قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
أبو الدانه
12-12-2022 - 03:40 pm
السلام عليكم ورحمة الله
قررت بعد ماشريت لي جيب إني أسافر بإجازتي القصيره بالبر بعد خمس سنوات ما سافرت ولاسفره على السياره كلها بالطائره حتى داخل المملكه
وقع الإختيار على قطر الأحلام .. قطر الكرم .. قطر جيراننا وأحبابنا
وما أعرف شيء
سكن
أماكن ترفيه
العمله كم تعادل / الريال السعودي ل الريال القطر
أنا أبي وناسه وفلّه وتمشيه لأني جاي عن طريق البر
وهل فيه أماكن بر وكشتات قريب من الدوحه عشان لو مالقيت سكن بنام بالبر
أنا السكن مخصص له بالريال السعودي 500 ريال
أبي شيء كويس وارخيص

لاتحذفون موضوعي عشان الجمل الأخيره ترا أمزح
بسرعه تكفون أبي معلومات قبل أنام


التعليقات (2)
عبدالله منصوري
عبدالله منصوري
يعطيك العافيه أخوي،،
شوف بخصوص ميزانيتك للسكن 500 راح تتيح لك فرصة حلوه في السكن في فندق مروب الجديد في منطقة الاسواق وعندك فندق سيف الدوحه الجديد،،
بالنسبه لو حبيت تخيم لكم يووم عند البر والبحر ومناطق حلووه،، فلما تدخل قطر بتحصل عندك مخرج لمنطقة دخان فخذ هذا المخرج وروح صوب منطقة الدخان وزكريت هذي مناطق بعيده عن الدوحه لكنها حلووه للتخييم وإذا حبيت تنزل الدوحه فديتك عندك منطقة الوكرة (بحر أم الحول)،، بعد وانت في طريقك بتحصل مخرج لمنطقة مسيعيد هذي بعد حلووه وهي عبارة عن منطقة كلها طعووس (كثبان رملية) وفيها وايد ناس مخيمين،، بعدين عندك صوب الشمال ياكثر المناطق منها الغارية والمارونه وعندك سميسمه والخور وفيها منطقة عريده وراس مطبخ تقع بين الخور والذخيرة،،
شوف بخصوص العملة مافيش مشاكل نفس الشيء لكن القطري أغلى من سعودي شووي،،
ولوحبيت تقعد في الدوحه عندك وايد أماكن تقدر تروحها أخواننا االبقية (الروك والنوري ونورس الدوحه...) ومشرفنا وغيرهم ماراحو يقصرون معاك راح يسردون لك الأماكن الي راح تحتاجها،،
،،

سلف الامة
سلف الامة
السلام عليكم ورحمة الله وبركاته
حياك الله في بلادك قطر وان شاء الله راح تستانس وايد
انصحك تسكن في فندق هوليدي لافيلا في منطقة المنصوره وسعره تقريبا 500 ريال وايضا فندق رتاج الريان في منطقة الابراج مقابل الستي سنتر ودرجة اولى وسعره تقريبا 500 ريال
انا انصحك اذا تحب البر في استراحات حلوه في منطقة ام العمد مثل استراحة المها وفيها 3 غرف نوم والعاب اطفال ومكان للشواء وبركة سباحة داخليه وسعرها في اليوم 1300 ريال وهي تبعد عن مجمع اللاند مارك 15 دقيقه في السياره فقط وهي على طريق الشمال


خصم يصل إلى 25%