في الفندق في مكتب سياحي حيدلوك على الرحلات اللي عندهم وانت اختار ونسق رحلاتك
الف مبروك ياعريس

الف الف مبروك والله يجمع بينكم على خير ويرزقكم ذريه حسنت الخلق والاخلاق
مخطط جميل جدا مشاء الله تبارك الله
مثل ماقال أخوي سعد بيض الله وجهه اغلب الفنادق فيها مكاتب لترتيب رحلات سياحيه للنزلاء في الفندق , وانت تختار أي رحله تبي وفي أي يوم تبيها
أو تحصل فروع للمكاتب السياحيه في الأسواق ويعطونك جداول الرحلات وتختار الرحلات وتحاسبهم ولا تخاف كلهم يتميزون بالأمانه
أنا رحت 5 ليالي سنغافوره و5 ليالي جزيرة بالي ولم يكن معي أصلا بطاقة الفيزا
كنت أسحب كل فتره مبلغ يكفيني لمدة 3 أيام أو 2 يومين , وكنت أستخدم أثناء الشراء والسحب البطاقات العاديه ( البنك الأهلي , البنك الامريكي )

1. و ما تحب تكون مرتبط مع احد .. ودك تكون مالك نفسك و تسوي كل شي بكيفك

ألف ألف مبروك اخوي
و الله يوفقكم و يجمع بينكم على خير يا رب
بخصوص برنامجك في سنغافوره...
اختيارك للفنادق جدا جدا جدا موفق .. و حتى توزيعها جدا جمييل
بس عندي نصيحه بسيطه بخصوص المارينا ساندز..
حاول انك تشتري كل ما تحتاجه من مشروبات و اكل قبل ما ترجع للفندق
لانو للاسف في مكان معزول عن الاسواق و السوبرماركتات
و بخصوص البرامج السياحية .. اهم شي انك ما تتعب نفسك و تضغط على روحك
ترا البلد حلوة .. بس الاماكن السياحية قليله و راح تخلصها في اقرب وقت
و نصيحتي الثانية امكن تعارض رأي الاخوه .. و هي انك تعتمد على نفسك في ترتيب الرحلات
ممكن تمر على المكاتب السياحيه و اللي هي بالفعل موجوده في اغلب الفنادق و تاخذ فكره عن اهم الاماكن الموجوده و اسعارها
بس اطلع لها لوحدك احلى و اونس
خاصه انكم في شهر عسل .. (زي حالتي)

و ما تحب تكون مرتبط مع احد .. ودك تكون مالك نفسك و تسوي كل شي بكيفك

فانا اشوف انك تضبط نفسك انك تطلع من الفندق كل يوم و تكون مخطط على مكان تقضي فيه يومك بالكامل
تاخذ تكسي من الفندق (لاحظ معايا انك ما راح تلاقي تكااسي توقف لك في وسط الشارع .. لازم يكون لهم مكان وقوف مثلا الفنادق و كل الاماكن السياحيه) و تنطلق لوجهتك و تقضي احلى يوم بكيفك و بمزاجك و محد له شي عندك
صدقني .. رااح توفر في الفلووس (ممكن في بعض الاحيان تكون القروبات ارخص،، بس متعتك حتكون احلى)
انا صار لي موقف اني شريت تذاكر مع القروبات .. و المشكله اني تاخرت عليهم دقايق ،، فللاسف خسرت التذاكر و مشوو عني و خلووني و راحت فلوسي (فوق ال 500 ريال) مع العلم اني رحت بنفسي و زرت كل الاماكن اللي كانت في البرنامج و ما كلفتني 300 ريال..
و انت عريس .. وودك تكون براحتك و ما ودك تستعجلل المدام في شي
و لو احتجت لاي شي ثااني حاضرين

ألف مبروك مقدما ...
والاخوان ماقصرو بالرد ..
موفق يارب

موفق انشالله ومبرووك مقدما وحلو الفنادق احسنت الاختيار
انا توني راد من سنغافوره خل ارد الديره واضبطلك جدولك و5 ليالي روعه بس لا تخسر يوم دوله روعه وتسوه تايلاند وماليزيا بنظري وحرام ما لها بوابه
شوف يا طويل العمر في مكاتب تحجز رحلات طبعا انا سمعت التكاسي غاليه وانا اشوف التكاسي عادي اسعارها مو بالمبالغ المرتفعه
م اول يوم روح في ملحق الاورتشارد هوتيل تلقه واحد او وحده يقعدون الصبح تروح تحجز عندهم رحلاتك كامله
او لهم مكان ثاني عند الفلاير هم قاعدين
بس شوف الصدمه
انا رحت حجزه حديقه الحيوان للشخص 60 دولار تقريبا
وحجزت حديقه الطيور منهم 45 تقريبا
والسفاري نايت 60 تقريبا للشخص
لكن الصدمه!!!
لمن رحت حديقه الحيوان بتاكسي لقيت مسوين عرض 3 حدائق للشخص 58 دولار!!
يعني موفر عليك الحسبه
ولمن رحت الكتب قتله ابي ينيفيرسال سيتي قالي ماكو
دشيت النت وحجزت حق نفسي ورحت بتاكسي والامور سلاسه
المهم ما اطول عليك طال عمرك
خل على حسب جدولك بعطيك الرحلات الي تستحق الزياره صباح ومساء وانت رتب على مزاجك
طبعا الفنادق في فنادق افظل برأأي من الاورتشارد
كموقع الي اهو الماريوت والهيلتون والقراند حياة وعندك بعد عليهم الفور سيزون يصير ورا وكلهم بينهم خمس دقايق
طبعا قسم جدولك على حسب ليل نهار
اول يوم:
صباحا singapore zoo
مساءا night cruze
ثاني يوم
صباحا city tour
مساءا sunset santosa
ثالث يوم
universal studio ضروري تروحله واذا ما لقيت بالمكتب احجز بالنت او اذا ساكن بالاورتشارد هوتيل روح حق واحد بالريسيبشن اسمه ozmanواهو يحجزلك بفيزتك مسلم وخوش انسان
طبعا هذي يوم كامل
رابع يوم
صباحا bird park
مساءا flyer وتتمشي بالمارينا
خامس يوم
الصبح كيفك تتمشي تسوي الي تبيه او تختارلك رحله من الكتب
وبالليل تروح night safari
انشالله اكون فدتك ورحله موفقه