يوم الاثنين 15/11/2010
كان موعد السفر الساعه 1:25 صباحا .. رحنا المطار الساعه 10:30 وكان زحمه وايد الكل بيسافر بس عند KLM ماكو احد فخلصنا الوزن بسرعه و رحنا قعدنا بقاعة دسمان
هي قاعه مخصصه للي حاجزين على الدرجه الاولى واعتقد لي عندهم برفلج اتوقع
القاعه فيها بوفيه مفتوح وخدمه انترنت ونادي للاطفال ومساج يعني زين بعيد عن لويه المطار وهمن الواحد يقضي وقته
تعشينا وريحنا شوي وعالساعه 12:30 نزلنا من القاعه وقلنا نتسوق شوي
خلصنا بسرعه ورحنا الطياره والحمدلله طارت بموعدها
http://news.myjoyonline.com/photos/news/klm1.jpg
قضينا الوقت بالافلام والنوم ( بس نص ساعه) وبعد 6 ساعات تقريبا وصلنا امستردام
من مطار امستردام
كان المطار كبير و زحمه بعد واحنا لازم نلحق طيارتنا Air France مابقى شي اقل من ساعه وركض لي البوابه
وصلنا الطياره الثانيه واستغرقت الرحله ساعه وثلث
وصلنا باريس بالسلامه
اخذنا باص حتى يوصلنا فندقنا في ديزني لاند ب 37 يورو
في الطريق
الجو كان بارد
وصلنا الفندق
ماجيك سيركس
كان مسوي عرض تحجز يومين تاخذ يوم مجاني
احنا كنا حاجزين 4 ايام فحصلنا على يوميين مجانا بالفندق
يا سلام
سوينا الجيك ان
عيب الفندق شي واحد مافيه سيرفس يعني هلب يور سلف شيل جناطك ووصلهم بنفسك لي الغرفه
عموما اغلب فرنسا جذي فنادقهم :
وهذي غرفتنا
و هذا الفيو من الدريشه
الباث روم والشور
قلنا نريح شوي ونمنا ولانه اول يوم لنا فقررنا انه من باجر نروح ديزني اليوم التجول برا ديزني
ريحنا ساعتين وقعدنا ولا في شي صاير
@@
عيون زوجي ملتهبه ولونها احمر وتنزل ماي لونه ابيض @@ من شنو ماندري !!!
ومو راضيه توقف الدموع ..
سالنا الرسبشن عن فارمسي قالولنا ماكو الا بالمجمع القريب من الاوتلت
وعلى طول حجزنا شتل من عندهم روحه ورده
رحنا المجمع و اخذنا من الفارمسي غشول وقطره للعين
وبما انه وصلنا لازم نتسوق وناكل لنا شي
وقع الاختيار على مطعم
قلت حق ريلي انه مطعم عربي
راح دش عندهم يطلب جان يرجع يقولي مطعم عربي بس ترا ماهو اسلامي اللي يشتغلون فيه مسييح ا
انتبهو على هالنقطه مو ليش انه اسمه عربي ولبناني على بالكم اسلامي
المهم طلبنا منه سندويجه حمص وشبس وكولا
والسعر كان
الله يعافي الرخص اللي عندنا
عز عز يا كويت
لعبنا ولدي شوي
و رجعنا الفندق بدلنا وصلينا ورتبنا امورنا
وطلعتا بليل نتمشى في ديزني
طبعا البارك والاستيديو مسكرين بس رحنا جهة المطاعم والكافيهات
تمشينا وشفنا محلات ديزني و خذينا فكره عن المطاعم الموجوده
حبيبي بلانت هوليوود
بس ما دخلناه لانه سلم طويل ومعانا عربانه طفل وانا حامل مافيني اصعد
كملنا المسير للاخر وشفنا
وبالاخير وقع الاختيار على ميكي كافيه وكان فيه دور ونطرنا
احلى مافيه الشخصيات اللي تمر على الطاولات صورنا معاهم وميكي ماوس احتفل بعيد ميلاد احد الاطفال واحنا شاركناهم
كانو بالطاوله اللي يمنا
ردينا الفندق الساعه 9 وكنا صج تعبانيين
ماحسينا بروحنا على طول الي السرير نوم
انتظروني باليوم الثاني

تقرير حلو من أوله يعطيك العافيه اختي ومتابعينك

حمدلله علي السلامه بهبهانيه
الباص 37 يورو كلكم ولا لكل شخص
ومتابعين معاك

ماشاء الله تقرير من بدايته روعه
يعطيج العافية بهبهانية ومتابعين معاج

سونيتا
الله يعافيج اختي وشكرا عالمتابعه ان شالله يعجبكم الباقي

بداية حلوه ننتظر الباقي

تقرير روعه استمري ونحن معك

الموضوع شكله حلو
مكمل معى متابعك

..
بإنتظارك بهبهانية ...
.’.’.’.