قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
MOHAMMADQ8
08-12-2022 - 09:37 am
السلام عليكم .. النيه بإذن الله السفر لقطر لأول مره وقضاء 3 ليالي مع الأهل في منتصف ديسمبر 2010 ..
ابي اقتراحاتكم من فنادق - مطاعم - مجمعات الخ...
مع ترشيح أفضل الفنادق المطله على البحر والقريبه من الأماكن السياحيه ..
ولكم خالص الشكر


التعليقات (4)
النوريq
النوريq
الفنادق اللي تطل على البحر هي الريتز والشيراتون والفورسيزون والماريوت
الماريوت موقعه قبل الكورنيش
والشيراتون موقعه في نهاية الكورنيش
والفورسيزون جمب الشيراتون كلهم في نفس الشارع
أما الريتز يبعد عن الكورنيش يمكن خمس دقايق ويطل على بحر الدفنه
والريتز موقعه جمب جزيرة اللؤلؤة
على العموم أفضل الفنادق اللي ذكرتهم لك هو الريتز وعقبه الشيراتون
والفورسيزون أسوأهم
والماريوت حلو بعد بس غير عن الريتز والشيراتون
بالنسبة للأماكن اللي تستحق الزيارة
المجمعات : سيتي سنتر - فيلاجيو - اللاند مارك
الأماكن السياحيه : الكورنيش - سوق واقف ( جمب الكورنيش ) - جزيرة اللؤلؤة ( جمب الريتز ) - المتحف الاسلامي ( جمب الكورنيش ) - الحي الثقافي ( جمب الريتز ) .
أتمنى لكم رحلة ممتعه ، وأي استفسار أنا حاضره .

النوريq
النوريq
على فكرة في فندق اسمه جراند حياة ( جمب جزيرة اللؤلؤة والريتز )
لكن ماأنصحك تسكن فيه
لان نظامه عبارة عن شاليهات ولازم تاخذ لك شاليه بثلاث غرف علشان يعطونك المنظر اللي يطل على البحر
وعندهم داخل الفندق غرف عاديه يعني لو ماتبي نظام الشاليهات تقدر تسكن في الفندق
لكن ماادري اذا الغرف من داخل تطل على البحر ، وماسمعنا حد يمدحهم من قبل
بالعكس في ناس يقولون ان الغرف عاديه من الداخل
علشان جذي مارشحته لك
لكن قلت باقول لك عنه علشان أحط جدامك كل الخيارات

MOHAMMADQ8
MOHAMMADQ8
مشكوره يالنوري .. رد كافي و وافي

سلف الامة
سلف الامة
السلام عليكم ورحمة الله وبركاته
اجمل فندق في قطر هو فندق شرق وهو منتجع على البحر مباشرة في بداية الكورنيش
وانا انصحك تدخل على موقع booking.com وتشوف كل الفنادق اللي اقترحوها لك الاخوان وراح تشوف رقي ورومانسية فندق شرق


خصم يصل إلى 25%