الجزر السياحية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
msa183
14-12-2022 - 09:40 pm
  1. الجلسه كانت ممتازة والمنطقة حلوة مياه صافية والحيد قريب وممتاز للغطس


السلام عليكم ورحمة الله
وبركاته
بدايه اود ان اذكر ان هذه المجموعة لها متجعات اخرى كشركة
الرحلة كانت من مطار الملك خالد الدولي في الرياض تاريخ 23 نوفمبر 2010 الساعة الخامسة صباحا على الخطوط القطرية
الحجز طبعا كان اون لاين والبوردنق برضو كان اون لاين قبل 36 ساعة، وبما انه كثر الكلام عن خدمات بعض مطاراتنا قررت اني اجي قبل 3 ساعات من الموعد مع اني قاص البوردنق
الصراحة القطرية ماقصروا استقبال من باب المطار يدورن على عملائهم دواره ،وخلصنا امورنا ب 5 دقائق مع العلم انه حريصين على الوزن 23 كج لكل راكب و 7 كج داخل الكبينه وانا اخذت الدرجة السياحية
الرحله طبعا ذهاب وعودة مع الوقوف في الدوحة ساعة ونصف كل الاتجاهين كلفت 7550 ريال وكانت رحله الدوحة مالي فيها 130 مقعد شاغر ((يطيرون مايهمهم عددنا كان 35 راكب بس))



على فكرة لازم تجيب معاك بطاقة الائتمانية
للمعلوميه كانت ايرباص321 ولاتشيلون هم لهم سنه وهم حاطين فيها شاشات...
نرجع للمنتجع
كان من اهم الاسباب للاختيار
1 لم يذكر في عنه في المنتديات العربية
2 يمدحونه المنتديات الاجنبية
3 سعره مقبول مقارنه باللي حوله
4 موقعه ممتاز قريب من مالي 16 كم و 150 م عن الفور سيزون kuda huraa
الحجز كان عن طريق موقعهم الرسمي للمنتجع
وعندهم
1 بيش بانقلو
2 واتر بنقلو
3 والاوفر واتر سويت
وكانت اوفر واتر سويت لمدة اربعة ليال هاف بورد (فطور وعشاء) في مطعم خاص بالاجنحة Rehendhi مع النقل بالبوت
راح يرسلون لك ايميل يطلبون منك اوقات ورقم رحلتك ذهاب وعودة لترتيب النقل
واذا انت راعي تشرط
تقدر ترسل لهم صورة المنتجع من القوقل ايرث مثلا وتطلب الغرفة اللي تحب
وهذا كروكي للمتجع

راح يستقبلونك عند المطار وهذا البوت

الجو كان ممتاز
الرحله 20 دقيقة
المدخل

الاستقبال

خدمات الغرف

كوخنا

من الداخل
الصالة

بدون ماء

مطلة على البحر

والميني بار

وننتقل لغرفة النوم

وفيها غرفه صغيرة للسيفتي بوكس وللاغراض والشنط

وهذا الله يعزكم دورة المياه والجاكوزي

.
.

.
.

.
.

من الخارج

سلم على البحر

الفور سيزون

جوله في المنتجع
المطعم الخاص بالاجنحة






بعض الشباب تعرفنا عليهم كل يوم ياكلون معنا مكسرات

الاكواخ الجنوبية العادية الواتر بانقلو


بيش بانقلو



ياكثره

و

و

اعني الحلاو الحلاو
وتراهم غالين مويه الصحة الصغير ب 9 ريال ولا يوفرون مجاني ابد حتى لو غصيت عندهم
ونظارات الغطس
وارجع لغرفتك اذا شفت هذي

النشاطات كثيرة وكل نوع يكون له يوم محدد والتسجيل عند الاستقبال

مثل الغواصة 140 دولار للشخص
تصوير بالجو طائرة مائية 125 دولار للشخص
رحلة للدلافين 30 دولار
زياره لجزيرة هيورا (فرصتك تشري ماء ومقاضي رخيص كل السياح يملون اكياسهم, اجل ماء ب15 ريال )
قريبة من المنتجع 30 دولار
وكثير منها
ولا راح انزل الصور علشان ما اخرب عليكم المفاجأة
عندهم المساج

مساج القدم 55 دقيقة ب80 دولار الى الجسم كامل ساعة وربع ب 180 دولار
الخروج يكون الساعة 12 ويكلمونك قبل بيوم ويخيرونك انك تطلع من الغرفة تجلس بالجزيرة حتى ميعاد رحلتك او تروح للمطار على طول والا تدفع 100 دولار وتطلع من الغرفة متأخر
وخدمة مجانية منهم طباعة البوردنق باس لرحلتك مجاني
ويوصلونك للمطار مع حمل الشنط حتى البوابة
المنتجع بشكل عام ممتاز
والموظفين تعاملهم راقي وخدومين من مديرهم الى عمال الصيانة اللي مالهم دخل سواء معك كعربي ولا اجنبي وترا عدد قليل منهم مايدري وش السعودية يعني تراهم مادروا عنك
الموظفين من كل جنسيه هنود نيبال بنقال اندونيسيين تايلانديين صينيين و روسيين

