ASEERALLEEL
10-12-2022 - 09:33 pm
السلام عليكم
ناوي ازور مسقط في هالايام من يوم الاثنين باذن الله
و احب اعرف بعض المعلومات الهامه مثل الفنادق القريبه من مراكز التسوق
خصوصا سوق الظلام في مطرح
اهم شي يكون فندق نظيف وفيه الخدمات السياحيه طبعا الفخامه والرفاهيه غير مهمه جدا خصوصا ان اغلب وقتنا بيكون للسياحه والعمل
والسؤال الاهم
في ايام عاشوراء هل تغلق بعض المحلات وكم نسبة الاغلاق تقريباً؟؟
تراني اول مره اروح لسلطنة عمان وتوصو فيني
بالنسبه لمسقط :
السكن :
يفضل السكن في منطقة الخوير , شاطيء القرم , الغبره الشمالية , الغبره الجنوبيه , لقربها من الامكانن السياحيه ...
كم ميزانيتك بالضبط ؟؟؟ يعني بغيت تسكن قريب من سوق وكورنيش مطرح ؟؟؟؟؟
عندك سوق وكورنيش مطرح العريق + زيارة قصر العلم + زيارة منتجع شنجريلا روعه + تروحون بحر قنتب تأخذ لفه مع العائلة الكريمه بالطراد روعه فقط ب 5 ريالات ( هالاماكن قريبه من بعض ) ...
المولات :
سيتي سنتر الموالح + العاب كهربائية للأطفال ... ( منطقة الموالح )
البهجه مول + سينما + العاب كهربائية للأطفال ... (منطقة الموالح )
بريق الشاطيء مول ....( منطقة شاطيء القرم )
الماسه مول + بولينج + العاب كهربائية للأطفال .... ( منطقة شاطيء القرم )
سينما الشاطيء .... ( منطقه شاطيء القرم )
سيتي سنتر القرم + العاب كهربائيه للأطفال ....( منطقة القرم )
مرح لاند للصغار والكبار .... ( منطقة القرم )
+ منطقه شاطيء القرم قريبه من منطقه القرم
التمشيات + الجلسات على الشاطيء + ممشى روعه :
(1) الواحه قريب فندق الانتر كونتيننتال فيها كل شيء من مطاعم ومقاهي وممشى وجلسات روعة على الشاطيء ... ( منطقة شاطيء القرم )
(2) شارع الحب عباره عن مقاهي ومطاعم وممشى وجلسات روعه على الشاطي .... (منطقة شاطيء القرم )
(3) مدينه السلطان قابوس فيها مطاعم ومقاهي , روعه للجلسات خاصه الحين الجو لطيف ..
بالنسبه أيام عاشوراء جميع المحلات تكون مفتوحه كالعاده ...
اي سؤال حاضرين