بسم الله الرحمن الرحيم
السلام عليكم ورحمة الله وبركاته
هالتقرير هو الاول لي بهالمنتدى اللي ساعدني كثير بهالسفره الموفقه ..
كانت السفره نقاهه لزوجتي من بعد فقدانها حملها وحبيت اسوي لها مفاجئه ؛)
حجزت طيران من تاريخ 31-12 الى 6-1 وبسعر 338 دينار بحريني لشخصين وطفل على >>
لكن للأسف صادفت سفرتنا السنه الجديده فأغلب الفنادق ال5 وال4 نجوم كانت فل وكلمت المكتب اللي على
طول اتعامل معاه وقالي مافي الا لانكستر لكن بتاريخ 2-1 يعني بعد يومين من الوصول !!!
قمت وكلمت لانكستر نفسه اذا في امكانيه حجز جناح دبلوماسي او ملكي او اللي هو .. بس اضمن لي فندق
قالت الموظفه ماعندنا اي غرف او اجنحه متوفره بهالتاريخ ونصحتني بستي سويت الروشه
كلمتهم واخذت سويت بسعر 250 $ لليله الواحده ولمدة ليلتين .
بعدها يوم ضمنت كل شي خبرت زوجتي عشان تتهيأ نفسيا وترتب امورها
كانت رحلتنا الجمعه 31-12 الساعه 11.45 الظهر فكنا بالمطار قبلها بساعه ونص ..
وماقدرت اصور شي من الزحمه ماشاءالله اغلبهم عماله اسيويه ..
وصلنا بيروت عالوقت المحدد وكلمت السايق اللي متفق معاه من البحرين وكان عالموعد
على طول رحنا الفندق نرتاح وهذي كم صوره له ..
ماعليكم من التاريخ اللي بالصور ترا الكاميرا مخرفه حبتين
وهذا اعزكم الله الحمام صحيح كان صغير بس نظيف جدا ..
وهذه رسالة شكر من المدير ومعاها حبتين شوكولا
الى هنا اتوقف والقاكم بالجزء الثاني ان شاءالله .. تحياتي