الي يطلون على البحر هم
جراند حياة
ماريوت
انتركوتننتال
الريدس كارلتون
فورسيزون
الشيراتون
شرق
وقريبا :الهلتون
وايضا قريبا جدا ابراج الصبان : عباره عن 5 فنادق 5 نجوم وهي ملك للفندق الي جمبهم اسمه انتركونتننتال
افضلهم ( بالنسبه لي ) الترتيب
جراند حياة
شرق
الفور سيزون

واحد من اللي قلتهم فقط يالروك اللي اطلالته صح وحلوه ومباشره
4 من 10
ومبروك الفوز على الكويت وعقبال كاس آسيا

الفنادق اللي تطل على البحر تبدأ من الماريوت وعقبه فريج شرق
وعقب تمشين في الكورنيش وتلقين الشيراتون في نهايته وجمبه الفورسيزون
وعقب الفورسيزون تلقين الانتركونتننتال
وبعدين تمشين شوي وتلقين جراند حياة وجمبه الريتز كارلتون
هذي هي الفنادق اللي تطل إطلاله مباشرة على البحر
مافي فنادق غيرها
###

النوريq
عليج نور

ماحزرتي بنوب واضمك للقائمة نعم صحيح بعضها تطل لكن اطلاله مو مباشره !!!!!
او بمعنى أصح مو اطلاله حلوه سردتي سرد لا فيه 3 اطلالتهم لا تعلى عليها من ضمنهم حاجه ( مو فندق)
نتيجتك 2 من 10

1. اوكي


2. طيب بقول

م

اوكي

انا ببدأ لج وكل فندق بذكره راح يكون مطل على البحر وكل فندق بذكر ايجابياته وسلبياته
1-فندق شرق وفيه نظام غرف ونظام فلل سويتات الغرف تكون ارخص في حدود 100-1200 تقريبا وتكون مطله على البحر (الكورنيش)السويتات تجي كأنها فلل بس بالحقيقة ليست فلل هي مجموعة سويتات حاطينه في فلل شكلها جدا راقي والسيرفس وايد زين السعر تقريبا من 3500-4300 السويت غرفه والسويت غرفتين 6000 ريال تقريبا سبق وسكنت فيه جدا جدا راقي السويت يجي جاكوزي وغرفة نوم كبير وراقيه جدا والصالة مالت السويت وايد زينه وحمام خارجي اعزكم الله اول مادش الباب مال السويت اما الاكل فلا يعلى عليه انصح بالمطعم الي بالساحه وبعد في شيشه فوق وايد زينه والجو يكون رايق حده وبعد فيه سوق فساتين وشغلات حريم بس كل شي بحقه يعني اسعارهم شوي.
2-فندق الفور سيزون نظام غرف وسويتات فندق مصنف خمس نجوم اللوبي ماله زين المطعم تنزل له تحت جنك نازل في قبو الغرف زينه نوعا ما الفندق زين انصح فيه الغرف اسعارهم 1200 ريال تقريبا.
3-فندق w فندق رائع جدا لايوجد اطلاله مباشره على البحر ولكن انصح به اسعار الغرف 1600 جديد وراقي جدا جداانصح فيه بقوه.
4- فندق الانتركونتننتال الله يالانتر ذكريات حلوه جدا اطلاله مباشره على البحر اسعار الغرف زينين 1100 تقريبا السويت ابو غرفه 1600 ريال تقريبا المطعم ماله من احسن المطاعم مالة الفنادق فالدوحه والاكل عنده ماله حل انصح فالمطعم الي داخل كما يوجد به مطعم من افضل المطاعم للسمك اكثرية الأسماك الي فيه مستورده من فرنسا كما توجد اسماك من الخليج العربي انصح في هذا المطعم ويسمى سوق السمك وهو على الشاطئ المطل على الخليج العربي اعيب فيه اسعاره فقط مبالغين فيها .
5- فندق قراند حياة (الله فعلا الايام الحلوه لاتنسى) م وش باقول بصراحه شهاتي فيه مجروحه

طيب بقول

الغرف الافضل الي بدون بلكون تجي على الحديقه تفتح الشباك على الحديقه على طول اطلاله على البحر ولا اروع اسعار الغرف 900 ريال تقريبا السويتات 1300 الى 2000 طبعا السويتات انواع في قراند حياه
ونرجع للقسم الافضل في قراند وهو الفلل طبعا الفلل شئ ممتاز وخصوصيه تامة وباركنق للسياره خاص عند باب الفله شي راقي غرفتين وصاله تتسابق فيها الخيل ومطبخ و3 حمامات وماستر ولا اروع شئ خيالي فعلا واسعاره من 2200 الى 2600
اما مطاعمه يوجد مطعم اسيوي مطعم دولي مطعم اسباني المطعم الاسباني مكانه وجلسته مافي نفسه فالدوحه كله يعني المطعم هذا جلسته مالها حل
من حسب تجربتي الشخصيه مع جميع ماذكرت انصح بقراند اولا
الانتركونتننتال ثانيا شرق ثالثا
وانصح ايضا بالمرور على الحي الثقافي وسوق واقف
واحنا فالخدمه لأي فرد من أفراد المنتدى على العين والراس نخدمكم بعيونا
كنت هنا ..
ماشميتو عطري ..؟

Hamad-1
اطلالة الشيرتون نعم عالبحر بس مو حلوه بعيده شوي
نتيجتك 2 من 10

قطري وأفتخر
ما شاء الله عليك يالقطري ذكرتني بالكسلان ايام الاختبارات يملاء الورقه حبر علشان يوهم الاستاذ انه شاطر
واحد بس من اللي ذكرتهم اطلالته حلوه
والباقي لالالالالا
يمنعهم حجر او حديقه وغيره يعني مو مباشره عالبحر
شكرا لك ماقصرت ياولد العم نتيجتك 5 من10 يعني اشطر الموجودين الى الان وعشان المجهود اللي بذلته وتحبير الصفحه