قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
مــاجد
11-12-2022 - 10:40 am
مساء الخير على الجميع ،،،
أخواني أهل قطر عسا دايم أيامكم سعاده يا رب
أخوكم ماجد ،، ببساطة من كثر ما سمعت وقريت وتابعت عن قطر جاني الحماس أنو أجيكم وأشوف هالدوحه وهالقطر على الطبيعة ،، ومن قبل لا أجي وأنا ألحين جالس في الرياض أدري اللي في بالي واللي متوقع أشوفه راح أشوف أكثر منه بكل تأكيد ...
بأدخل في الموضوع علطول ...
أنا جاي لقطر يوم الثلاثاء أو الأربعاء 12 يناير وماشي الجمعه 14 بحول الله ،،
أستغليت وجود كأس أسيا ومباراة المنتخب السعودي أمام الأردن عشان أحضرها ،،
وقلت بالأساس جيتي للسياحه في المقام الأول ...
ومعاي أخوياي ثلاثه ،،
مباراة المنتخب السعودي راح تكون في ملعب الريان ..
وأبحث عن سكن جميل وبنفس الوقت سعره مناسب ،، مو مهم يكون قريب من الملعب مره
لأنو معاي قارمن ولا عندي أشكاليه .. بس أبيه يكون متوسط بين أكثر الأماكن جمالا في الدوحه
والأهم والمهم واللي كل شي أنه يكون هادي
أحنا جايينكم من زحمه الرياض وكذا وندور الهدوء
الخيارات كثيره بالمنتدى ما شالله تبارك الرحمن ،، بس ودي باللي يناسب الشروط أو المزايا اللي ذكرتها فوق
متحمس للجيه كثير ... الله يجيبك يا 12 يناير


التعليقات (9)
the ro0ok
the ro0ok
ولكم ولكم باهلنا مادام عندك غارمن لاتخاف روح اي فندق ان شاء الله في شمال الدوحه لانه الدوحه مو مثل الرياض ضخمه متوسطه
تبي منطقه هاديه وفخمه عندك منطقة الخليج الغربي طبعا الفنادق اهناك كلها 5 ستاز وغاليه مره بس فيه كذا شقق رخيصه 4 نجوم هذا الخيار الاول
الخيار الثاني عندك السد قريبه من افخم مول ومن حديقة الحيوان ومن اكوابارك ومن دريم بارك فيها الغالي جدا وفيها الرخيص جدا ومافيها وسط
وعندك المنتزه الخيار الثالث بس بعيد عن الاماكن السياحيه
يالله اختار اي خيار تبيه وماياصير خاطرك الا طيب

النوريq
النوريq
كم تدفعون حق الليلة ؟؟

مــاجد
مــاجد
صباحكم ورد ومشكورين للي ردوا ...
تقريبا بديت أرسي على أوتيل ميلينيوم ،،
بحكم أنو جاني خبر من زميلي بالدوام أخوه في السفارة السعودية بقطر أنو بعثة المنتخب السعودي راح تنزل في ميلينيوم ...
النوري بالنسبة للميزانية تقريبا ممكن ناخذ لليلية إلى 800 ريال سعودي مو مشكله
بس شكلها كذا بترسي على ميلينيوم
بس ياليت اللي يعرف ميلينيوم كويس يقولي وش مميزاته وكذا
ومشكورين كل الشكر

عبدالله منصوري
عبدالله منصوري
السلام عليكم أخووي،،
يعطيك العافية و يا مرحبا بك، فندق ميلينيوم حلوو وما عليه كلام وغرفهم حلوه وفي قريب منه مول صغير اسمه الأصمخ موول، لكن نقطة مهمة هي انه الفندق ماخذ شكل زواية على الشارع الرئيسي وفي منطقة السد وهي غالباً تكون زحمة بس مب ذاك الزحمة،، بس الفندق ترى جديد وحلو ومرتب وبوفيهم ماعليه كلام عندهم السويت يجنن، وبعدين عندهم مطعم لبناني بعد حلوو، وترى لوبيهم صغير بس الفندق نظيف.
والله يوفقك ياخوي وأي استفسارات أخووي ترى حاضرين لك..

مــاجد
مــاجد
أتصلت على ميلينيوم ،،
ما عندهم ألا غرف الأيكيوزيتيف ب 1872 لليلة ...
كل الغرف الستاندرد مشغوله ومحجوزه مسبقا من البعثة ...
حصلت فندق رويال قطر .. بس ياليت تعطوني فكرة عنه لاهنتوا

عبدالله منصوري
عبدالله منصوري
الله يسلمك فندق رويال قطر موجود في شارع الاصمخ،، وانت طلبت مكان هدوء وأنا بصراحه ماأنصحك فيه لانه مب هدوء كلش هل الشارع وعلى طول زحمه والفندق غرفهم مب لين هناك صغيرة والحمام الله يعزك صغير بعد،، بس هو قريب من سوق واقف مشي خمس دقايق أو حتى أقل والكورنيش مشي عشر دقايق،، بس منطقة زحمة،، شوف جرب في فندق سيف الدوحه الجديد مب القديم او عندك فندق موفنبيك القديم قريب المتحف هذوله حلوين ورخاص وغرفهم حلوه وحولهم هدووء، وترى في فندق الليوان وما أنصحك فيه بصرااحة لانه قصته نفس قصة رويال قطر...

مــاجد
مــاجد
أخوي عبدالله ،،
الله يعطيك العافيه أول شي وما قصرت
بس حبيت أسألك بخصوص الموفنبيك
حسب موقع hotelscombined طلع لي برج وأجنحة موفنبيك الدوحه وفندق موفنبيك الدوحه
أنت اي واحد تقصد فيهم ؟
وبالنسبة للسيف ,, طلع لي فندق بيست ويسترن الدوحة سيف http://javascriptb/b:void(0);
هل هو الدوحة سيف اللي تقصدة ؟؟
والمهم من الخيارات اللي ذكرتها فوق يكون قريب لو بمسافة بسيطة من الكورنيش
وبرضو يتوسط المدينة عشان يكون سهل التنقل ..
أدري شروطي كثيرة بس تحملوني
الله يعطيكم العافية

عبدالله منصوري
عبدالله منصوري
الله يعطيك العافية أخووي ماجد،، أنا قصدي فندق موفبنبيك الدوحة مش الأجنحة
وسيف الدوحه صحيح هو بست ويسترن سيف الدوحه هذا الفندق جيد وتراها قريبه جداً من الكورنيش مسافة ثلاث دقايق مشي وقريبة جداً من منطقة الاسواق بعد عندك فندق مروب الدوحه وهو فندق جديد وحلو بعد وفي منطقة قريبة من الكورنيش وعند الاسواق، ترى هل الفنادق حلوه وقريبه بعد من متحف الفن الاسلامي،
وترى لا ثقلت علينا ولا شيء وانت راح بتكون ضيف غالي عندنا ونحنا مانقوم الا بالواجب طال عمرك
أي استفسار آخر حاضرين لك فديت خشمك،،

النوريq
النوريq
تكلموا عربي لو سمحتوا
ايش هالاسماء للفنادق اللي مب معروفه !
عبدالله منصوري قاعد ينبش لنا في الفنادق العتيجه
اذا تبي تسكن في موفنبيك
أنا من رايي تسكن في موفنبيك الجديد
وتترك عنك القديم
اسمه ان خمس نجوم وجمب الكورنيش والسيتي سنتر وكل شي حذاك في ذيج المنطقه
حتى اللؤلؤة والحي الثقافي تقدر توصلهم بسهوله


خصم يصل إلى 25%