قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نحله77
10-12-2022 - 06:39 pm
السلام عليكم
انا عشمي فيكم كبير واتمني ترشدوني
انا أول أسافر في الي قطر وماعرف فيها شئ
انا راح أقعد فيها ثلاث أيام انا وزوجي
وابي اعرف شنو أفضل المطاعم فيها والاماكن السياحيه
وابي اعرف شنو أحسن الأسواق واللي تكون فيها العبايات (أهم شئ عندي الاسواق )
وشنو افضل أماكن السكن فيها شقق سكنية او فندق
والاسعار هل نار وإلا نص ونص
بليز عطوني رايكم


التعليقات (7)
the ro0ok
the ro0ok
  1. حاظرين من هل عين لين هل عين

  2. بس نشقح للسؤال الاخير قبل لا اكتب

  3. 2 - سيتي سنتر - جزيرة الؤلؤه - الحي الثقافي - ذا غيت مول - لاغونا مول

  4. 3 - سوق واقف - المتحف الفن الاسلامي - الكورنيش


حاظرين من هل عين لين هل عين

بس نشقح للسؤال الاخير قبل لا اكتب

اسعار قطر حاليا ماتغيرت نص ونص لاكن الفنادق والشقق تغيرت والسبب كاس اسيا وبتجون في وقت حدث رياضي كبير ومع بطولة التنس ايضا ومهرجان الدوحه كل هاي رفع الاسعار بس فيه الغالي وفي الرخيص انتي حددي الميزانيه عشان الفندق وكم نجمه تبينه وتبينه على البحر ولا لا ؟
اماكن سياحيه
مولات عندك 7 راح ارتبهم من اصغر واكبر وراح اقيمهم لك على وجهة نظري
1 - سيتي سنتر ( فيه 14 سينما وصالة العاب للاطفال ضخمه وهو اكبر مول في قطر ) ( 78%)
2 - فيلاجيو مول ( 14 سينما وصالة العاب للكبار وروعه للترفيه لاطوفونها اهم شي سيارات فورملا ) ( 100%)
3 - لاندمارك ( 4 سينما وصالة العاب للاطفال ) ( 80%)
4-حياة بلازا ( افضل صالة العاب للاطفال بنظري حلووه ) المول ( 65%) الالعاب ( 95%)
5 - رويال بلازا ( صالة العاب صغيره وفيه 5 سينمات ) للتسوق ( 80%) اما للتمشيه او الترفيه ( 20%)
6 - ذا مول ( من اقدم مولات قطر بس مايبين عليه مطورينه فيه 3 سينمات وصالة العاب للاطفال) تسوق ( 75%)
7 - سنتر بوينت ( مجمع صغير ماينفع للتمشيه ) (25%)
هل مولات الي باكتبها الحين تاكدي اذا افتحوها ولا لا لانها المفروض الافتتاح من شهر 1 -3 تاكدي قبل لاتروحين لاني انا مو موجود في قطر في الخارج للدراسه
1 - ذا غيت مول ( من تصميمه روعه جمب السيتي سنتر )
2 - لاغونا مول
3 - الوكره مول
4-الغرافه مول
اماكن ترفيه
1 - اكوابارك ( مدينة مائيه)
2- دريم بارك ( مدينة ملاهي داخل حديقة الحيوان بس جديده وكبيره العاب كثيره للطفال والكبار )
3-حديقة الحيوان ( زوروها مره وحده مع الملاهي )
4 - جوندلينيا ( الي في فيلاجيو مول مثل ماقلت لكم ماتنصح للاطفال للكبار )
5- جنغل زون ( للصغار من عمر 3-13)
متاحف
1 - متحف الفن الاسلامي
2 - متحف قطر الوطني ( اعتقد تحت الصيانه )
اماكن مفتوحه تستحق الزياره
1 - جزيرة الؤلؤه
2- سوق واقف
3 - الحي الثقافي
4 - اسباير زون
5 - الكورنيش ( خلوه فليل عقب ماتخلصون كل شي يكون احلى مع مناظر الناطحات السحاب )
الحين راح ارتلك الاماكن الي جمب بعض عشان اوفر وقتك بدل ماتروح يمين ويسار
1 - فيلاجيو مول - حياة بلازا - اسباير زون - حديقة الحيوان و دريم بارك - اكوابارك ( شوي بعيده عنهم )

2 - سيتي سنتر - جزيرة الؤلؤه - الحي الثقافي - ذا غيت مول - لاغونا مول

3 - سوق واقف - المتحف الفن الاسلامي - الكورنيش

ايضا في رحلات الفنادق تسويها اسمها سفاري وكل شخص فوق 250 ريال يودونكم السيلين طبعا الجو الحين روعه وسيلين اروع وايضا سون لكم الفنادق رحلات باليخوت بس غاليه ولاتنسون عندكم في الكورنيش القوارب رخيصه تاجير مركب كامل لكم 100 ريال للنص ساعه مادري ساعه
باقي الاماكن بعيده واي مساعده اخرى انا حاظر

عبدالله منصوري
عبدالله منصوري
صباح ومساء الخير أأأختي،،
أخونا روك ماشاءالله عليه ماخله شيء كفى وفى،،
المهم للفنادق حددي الاسعار وحاضرين،،
بالنسبة للعبايات شوفي قريب من سوق واقف عندج سوق الجبر والعسيري والديرة وسوق فالج وكلهم في مكان وااحد ومتخصصين في العبايات أغلب المحلات موجودة في سوق فالح ,اسعارهم حلووه (خبرج المتزوجين دووم خبره في هل السوالف)،،
وأي خدمة ثانية حاضرين إنشاءالله،،

همي رضا ربي
همي رضا ربي
ذا روك ما قصر في الأماكن السياحية أما بالنسبة للعبايات فما أنصح بسوق فالح لرداءة نوعية القماش عندهم بس موديلاتهم حلوة عندج سوق الديرة والسيتي سنتر وشارع المنتزة وإذا أنتي موجودة لين 7 / 1 فعندج معرض صنع في قطر في قاعة المعارض .

نورس الدوحة
نورس الدوحة
سوق العبايات أيضاً إضافة إلى الأسماء اللي ذكروها الأخوان .. سوق العلي .. سوق الخميس والجمعة بالقرب من السوق المركزي..

نحله77
نحله77
لا خلا ولا عدم ماقصرتوا
أكثر شئ نسمعه بقطر العبايات يمدحونها حيل
بالنسبه للسكن نبي فندق يكون حلو وأهم شئ على البحر
ماقصرتوا واللي حاب يزيد مايقصر

the ro0ok
the ro0ok
نحله77
على البحر
عندك
1- فور سزون

أم ياسمين
أم ياسمين
ماشاء الله الاخ رووك وفى ما قصر جزاه الله خيرا
بالنسبة للعبايات في هذه الفترة تكون اسعارها جد جيدة يعني اثمنة روعة
انصحك بالاسواق القريبة من سوق واقف مثل سوق الديرة او العسيري .
على العموم كل الاسواق ستجدي بها العبايات .
رحلة موفقة


خصم يصل إلى 25%