أعتقد ان التذاكر خلصت
يعني لازم أول شي تتأكد من التذاكر قبل لاتجي قطر
وعقب تقدر تسأل عن الامور الثانيه
إلا إذا كنت ناوي تحضر مسرحية دريد لحام !

ههه
لا ابشرك يابوي توني حجزت من موقع الرسمي لكأس ىسيا 40 ريال قطري
لكن ابي اعرف وش الفرق بين ام 100 وام 40 ؟؟
يعني المحل ضيق ولا هم عندهم مكيفات وحنا لا ؟؟ههه

اللي ب 100 كراسيهم جدام ويعيشون في قلب الحدث
بس انت بتكون معلق فوق ماتشوف الا روسهم من فوق
على العموم ميزانيتك بتكفي ان شاء الله على اساس انك ياي ثلاثة أيام
وبالنسبة للمواصلات عندك سيارة كروة اللي هو التاكسي الرسمي في قطر
وأسعارهم معقولة
وبالنسبة لأسعار المجمعات راح تكون قريبه من أسعار البلدان الثانيه
والمطاعم تعتبر غاليه شوي

الله يعطيك العافية بس مااحس ان تجاوب على اسألتي بشكل كامل
انتظر اخواننا القطريين

الي ب
هي vip ومو موجودة خلصت
وانا بروح ويا ربعي بنكون
نشوفك هنا

السلام عليكم أخووي سعوودي،،
أول شيء ربي يعطيك العافيه والله يعينك على الجيه برووحك،،
1- عندك فندق سيف الدوحه (الجديد)، فندق موفنبك (القديم)، فندق مروب (الجديد الي عند السوق)
هل الفنادق كلها (3 - 4 نجووم) جيدة قريبة من الكورنيش مشي 4-5 دقايق وقريبة من المتحف الاسلامي وسوق واقف مشي 4-5 دقايق، المجمعاات بعيده عنها، وأنصحك تقعد فيها لانها خذمتها جيده ورخيصة.
2- الموااصلات غاليه عندنا ورااح تلعوزك يعني صعب تلااقي لك تاكسي كرووه، نصيحة لك (أجر لك سيارة ماتكلفك في اليوم أكثر من 80 ريال) التكاسي بتكلفك فووق ال120 ريال وصعب تلاقيها طبعاً هذا السعر لتحركاتك الكثيرة،، بعدين الامور طيبة اللوحات الارشادية موجودة في كل مكان في الدوحه ماراح يعيقك أي شيء
3- المأكولات في مطاعم رخيصة وفي غاليه مثلا في سوق وااقف والحي الثقافي الاسعاار غاالية والمطاعم الي برع عندك المطاعم الايرانية مثل (شاطر عباس، شبستان) هذوله جيدين عندك البوفيهات الهندية وغيرها(أشيانا، كارافان، باندروزا) عندك المطاعم السريعة بجميع أشكالها.
4- ميزانيتك لو حسبنا الفندق الليلة 500 ريال و السيارة ايجارها 80 ولااكل 120 ريال فارح تكوون بين 650 و 700 ريال
5- تذاكر المباراة على ما أعتقد أنت شرتها وخللاص
ربي يوفقك أخووي وإنشاءالله راح تنور بلدك الثاني قطر

الله يجزاك خير أخوي
لكن صراحة بالنسبة لإيجار السيارة ودي أؤجر لكن هاذي أول جية لي و أخاف أضيع وبعدين بيني وبينك ماني متعود على الزحمة كثير و لا أنت وش رايك ؟

فكرةالتأجير جيدة إذا كان عندك جهاز جارمن أو في الجوال وأفضل من استخدام سيارات الأجرة لأنها مكلفة والملعب بيكون بعيد نسبياً.. ولك الخيار .. بخصوص الميزانية اللي وضعتها فهي جيدة جداً وسوف تفي بالغرض إن شاء الله .

والله أخووي أجر لك سيارة أحسن شيء،،
وترى الزحمه كل مكان بس أنت حاسب في السواقه (وحاسب من ربعنا الهنوود في سواقتهم ههها)،،
أموورك راح تكوون طيبه بس خلك في حدود السرعه الرادارات عندنا كل مكان ولا تقطع اشارة حمرا حاسب في كاميرات،،
بعدين بتووفر على رووحك وايد وما راح تضيع إنشاءالله ربعنا موجودين كل مكاان وأي دورية شرطة راح تفزع لك،،
ويامرحبا فيك وننتظر تقريرك عقب الرجعه أوكي ترى بنعصب عليك (ههه)،،