والله ما أقدر أفيدك بشي وكان ودي أساعدك بس أقترح عليك اقتراح وهو إنك تجي بنفسك حتى لو ليوم واحد ويفضل يكون حضورك صباحاً حتى المساء تحضر للملعب نفسه تكلم الإدارة أو شباك التذاكر تحاول معاهم لعل وعسى يفيدونك بشي .. وإذا كان في هذا الأمر عناء ومشقة أقترح عليك إن تتصل فيهم مباشرة تشوف وش السالفة !!.

انا اقترح عليك اذا تقدر تدفع سعر التذكر دبل او دبلين روح عند الملعب وحط لك لوحه اذا كان سعر التذكره الوحده 50 خلها 100 واذا كان 100 خلها 200 وهكذا وشوف الناس الي بتجيك وتعرض تذكرتها
هذا هنا في امريكا يسون جي الول في قطر تصير كم مره بس من غير لوحه انت جرب الطريقتين وشوف حظك

نورس الدوحة
نورس الدوحه..مشكور.او..مشكوره ..على ردك..ماقصرت.

the ro0ok
شاكره مرورك..بس سعر التذكره حوالي 600ريال وبدبلها..وضرب في ثلاثه..
طيب في على النت اشخاص يبيعون التذاكر
وش قصتهم يكوونون شارين كميه ويبعوون دبل.على الناس يعني تذاكرهم اصليه ولا مضرووبه..ومشكوره جدا جدا ..غثيتكم معاي

^
^
^ في عل نت بس لاتفعيلهم الا لما تقابلينهم
بس من ثدقك 600 ريال الله ياكبرها عن الله 600 !!
ولا الملعب كل سنه يفول من هل اجانب !
بس مثل ماقلت لج لاتشترين الا لما تقابلين وفي ناسي وايد تشتري لعانه عشان تبيع سعر اغلى

بسم الله الرحمن الرحيم
عندي أستفسار لأخواني في قطر
لكن قبل الإستفسار أحب أستأذن من أخوي قلب طيوب وأمون عليه انا انشالله.
انا حاولت أفتح موضوع جديد بس ماقدرت في مشكلة مع الإدارة
مع العلم أني مسجل ومستفسر بشكل عادي في بوابة النمسا . بس هني في بوابة قطر ماقدرت .
عموما بالبداية معاكم أخوكم محمد فلاح من الكويت .
أحب أستغل فرصة الأنترنت واهني أهل قطر والخليج والعرب على إستضافة قطر لكأس العالم .
هذا الحدث بصراحة يفتخر فيه كل خليجي محب للخليج .
وبالنسبة لأستفساري هو رياضي مو سياحي وهو بخصوص كأس آسيا
أنا أنشالله راح ازور قطر انا وصاحبي لحضور مباراة الأفتتاح (الكويت × الصين )
وعندي ثلاث أستفسارات :
الأول :
انتو تعرفون ياجماعة مباراة الأفتتاح بين قطر واوزباكستان ونتمنى التوفيق والفوز لمنتخب قطر
والكويت في مجموعة قطر
والكويت راح تلعب مع الصين في اليوم الثاني
والكويت والصين في مجموعة قطر
يعني الملعب اللي راح تلعب قطر فيه مع اوزباكستان
هو نفسه اللي راح تلعب الكويت مع الصين
( هذا إعتقادي )
أتمنى من الأخوان يفيدوني
ويقولون لي أسم الأستاد اللي راح تقام عليه مباراة الكويت والصين ؟
الثاني:
أبي فندق قريب من الأستاد
بغض النظر عن النجوم أنشالله ثلاث نجمات مو مشكلة
لأننا شباب ونبي الفندق فقط للنوم
لأن أغلب وقتنا راح يكون خارج الفندق
ونبي فندق قريب من الأستاد ؟
الثالث :
راح نزور قطر عن طريق الطيارة يعني ماعندنا سيارة
تنصحونا نستأجر سيارة في قطر ؟
أو نستعمل التكاسي؟
وشكرا لكم مقدما على المساعدة وآسف على الإطالة .
أخوكم محمد فلاح من الكويت

اعذروني ياجماعة
حبيت اعلق على استفسار الاخ محمد فلاح
اخوي حياك الله وان شاء الله الكويت تفوز وتلعب النهائي مع قطر
جدول المباريات من موقع الاتحاد الاسيوي
http://www.the-afc.com/uploads/Documents/2010/ac2011kickoff.pdf
مذكور فيه الملعب لمباراة الكويت والصين الساعة 16:15 في استاد الغرافة
المنطقة تقع شمال غرب الدوحة والفنادق شمال شرق من جهة البحر والفنادق الارخص تقع بالقرب من مركز المدينة
السد وحوالينها
طبعا بتحتاج مواصلات
التكاسي في قطر مشكلة عامة ..اتوقع من الفندق ممكن تاخذ تكسي بالحجز مسبقا لكن من الملعب ما ادري اتوقع صعبة ( واتمنى الاخوان يفيدونك اكثر في هالناحية)
شوف هالموقع فيه صورة توضح مكان الملعب
http://www.mapsofworld.com/asian-games/images/doha-map.gif
يعطيك العافية

حياكم اخواني .. بالنسبة لموضوع تذكر بطولة الدوحة للتنس للأسف تأخرت واجد انا حجزت تذاكر دور ال8 قبل اسبوعين ومبلغ 160 ريال قطري وكانت اغلب المقاعد محجوزه.. عموما انا العام رحت احضر بطولة دبي للتنس ونهائي بطولة روما للماسترز ولقيت سوق سودا .. بس على حسب المباراة اذا نادال وفيدرر خلك كريم شوي واذا ولا واحد منهم تأهل للنهائي بتاخذها ارخص من سعرها الحقيقي ..
اما بالنسبة لموضوع مباراة الكويت والصين المباراة بملعب نادي الغرافة وتقدر تحجز تذاكرك وتختار المقاعد من موقع كأس آسيا http://www.the-afc.com/ar/tournaments/men-a-youth/afc-asian-cup .. مع السلامه

باراشوت
.
الله يرحم والديك ياخوي ( باراشوت ) الله يعطيك العافية .
وانشالله قطر والكويت للنهائي .
مشكور على الجواب الشافي والكافي
كفيت ووفيت بيض الله وجهك .
والله يديم على الشقيقة قطر العز