اليمن المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
سعـد القحطاني
07-11-2022 - 11:24 am
  1. النوع الثاني هو أم الفله , ليش ؟؟!!

  2. المتجهين يسار اشارتهم خضرا والي بيمشون قدام للحين واقفين

  3. شوفو برضه مسارات الدرجات الكل محترمها وما احد واقف عليها


السلام عليكم ورحمة الله وبركاته
..
..
..
أهلين وسهلين بالابظايات .طبعا الموضوع باين من عنوانه والي خلاني أكتبة انه كثير ما يسألوني الشباب عن السواقة في أوروبا سواء من الزملاء او الأقارب ومع كثرة تكرار الأسئلة بصراحة طفشت. أحيان لك خلق تجاوب وبعض المرات أعطه اقرب مخرج بس أحس وقتها بتأنيب الضمير !! يبي يبرر نذالته !!. في الآخر قلت ابد مالك إلا تكتب موضوع في المنتدى وترسل الرابط لكل إلي عندك في الاميل وتريح راسك وبعدين الشرح بالصور أحسن من إني اقعد أوصف لواحد نص ساعة علشان يفهم >>> من النوع إلي يعصب إذا ما فهم إلي قدامه بسرعة!!
الموضوع ما يبي له اختراع يعني الواحد بيسوق إما في المدينة وهو المحور الرئيسي للموضوع او على الخطوط السريعة خارجها أوالأرياف .

النوع الثاني هو أم الفله , ليش ؟؟!!

لان برا المدن خذ راحتك على الآخر يعني ماحولك احد بس انتبه لخطوط المشاة لمن تدخل البلدات الصغير لان المشاة هناك لهم أولوية المطامرة.لازم تراعي إن الأنفاق في سويسرا ممنوع منعا باتا (نيفر ايفر) انك تتجاوز فيها . وبالنسبة لتجاوز السرعة المسوح فيها لو عديتها ب 5- 20كلم /ساعة راح تتغرم 200 فرنك ولو عديتها بأكثر من كذا ليلتك مش هتعدي المعلومات هذي على ذمة احد المواقع السويسرية وفيه برضة يجيك مع السيارة اذا استأجرتها سترة فسفورية أو برتقالية عاكسة هذي تلبسها اذا حصلك بنشر وخلافه. المهم نوعية الطرق إلي بتشوفها بتكون مثل الصور إلي تحت ولو ان هالموضوع اشبع بالصور لكن ما يمنع كم صورة عالماشي. يالله ننزل
الصور من سويسرا المناطق بين sarnen و انترلاكن
طريق سريع
قرية (ماتن المجاورة لانترلاكن)
طرق ريفية
وزد على كذا إذا عجبك مكان وودك تعيش جوك لا يردك إلا الفرامل بس لا تفلها كثير انتبه للي وراك قبل تكع ام الفرامل. بعض الاماكن تستاهل الوقفة بصراحة مثل هذا
اما المدن الشباب في البداية تحصلهم ربكة لدرجة انهم يجيبون عيد الكريسمس في جولاي وفيه اعياد مالها تسمية مثل انك تطامرعلى مسار ترام وتصر انك صح . غالبا الربكة هذي تنتهي لمن يعرفون الوضع. بس مع ذلك احتمال هالفترة البسيطة يحصل شي فيها يخرب على الواحد بسطته .
راح نتكلم عن المدن من ثلاث نقاط :
1- مسارات الترام وكيف يتعامل الواحد معها
2- المسارات الغير مخصصه للسيارات ( باصات –دراجات –ترامات )
3- التقاطعات والإشارات
مسارات الترام
1- مسارات خاصة بالترامات فقط
غالبا الترام له مسار خاص فيه محد يضايقه وبتشوف مكتوب عليه tram bus الخ مثل هذا
الكتابة ماراح تكون موجودة طول الطريق لكن تقدر تميزها بكل بساطة مثل الصورة الجاية . شوف الخطوط الصفر وفيه مسارين للترام بينهم . يعني يا بابا العب بعيد .
2-مسارات للترام والسيارات في نفس الوقت
بعض الشوارع تمشي السيارات والترام على نفس الشارع ونفس المسار. لكن انتبه ثم انتبه لاتفكر الشارع كله لك لان الترام الثاني قالط معك في نفس الشارع وبينكم خط وأحيانا مافيه. مثل ما بنشوف
هذي صورتين لشارع لوزان في جنيف صورتها من الفندق وجا وقتها الحين.
الشارع الي من جههة الفندق فيه مسارين وكلها عليها خطوط ترام . هنا الزم اليمن
زي كذا
علشان ما تقابل هذا
مسارات الباصات والدراجات
هذي واضحة جدا مسار الدراجة دراجة بيكون جنب الرصيف وعلية رسمة واحيانا فيه عند الاشارات مثل ما بنشوف بعدين . والبااصات لها مسارات تقريبا تكون عريضه وخطين صفر هذي الصورة من تصويري وفيها مكان خاص للباص.
واحيانا يسمح لنا بالمشي عليها مثل الصورة هذي
الي يرغبون الاتجاه يمين السهم يشير لهم بالمشي على مسار الباص بس المسار فاضي ما فيه حركة
الإشارات والتقاطعات
الصورة السابقة واضح من العلامات الأرضية ان المسار الايمن مخصص للمتجهين للامام او يمين والمسارين الثانية للمتجهين يسار ولازم تحدد أي جهه ناوي تروح لان لكل اتجاه اشارة خاصة مثل هذي

