قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
نايفالصالح
10-12-2022 - 05:39 am
السلام عليكم جميعا
اخواني الاعزاء انا حاب ازور قطر على بداية يناير الجاي باذن الله تعالى
بس حبيت استفسر عند افضل الفنادق من ناحية السعر ومن ناحية الهدوء
للمعلوميه
شخصين نبي نكون نفضل يكون شي على البحر


التعليقات (9)
النوريq
النوريq
على البحر يعني السعر بيكون غالي
الفنادق اللي تطل على البحر هي الماريوت وفريج شرق والشيراتون والفورسيزون والريتز والانتركونتننتال
طبعا اسوأهم فندق الانتر كونتننتال
وأفضلهم من ناحية الفخامة هو الريتز
مااعرف كم السعر الحين بس أسعارهم معقوله
انت شوف اي فندق تبي من الفنادق اللي حطيتهم لك وانا باشوف لك السعر كم من الفندق نفسه
او تقدر تشوف الاسعار من موقع بوكينغ لان يقولون الاسعار أرخص هناك

عيد824
عيد824
وعليكم السلام ورحمة الله وبركاته
هلا فيك اخوي نايف الصالح
ماقصرت مميزتنا النوري , الله يعطيها الف عافية , وترشيحها لفنادق ممتازة وعلى البحر , وعلى فكرة اقل سعر للفنادق المذكورة في حدود ال900 ريال , لذلك يفضل تذكر لنا ميزانيتك وعلى اساسها بنبحث لك على الأفضل ولو امكن تحدد التاريخ بالضبط , لأن في شهر يناير تقام عدة مناسبات رياضية ويمكن تأثر على أسعار الفنادق , ومن هالبطولات :
1- بطولة قطر أكسون موبيل للتنس
التنس
مجمع خليفة الدولي للتنس
8-3/1/2011
2- كأس أمم أسيا لكر القدم
القدم
ملاعب الاندية
29-7/1/2011
بأنتظارك

نورس الدوحة
نورس الدوحة
أرشح لك فندق
جراند حياة
http://doha.grand.hyatt.com/hyatt/hotels/index.jsp

النوريq
النوريq
عيد824
هلا فيك اخوي نايف الصالح
ماقصرت مميزتنا النوري , الله يعطيها الف عافية , وترشيحها لفنادق ممتازة وعلى البحر , وعلى فكرة اقل سعر للفنادق المذكورة في حدود ال900 ريال , لذلك يفضل تذكر لنا ميزانيتك وعلى اساسها بنبحث لك على الأفضل ولو امكن تحدد التاريخ بالضبط , لأن في شهر يناير تقام عدة مناسبات رياضية ويمكن تأثر على أسعار الفنادق , ومن هالبطولات :
1- بطولة قطر أكسون موبيل للتنس
التنس
مجمع خليفة الدولي للتنس
8-3/1/2011
2- كأس أمم أسيا لكر القدم
القدم
ملاعب الاندية
29-7/1/2011
بأنتظارك
الله يعافيك اخوي عيد
بس ذيج المره في رمضان اتصلت حق الريتز علشان اسأل عن السعر لأخونا الهامور الأزرق
وقالوا لي ان السعر 750 ريال وهالسعر بيستمر لين عقب العيد
مع ان كان موسم عندهم بس السعر كان زين
وان شاء الله الحين السعر يكون أرخص خاصة ان الحين مب موسم
والريتز موقعه زين عند جزيرة اللؤلؤة والحي الثقافي ومجمع السيتي سنتر وسوق واقف والكورنيش والمتحف الاسلامي
يعني لو الواحد سكن هناك كل شي بيكون حذاه
وعموماً كل الفنادق اللي انا ذكرتها فوق قريبه من بعض
وتبدأ من الماريوت اللي موقعه قبل الكورنيش ، وعقبه الشيراتون اللي في نهاية الكورنيش
، وجمبه بالضبط فندق الفورسيزون ، وعقبه فندق الانتركونتننتال ، وعقبه الريتز

النوريq
النوريq
نورس الدوحة
اللي اعرفه ان فندق جراند مايطل على البحر
ولازم الواحد ياخذ له شاليه بثلاث غرف علشان يعطونه منظر يطل على البحر
علشان جذي أقول لك ياصاحب الموضوع لاتغرك الصور واختار لك فندق يطل على البحر

نايفالصالح
نايفالصالح
الله يعطيكم العافيه اخواني على التفاعل
الفكره اكون موجود في قطر ان شاء الله من تاريخ 2 يناير الى يوم 6
كم تتوقعوا الميزانيه تصير و بكون في سيارتي
و بشوف اسعار الفنادق اللي اذكرت في بوك كنج

النوريq
النوريq
نايفالصالح
انت اول شي حدد ميزانية الفندق
وعقب تقدر بروحك تحدد الميزانيه حق المشتريات والتسوق والاكل وغيرها
يعني كل واحد وعلى حسب تسوقه وتبضعه

نايفالصالح
نايفالصالح
السكن اتوقع 1200 ريال

النوريq
النوريq
نايفالصالح
اذا حق الليلة بتدفع 1200 عيل ان شاء الله بتقدر تقعد في أي فندق من الفنادق اللي ذكرتها لك وتطل على البحر


خصم يصل إلى 25%