حياك الله في بلادك قطر
هاذا الفندق بعيد عن المنطقه الي ذكرتها المنطقه الدبلوماسيه وفندق دبليو
هاذا الفندق قريب جدا من مطار الدوحه ومنطقته اسمها المنتزه وهاذي المنطقه في قلب الدوحه
وهاذا موقع الفندق على الانترنت
http://www.holidayvilladoha.com/
واي خدمه احنا حاضريلك الغالي

موقعه بعيد عن المناطق اللي ذكرتها ومافيه حوله شي قريب من المعالم السياحية في الدوحة هذا إذا كنت تقصد بالقرب هو إنك تروح لهالأماكن مشي !.. أما بالسيارة فالأماكن اللي ذكرتها قريبة نسبياً حيث لا يتعدى الوصول لها بالسيارة 10 دقايق ومع الزحمة ربع ساعة بالكثير .. الموقع في قلب الدوحة وأغلب الأماكن المحاذية له هي عبارة عن مباني سكنية مع بعض المحلات التجارية والمطاعم المتواضعة.

qatar3333
لك جزيل الشكر مشرفنا الغالي
تسلم و ما قصرت والله
.

نورس الدوحة
عاجز عن الشكر يا نورس الدوحة
معلومات كافية ووافية.
أنا جربت ال w في السابق ، وبصراحة فندق لا يعلى عليه
وموقعه ممتاز جدا، ويستاهل العودة له مرة أخرى
وبالبحث في النت وضعت فندق الهوليداي فيلا كخيار للتغيير
ولكن بحول الله خلاص أنا راجع للدبليو.
شكرا مرة أخرى

السلام عليكم ورحمة الله وبركاته،،
أحم أحم طبعاً بعد رأي اخواني، أنا بعد أقولك ترى الفندق حلوو وتوه جديد بس عيبه بعيد عن المناظق السياحية
خلك قريت الكورنيش والخليج الغربي طبعاً نصيحة أخوك الصغير والرأي راجع لك.

عاد جان غيّرت الفندق هالمره
وجربت لك فندق يديد
طبعا مايصير نقارن دبليو بهوليدي فيلا لان الأول خمس نجوم والثاني أربع ماادري ثلاث نجوم
بيكون أفضل لو جربت فندق خمس نجوم بنفس سعر دبليو
واللي أعرفه ان فندق دبليو غالي يعني بتلقى الفنادق الثانيه أرخص منه

عبدالله منصوري
وعليكم السلام أخوي عبدالله
إن شاء الله راح أستأجر سيارة وقت زيارتي القصيرة للدوحة ،،،
فما بيكون عندي مشكلة المسافات ،،، ولكن أفضل
يكون الموقع قريب من البحر والمناطق السياحية لأني
بيكون عندي جدول مضغوط جدا
شاكر لك إهتمامك
.

النوريq
رايك على راسي والله ،، وانا أحب التغيير أصلا وعلشان جذي دخلت النت
وشفت الكثير من الفنادق ،، بس يهمني الموقع ،، لأني بصراحة زرت الدوحة قبل حوالي سنة لمدة ليلة وحدة بس وما لحقت أثبت المواقع
وعلى أيدك
لو ترشحلي فندق ثاني
يكون بنفس المنطقة
أكون شاكر لك
.

لو تسكن بفندق الشيراتون يكون أفضل
وموقعه في نهاية الكورنيش ومجابل السيتي سنتر
يعني قريب جداً من دبليو
بس طبعا أفضل منه بوايد
دبليو اللوبي ماله مظلم وكئيب ومتر في متر
بس الشيراتون اللوبي ماله كبير ويرد الروح
والغرف حلوه ومجددين فيها وتطل على البحر
غير عن دبليو اللي يطل على خرابة
وأعتقد سعره أرخص من دبليو
الفندق قديم بس من داخل مجددينه وكل شي يديد وفخم
وهو أصلاً منتجع غير عن دبليو اللي كأنك داخل بيت مب فندق
وفي فندق ثاني في نفس الشارع مع الشيراتون اسمه الفورسيزون
بس مب مثل الشيراتون
وعندك أفخم فندق في الدوحه اسمه الريتز كارلتون مكانه جمب جزيرة اللؤلؤة والحي الثقافي ، يعني يطل على البحر
والريتز قريب من السيتي سنتر والكورنيش وسوق واقف وهالاماكن اللي تبونها
بس مااعتقد بتلقى حجز الحين
لكن جرب لو تبي
وأسعارهم اعتقد أرخص من دبليو
أنا بالنسبة لي أشوف ان أفضل الفنادق اللي ذكرتهم هو الريتز أولاً وعقب الشيراتون ثانياً ، وآخر شي الفورسيزون