النمسا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
صقر على كف صقار
04-01-2022 - 10:29 am
السلام عليكم
كيفكم ....
حبيت اسئل عن الجو في شهر مايو في زلامسي وميونخ ادري انه ربيع ودرجة الحراره ان شاء الله 20 - 9 طبعا بحثت وحصلة هالمعلومه ؟؟؟ السؤال ؟؟
كيف البرد مثل بردنا في الرياض يعني درجة الحراره عندي هاليومين مقاربه لدرجتهم بس احس برد لاني ماحب البرد احب الجو المعتدل اذا كذا ناجل السفره بس لاحظة فرق كبير بين الاسعار في مايو والاشهر الصيفيه ؟؟
فيدوني ..
ملاحظه : كنا حاجزين في مايو بس كنسلنا الحجز لظروف مرة بنا ونبي نحجز مره ثانيه ان شاء الله
ام صقر """


التعليقات (9)
ابو طلال*
ابو طلال*
هلا اختي الجو اكيد برد واكثر من برد الرياض الحين
واكثر الانشطة السياحية تكون مغلقة بهالشهر
ولو تاجلون لشهر يونيو او بعد منتصف ابريل
يكون قمة الجو والاسعار لاتزال منخفضة
دمتي بود

ابو نزيه
ابو نزيه
أحسن وقت للسفر الى النمسا وميونيخ من حيث الفعاليات الصيفيه والطقس هو :
من منتصف مايو شهر 5 ميلادي
الى نهاية شهر أكتوبر 10 ميلادي
وبالعكس الجو راح يكون حلو وممتاز حتى لو كان بارد قليلا في بعض الأيام لكن سوف يكون محتملا
والأهم أخذ الأحتياطات اللازمه من الملابس
وبالتوفيق لكم

جاليليو
جاليليو
اختي ام صقر :
انا سبق وسافرت للنمسا بشهر مايو وتحديداً من3 الي 13- 5 - 2008 الجو كان جميل جدا . في فيينا طبعا ابرد من الرياض لكن مو جاف رطب .. اما زلامسي ابرد من فيينا حتى باليل فية برودة لكن من الجميل انه صادف وجودي فيها يومين كان الجو مشمس جداً وستغلينها بالطلوع لكابرون والاستمتاع بالثلج ..وبصراحه انا افضل السفر بشهر 5،6 انشالله اكون افدتك

صقر على كف صقار
صقر على كف صقار
مشكورين اخوني
بس اخوي ابو طلال كيف منتصف شهر ابريل ادفيء من مايو !!!!

بدويه فرش
بدويه فرش
مدام ماتحبي البرد احجز في الصيف معك وقت ابحثي عن تذاكر رخيصة
رغم اني افضل شهر 5 و 6 انصحك تروحي فيهم واذا خايفة من البرد خذي معك ملابس شتوية ثقيلة
وهذي الدرجات تقريبيا صيف 2010كثير من الاعضاء وافقوا درجات حرارة عالية وصلت الثلاثينات

صقر على كف صقار
صقر على كف صقار
بدويه فرش .. هلا ااختي انا مو قصدي ماحب البرد بس معي اطفال 8 و4 سنوات وخايفه عليهم
ومتعقده من البرد لاني كنت في تركيا في شهر ديسمبر من اربع سنين وكرهة بعدها البرد والثلوج موت ماتقدرين تتنفسين
اتذكر ان يدي ماحس فيها من شدة البروده ووصلت 5 درجات تحت الصفر ...
احب الجو الربيعي والامطار والغيوم وماحب الجو المشمس .... ( قصة حياتها ) حرمه خ

انسان ولهان
انسان ولهان
شهر مايو
نهاية البرد , لكن الاجواء جميله ورائعه ولكن يعيبه قد يكون هناك بعض الثلوج التي لم تزوب
لذا ارى ان الوقت مناسب جداً وثانياً والأهم ان الميزانية ما راج تتعبون فيها يا ام صقر
موفقه في رحلتكم
ابو معن

بدويه فرش
بدويه فرش
الجو في مايو حيكون مرة حلو والبردة مقبولة بالنسبة للاطفال الله يحفظهم توصي فيه في ملابس الشتوية
نصيحة لاتفوت السفر في مايو لانه الشهر يبدا الربيع فيه
او تاخير السفر لشهر يكون دفى شوي الجو

صقر على كف صقار
صقر على كف صقار
الله يجزاكم خير وفعلا الميزانيه مهمه خصوصا تذاكر السفر فرق في السعر في شهر مايو والاشهر الصيفه !!!
بدويه ... وش تنصحين اخذ معي بحكم تجربتك ملابس لاطفالي عندي طفلين 8 سنوات ونص وبنت 4 سنوات
يعني اخذ كلها ربيعي تي شيرتات بكم طويل وبناطيل وجاكيتات وتايت والجزم تكون كويتشات وابوات والبيجامه حقة النوم اخذ شتوي يعني مخامل او اقطان عاديه وهل اخذ بجايم داخليه وفنايل هاي نيك واصواف مدري مره محتاره ولا ودي اكثر الملابس بدون سنع تكفين حددي الملابس الي ممكن احتاج لها لاني ناويه ان شاء الله استغل التخفيضات الي راح تكون في نهايه الشهر واخذ حق السفره من المركات المخفضه مثل قاب واتش ام وطقتها ...
وبنسبه لي انا وابو صقر كيف الملابس شتويه او ربيعي بالنسبه لملابس الطلعات لاني راح البس عبايه بس كيف الملابس الي تحتها وبالنسبه لملابس النوم ايش نوع البيجامه اقطان اواخذ شتوي مابي اتوهق
واذا انتي من الرياض كيف البروده بالنسبه لاجوانا يعني مثل الشتاء عندنا عاد ذاليومن موت في الرياض اذا مثل جونا هاليومين !!! ادري كثرة قرقرتي بس من جد محتاره وشيله هم الملابس


خصم يصل إلى 25%