هذا موضوع خاص عن فندق لاسيجال كتبه أحد الأعضاء ..
https://artravelers.com/p/re/146776
أما بخصوص المطاعم الحلوه القريبة من الفندق فهي كثيرة ماشاء الله ولكن أغلبها تقع في الشارع المقابل للفندق وليس على نفس الشارع .. يوجد على نفس الشارع مطعم شامي .. أما في الشارع المقابل فتوجد مطاعم غربية أبل بيز و شليز وغيرها ومطاعم الأكلات السريعة بورجر كينج و ماكدونل و هارديز وغيرها كما يوجد مطعم لبناني أيضاً اسمه هوى لبنان .. أما عن التجربة مع هذه المطاعم فلم أجرب سوى مطاعم الأكلات السريعة والأبل بيز والشيلز وهي مطاعم غنية عن التعريف .. كما توجد سلسلة مطاعم الكرفان تجديها بعد الإشارات القريبة من فندق رمادا على يدك اليمين وهي مجموعة من نخبة المطاعم المتنوعة من ضمنها مطعم لبناني للأكلات السريعة اسمه (بربر) ومطعم غربي اسمه (بندروزا) ومطعم اسمه (آربيز) ومطعم هندي اسمه (كرفان) ومطعم عربي سعودي اسمه (الطازج !) .. بالإضافة إلى البيتزا هت ومقهى..

السلام عليكم ورحمة الله وبركاته
بالنسبه للمطاعم شارع السد قريب منكم وكله مطاعم ولكن اجمل المطاعم في شارع السد
اولا مطعم رويال تندور وهو مطعم هندي واكله لذيذ من اجمل المطاعم الهنديه في قطر
ثانيا مطعم شبستان وهو مطعم ايراني ومن اجمل المطاعم الايرانيه في قطر
وعندكم عند اشارات رمادا مطعم لانوت وهو مطعم فرنسي واكله لذيذ
طريق سلوى بالقرب منكم و اجمل ما فيه مطعم وكوفي البتيل ومطعم وكوفي هيديارد

في هل يومين لازم تروحين احسن الاماكن مثل : جزيرة الؤلؤه+الحي الثقافي + سوق واقف + فيلاجيو مول +متحف الفن الاسلامي
راح ارتبلك لانهم كلهم جمب بعض
جزيرة الؤلؤه + الحي الثقافي

تسلمون والله ما قصرتوا يعطيكم العافية، هل الفندق قريب من المطار؟ أنا فيلاجيو رايحة له من قبل وفعلا حلو بس جزيرة اللؤلؤ عبارة عن شنو؟

أم اعتقد لا مو قريب تقريببا مع الزحمه خصوصا زحمه شاريع سحيم بن حمد ياخذ 25 دقيقه او اقل شوي او اكثر شوي بس هذا المتوسط
جزيرة الؤلؤه عباره ن جزيرة اصطناعيه راح تفتح على 3 مراحل المرحله الاولى الي هي المارينا وانفتحت المرحله الثانيه هي فينيسيا وراح تفتح قريبا المرحله الاخيره 2012
طبعا خلنا نتكلم عن المرحله الاولى الي هي المارينا اذا رحتو بتشوفونها عباره عن ممشى وقهاوي خارجيه وفي مطاعم كثير وابراج يعني منظر ماينوصف وحلو حق الي بيصور بس روحو لها العصر الساعه 4 احلى واحلى واقعدوو لين ماتغرب الشمس تره الجو فظيع وخصوصا المنظر احلى

السلام عليكم،،
ما أضيف على أخواني أعتقد أنهم كفوا ووفوا، بس لو رحتي اللؤلؤة فلا تفوتيين على روحج الحي الثقافي وهم قراب من بعض، الحي الثقافي يتميز بعد بمطاعم الي فيه ومعرض الصور الي موجود عندهم حلو والمسرح الروماني والشاطىء الي عندهم ماله حل وبعدين جربي شاي الكرك هناك في مطعم أسمه كرك وجباتي،،
وأي معلومات إضافية حاضرين

أنا أأيد عبدالله منصوري في كرك وجباتي والله صار لي 3 ايام كله مطيح عنده اضرب طريج من الشمال عشان اكل الجباتي خ عجيب ماله حل
فندق لاسيجال حلوه قعدته بالليل على الشارع