أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام غليكم و رحمه الله و بركاته
ان شاء الله الاسبوع الجاي حزور الكويت بس 3 ايام فكنت حابه من اهل الخبره تدلوني على اسماء و عناوين محلات الجلابيات النسائيه الكشخه لزوم الافراح
بليز ردوا علي ضروري
moodelove حياج الله اختي .. عندج بيت كاريزما و بيت ديفا هم جنب بعض و مقابل مدخل الطوارئ لمستشفى الاميري .. المستشفى موجود على شارع الخليج قريب من سوق شرق ...
و دار يوشا موجوده في بيوت بهبهاني .. قريب من الشيراتون ... شغلهم روعه ما شاء الله .. بحثي عنهم في جوجل و بتلقين موقعهم و حاطين فيه الخريطة ..
و مجمع الاوقاف .. و في محل في مجمع الصالحيه في الميزانين .. و عندج الاتيليه مال انسام الخلف .. وايد تلبس الممثلات في المسلسلات و من ضمنهم الهام إذا ماني غلطانه .. محلها موجود في الجابريه .. في جنبها بعد اتيليه بنت الحوطي نسيت اسمها بس ما قط دخلتله و جنبهم بوشهري كوتور ... و جنب بوشهري محل الخباز .. الخباز للحلويات و المعجنات بس ذكرته على شان تعرفين الموقع بس لانه معروف في الجابريه ..
و في بعد اغلب دراريع بنات الكويت من المعارض اللي تصير بين فتره و الثانيه .. و يعلنون عنها في الجرايد
