكم ولو هنفضل طول عمرنا نستقبل الناس ونبقى معاهم مش هنزهق
احنا شباب خرج ليهدم فساد ويبنى أمجاد زى ما رمينا فى الشوارع هنضفها وزى مااثرنا على السياحه هنرجعها
لتظل بلادنا أغلى دره فوق جبين الدهر حره يابلادى عيشى حره واسلمى رغم الاعادى
الى الادراه....هنساعد بعض انا لغايه الان مش عارف ازاى دا ممكن يحصل
انا عارف ان كدا كدا ان شاء الله سياحتنا هترجع اكتر من الاول والدليل ان فى سياح رفضوا يغادروا وقت الازمه
لكن نبدأ نظهر الحاجات الجديده اللى فعلا محدش يعرف عنها حاجه
اى حاجه ليها علاقه بوزاره السياحه محدش يشيل همها الناس متعاونه جدا ومحدش هيقدر ميتعاونش للحق يعنى
اللى شايف سلبات كانت بتحصل يكتبها وحده بوحده ان شاء الله تبقى زى مال ناس عايزه
بشكركم كلكم وبشكر اى حد دخل وشاف الموضوع واتمنى محدش ينسى الفاتحه على روح الشهداء
لما المسيحى يحمى المسلم وهو بيصلى يبقى انت أكيد أكيد فى مصر أم الدنيا


التعليقات (9)
بحب السفر
بحب السفر
بادرة طيبة جدا جدا .. من حضرتك ..
وفعلن كنت سأبدء حملة ( اللي يحب مصر ينزل يزور مصر )
مصر فعلن اتغيرت وكل السواح هيشوفو ده بيعينهم
مفيش بعد كده اكراميه ولا شاي ولا فساد
مصر بقت وردة متفتحة من اول وجديد
ان شاء الله خلال شهر بالكثير سأنزل مصر ولو حتي يومين ..
لنبدء الحملة سويا .. لنعيد السياحة الي مصر كما كانت وافضل كمان
تحياتي لحضرتك علي البادرة الطيبة و مشاركتك في الثورة
كنت اتمني ان شارك بها وان اكون في بؤرة الحدث ولكن الحمدلله شاركنا بوسائل اخري كمصريين في الخارج
تدمع عيني عندما أري صور المسيحيين وهما يحمو صلاه المسلميين والعكس
الحمدلله اننا اثبتا للعالم اجمع بأن الفتنه لامكان لها في ام الدنيا
الفاتحة لشهداء مصر شهداء الحرية شهداء الكرامة والانسانية
شهداء العصر الجديد
شهداء الجمهورية الثانية

رعبــوب
رعبــوب
الي الامام وانا اول المسافرين لمصر في ماررس وسوف انقل لكم الحدث والتجربة ان شالله

الشايب العاشق
الشايب العاشق
مصر حبيبتنا بالماضي و الحاضر
و عمار يا مصر
و لي زيارة لها بأقرب فرصة
ان شاء الله

dr m.diab
dr m.diab
اللهم ارحم شهداء الثورة وكل المسلمين
اللهم ادخلهم فسيح جناتك مع النبين والصديقين والشهداء
بارك الله فيك اخى الكريم وسدد خطاك

ksa.lord
ksa.lord
كتبت هذا الموضوع او لم تكتبه
فزيارة ام الدنيا امر حتمي لامفر منه ابدا
ومن باب الاخوة الصادقة بين الشعب المصري والشعب السعودي
فسوف اخصص مبلغ معين والدخول به للبورصة المصرية
وهذا بمثابة محاولة متواضعة مني
ولو نصف السائحين الخليجين قاموا بمثل هذا الامر فانا متيقن تماما بان الاقتصاد المصري سوف يعود بل افضل مما سبق
وسوف اكون بمصر بتاريخ 25 مارس باذن الله

dr m.diab
dr m.diab
ksa.lord
بارك الله فيك اخى وجعله الله فى ميزان حساناتك

ام رزونه
ام رزونه
من زمان عن البوابة المصرية ...لكن عن مصر لا .. فانا معاهم خطوه بخطوه في الليل والنهار اتابع الاحداث وادعو لهم في صلاتي حتى ان بعض الزميلات في العمل كانوا بيسالوني انتي فيكي عرق مصري؟؟
لاني كنت اتكلم عن الاحداث بكل صدق وحرارة واقول انا ابكي لما اشوف بعض المشاهد للشعب المطحون المقهور .
الله ينصرهم ويكتب لهم الخير .
وبالفعل والحمدلله انتصر الشعب المصري الصامد ..
تحية كبيرة للشعب المصري.
واسال الله العلي القدير ان يتقبل شهداءكم ....
الشباب اللي ضحوا بارواحهم لتظل راية مصر خفاقة في عزة وكرامة.
وان شاء الله مصر المقصد السياحي الاول لكل العرب على طول.
دي في قلوبنا لانها مصر التاريخ
مصر الحضارة ..مصر ام الدنيا
يمكن هي البلد اللي مذكوره في القران في اكثر من موضع بخلاف مكة المكرمة الله يعمرها.
بسم الله الرحمن الرحيم" وقال الذي اشتراه من مصر لامرأته اكرمي مثواه عسى أن ينفعنا او نتخذه ولدا"
" اهبطوا مصراً فإن لكم ماسألتم "
" ادخلوا مصر ان شاء الله آمنين "
وطبعا اللي يحب مصر اكيد حيروح مصر ..
.................................................. ........................................

حاير الصمت
حاير الصمت
شكراعلى المضوع مانو وعلى اهتمامك انا مصر تجري في دمي لاني اعشقها بجنون والصيف ان شاءالله مافيه كلام هناك وان كتب الله انزل ان شاءالله انزل نهايه شهر 3
والله يعدل الامور في مصر للاحسن ان شاءالله وكل حاجه تتحسن وتتطور للافضل ان شاءالله
وعمار يامصر يا ام الدنيا الغالي على قلوبنا
كلنا يا اخوان يا بوابه مصر لنعيد سياحه مصر يدا بيد
شكرا وتحياتي على الموضوع

m_1978
m_1978
اسئل الله العظيم ان يرحم شهداء المسلمين و يسكنهم فسيح جناته ,
لمصر حب عظيم لا تكفيه الكلمات و اقل ما نقول اللهم احفظها و اسعد شعبها و اجعلها كل عام بخير.
اما ما يختص بالدعم الاقتصاد و البورصه ربما يتم منع الاجانب من الدخول للبورصه , و مثل ما افاد اخي باني اول الناس حضور بتاريخ 29/03/2011 وتم الحجز
الله يحفظ كل بلد مسلم


خصم يصل إلى 25%