قلم ذهب
13-12-2022 - 10:59 pm
السلام عليكم ورحمة الله وبركاته
أحب اقدم ف البدايه شكر خاص للمسافره المتألقة النوري والكاتبة القديره أحلى من العقد وكل من خط بيده ف هذى البوابة الرائعه ع اقتراحاتهم السياحيه اللي بدونها لما استمتعنا في اول زيارة لنا للدوحه
قضينا 4 ايام..استمتعنا فيها للآخر..صحيح ما زرنا كل الأماكن المقترحه بس اتوقع غطينا قدر كافي من الاماكن المميزه بس حسيت 4 ايام مو كافيه لأنه كل مكان يحتاج ع الأقل نص يوم خصوصا المولات
زرنا الاماكن التاليه:
فيلاجيو مول: مكان لا يوصف من روعته
اسباير بارك: طبيعه ولا اروع ولا يقل جماله عن جمال المنتزهات الطبيعيه ف الدول الغربيه اللي زرناها..مكان يستاهل الزياره خصوصا بعد قضاء وقت طويل ف الشوبينج في فيلاجيو
طبعا الكورنيش الجميل
سوق واقف: كان ودنا ما نطلع من هالمكان ..مكان جدا مميز تكتشف فيه التاريخ القطري الجميل
جزيرة اللؤلؤه: احسن اسميها جزيرة الأحلام
سيتي سنتر
طبعا التسوق نال نصيب الأسد من هذي الزيارة ولا كان بامكاننا زيارة اماكن ثانيه
للأسف الشديد ما زرنا كاتارا..سألنا عنه بس اللي سألناهم ما عرفوا المكان
وان شاء الله لنا عوده لهذا البلد الرائع
والله حبينا الدوحه كثير
رحلتي الى قطر
لكن غالية غالية غالية
بشكل مبالغ فيه