الجلسه كانت ممتازة والمنطقة حلوة مياه صافية والحيد قريب وممتاز للغطس

لم اجد اي عربي طوال الخمسة ايام كلهم غربيين و يابانين وشفت يمكن عايله شكلهم ماليزيين مسلمين وصراحة يمكن مايصلح للعوائل اذانت تبي تسكن بغير الاجنحة اقصد ان كل الغرف الباقية 10 متر من الشاطئ ويكونون كلهم متعريين
خلك بعيد لحالك اريح لك ولاهلك
الاكل يتغير يوميا بالبوفيه واعطيه 7 الى 8 من 10
بس اخر يوم 10 من 10
الاسعار غالية نار الماء الكبير 15 ريال
الانترنت موجود عندهم شبكة

الساعة 3 دولار
تشريها من البار الرئيسي حق الخمر والشراب((رح لحالك)) سرعته 265
بالنسبةللاتصال اقطع جوالك واذا تبي اشتر من المطار اي شريحة
الاتصالات السعودية تراها ب 10 ريال الدقيقة اذا كلمت من شبكتهم و11 ريال من الوطنية
النظافة
بالنسبة للغرف ممتازة مرتين باليوم الهوس كيبنج يمر
ومرافق المنتجع برضو حلوة
مواعيدهم بالتمام سواء بالقدوم والنشاطات و كل حاجة
مطعم الغرف يفتح حتى الساعة 2 الليل وفيه تقريبا 10 اصناف تتراوح من 6 دولار الى 30 للوجبة مع 5 دولار خدمة

خل عملتك الدولار دائما وداخل المنتجع مايحتاج تشيل اي فلوس الا اذ تبي تروح للقرية عشان التسوق او للبخشيش
الغرف العادية والاكواخ العادية جميله لكن تكاد الخصوصية ان تكون معدومة غير المناظر الغير مرغوبة
لا انصح بالغرف من 720 الى 724 مايصلح البحر ابد ((امواج))الا اذا تبي غروب الشمس ياشاعري انت ,تراك مارح تشوف كلها شمس ورا غيوم
ومن 711 الى 717 الماء مليان سمك ملون وحركات للي ودة يغوص ويتفرج بس لا تسبح حفيان
الباقي حلو للي وده يكون قريب من الجزيرة الرملية ((الفور سيزون))
خل المدام تجيب عدة السباحة ,المنطقة فيه خصوصية وبعيد من الناس من 714 الى 718 وامنه نوعا ما
لاتخلي اغراضك الجوال ولا الابتوب او الكميرة برا , المطر يجي بلحظات وانت ماتدري عنه ,عاد مطر استوائي يعفس ابو الاب توب وجوالك

اللغة
الانجليزية وبعضهم الفرنسية والايطالية بس عربي مالقيت الا واحد اللي بالبار((لاتفهمون غلط هناك يبيعون بطاقة النت)) مع انهم كلهم يسلمون عليكم
فيه مسجد جنوب الجزيرة والاذان مسموع هناك
يوجد خياط بوسط المنتجع بعشة خياطته حلوة ورخيص

الشمس الشمس حط كريم واقي حتى لو سفرتك يوم واحد
عيد ميلادي

طبعا الجواز مكتوب فيه تاريخ الميلاد وعلى هذا الاساس جابوها لي
صراحه حسبتهم غلطانين بالغرفه اصلا مادريت انه اليوم هو ميلادي
مسكين اللي جابها يوم قلتله شكلك مخطي يالحبيب تلخبط
السكن كلف 2284 دولار 4 ايام شامل النقل والفطور والعشاء
وصرفت 705 دولار شاملة رحلة للدلافين ورحلة للقرية ورحلة بالطائرة المائية مع تكاليف الانترنت والمشروبات والاكل الزيادة برضو مرينا الخياط .
يعني المجموع11210 ريالارجو اني ما اكون طولت عليكم
نراكم في تقارير جديدة بإذن الله
اي استفسار انا حاضر


رحلتي الى الجزر السياحية
التعليقات (8)
ابو طلال*
ابو طلال*
مشاء الله عليك اخوي
بالبداية الحمد لله عالسلامة
وتقرير حلو وسريع ومفيد واشكرك عالصور الحلوة
بس لو صغرت حجمها عشان يسهل عالجميع تصفح الموضوع بسهولة
اشكرك على مثل هالتقرير المفيد لمن يريد الذهاب للمالديف بميزانية
قليلة ويقرأ تجربتك ويستفيد
دمت بود

DR.Daloo3a
DR.Daloo3a
يعطيك العافيه أخوي تقرير ممتاز

الترفي
الترفي
ما شاء الله عليك
وطرحك لرحله مفيد وسريع ومختصر

بوحمد 83
بوحمد 83
ما شاءالله التقرير حلو و الجزيره اول مره اسمع فيها
بس باين انها حليوه
و الحمدالله على السلامه
بس مثل ماقال اخوي بو طلال لو تصغر الصور لأني حست علشان اروح يمين يسار ههه

المسافر عربي
المسافر عربي
الحمدلله على السلامة تقرير مميز الله يعطيك العافية

MiSS DoHa
MiSS DoHa
الصور وايد كبيره ونصها مب طالع
الحمدالله على سلامتك

msa183
msa183
مشكورين على مروركم
واسف على الصور صراحة ماعندي خبرة

طلحة الخير
طلحة الخير
الحمدلله عالسلامة
خوش تقرير الله يعطيك العافية
ممكن تزودنا بموقع المنتجع مشكورا


خصم يصل إلى 25%