وعليكم السلام ورحمة الله وبركاته
سؤال صعب , اللي اعرفه ان الثوب القطري يتكون من ثلاث كسرات , وحده في الأمام (منتصف الثوب) وثنتين بالخلف
, وخياطة الثوب من الجنبين وبخط واحد مستقيم , والكلر على شكل سبعتين وأزرار واحد بينهم , وهذا اللي عندي
و ان شاء الله حد يفيدك أكثر

ليش انت وين موجود بالضبط يعني موقعك في أي بلد ؟؟.. يعني لو كنت في قطر نقول لك روح على أقرب خياط في السوق ولو تبي تفاصيل بتكون صعبة مميزاتها عموماً الثوب القطري يميزه الكلر عبارة عن مثلثين يتجهان للأسف منهم نوعين نوع متقارب من الآخر ونوع متباعد عن الآخر وكله راجع لذوقك والخيوط في الغالب تكون بارزة للخارج ومخبى الصدر به مكان للقلم (اختياري) وجزء من قماش مقوى أعلى المخبى .. وعلى اليدين قماش مقوى مع مكان لوضع (الزرار) .. ومخابي اللي على جنب تكون داخلة .. يعني خيوطها مخفية من الداخل عكس الثوب الكويتي مثلاً تكون المخابي على الجنبين بارزة .

مشكورين اخوي عيد واخوي نورس الدوحه
انا في السعوديه وابي اخيط هنا
بقى كم استفسار ياليت تتحملوني
بالنسبه للكلر هول بس زرار واحد ؟
ويكون المقوي خفيف ولا قاسي ؟
وبالنسبه لمن تقول اخوي نورس ان خياطة الكلر تكون بارزه للخارج ما فهمتك ؟
والاقمشه المناسبه ؟
واتمنى اذا كان فيه اي ضافه ثانيه تفيدوني او اي احد من الاخوان
لعلى وعسى يفهم الخياط ويخيطه ههه
شاكر لكم مقدما

تعبت ما لقيت اسم
وحاضرين للطيبين

على فكرة , نوعية الأقمشة عندنا في قطر مختلفة عن اللي في السعودية , عندنا يتم أستعمال اقمشة ثقيلة نوعاً ما ( نوعيتها ) ومن أنواعها ( شاكيبو ) وهو مشهور في قطر ومتوفر في اغلب محلات الخياطة وبيع الأقمشة في قطر .

كل هالتفاصيل في الثوب خ
ههه يحليلكم يا الشباب عندكم موديلات بعد مب هينين

فين أحسن محل خياطة بالدوحة انا باجي عندكم الاسبوع الجاي وابي اجرب افصل كم ثوب

السماك
ليس هناك خياط معين ولكن في (سوق العلي) تجدهم بكثرة .. آخر خياط تعاملت معه هناك هو (خياط نوف ) أعتقد هذا اسمه!.. ولا أنصحك بالذهاب إلى خياط (لورد أو لودر) لأني كنت أتعامل معه وألغيت التعامل معه بسبب تركيبه لأزرة تسقط بسرعه !!... غالباً ما يسألك الخياط عن نوع القماش والأزرة واللون ولكي تختار الأفضل اطلب منه النوع الأكثر استخداماً لدى القطريين.

نورس الدوحة
مشكور أخووي نورس
طيب ممكن تقوولي أفضل قماش للتفصيل بالنسبة للثياب القطرية
وكم المدة لاني ما بطول بالدووحة
وكم متوسط سعر التفصيل (للمعلوومية)..
وبالتوفيق،،،