المتجهين يسار اشارتهم خضرا والي بيمشون قدام للحين واقفين

شوفو برضه مسارات الدرجات الكل محترمها وما احد واقف عليها

طبعا مو كل الإشارات بهذي الطريقة .فيه إشارات تقليدية الي هي إشارة وحده لكل المسارات وهذي لازم الواحد ينتبه اذا بيروح يسار لان ممكن تكون مفتوحة للي جايين من الجهة الثانية وأنت عليك تتقدم شوي وتنتظر لين تلقى فرصه وتعدي .
دايما اتبع الخطوط الارضية يعني لو الاسهم على الارض كلها يمين معناته اجباري يمين وفي هالحالة بتلقى لوحتين على اليمين واليسار تشير للاتجاه الاجباري
وبكذا نكون وصلنا لنهاية الموضوع


تأشيرة
التعليقات (8)
" Emo0o "
" Emo0o "
موضووع جدا مفييد
بس ماافيه صور؟؟
الله يعافيك

samyam
samyam
مشكور على هالمجهود الرائع

amory_999
amory_999
بارك الله فيك على هالمعلومات وهالموضوع الجميل
يعطيك العافيه

Hattan Jed
Hattan Jed
موضوع رائع وتميز بتعليقاتك الجميلة ..
غفر الله لك

سواح1111
سواح1111
روح ياشيخ الله يسعدك دنيا وأخرة
بالفعل الشرح وافي وبالصور..نفس معاناتك مع الشرح
الكثير متخوف من حكاية القيادة لنفس هذي الاسباب..بس الان راح ارسل رابط الموضوع لكل اللي سألوني
يعطيك الف عافية وما قصرت

سعـد القحطاني
سعـد القحطاني
Emo0o ";4869552]
يطيك العافية عزيزي فعلا كان معك حق وانت نبهتني وعدلت الالبوم الي فيه الصور من خاص الى عام .
الف شكر يا باشا
تستاهل هذي

سعـد القحطاني
سعـد القحطاني
samyam , amory_999
اسعدني مروركم

سعـد القحطاني
سعـد القحطاني
Hattan Jed الفال لك وانشالله الموضوع يفيدك في سفرتك شهر ابريل


خصم يصل إلى 25%