هي مجرد مجموعه من الاستفسارات اتمنى القى ردود عليها انا ناوي باذن الله في العطله الصيفيه الذهاب الي جزر هاواي وللمعلوميه اني اول مره اسافر خارج المملكه و السبب ان الوالد كان من سكان القرى النائيه يعني من الباديه ولم تكن لديه ثقافة السفر والاستطلاع يعني طول عمر ابوي قضاه الرياض الديره الديره الرياض وكل ما اقول له خلنا نروح على الاقل سوريا لبنان تعرفون تفكير شيبانا الله يعافيهم ويخليهم ان السفر خطر وفيه خراب وفيه وفيه وفيه وفيه وكلها وجهات نضر عندهم لو حاولت ما حالوت مستحيل تغيرها عندهم المهم وش نسوي عاد قلنا نصبر لين ما ربك يفرجها والحمد لله توضفت واصبحت قادر على الاعتماد على نفسي وجا الان وقت تحقيق الاحلام والي هو هاواي الله كم احب ترديد هاذا الاسم على لساني يعني كلمه لها مكانه كبيره بالنسبه لي فحاب اسالكم عن الاماكن الي تصلح ازورها وهل هي صالحه لشخص واحد يعني انا لحالي اروح وطبعاً بيني وبينكم الانقلش عندي بالمره صفر مكعب
ولا لازم يكون معي شخص عشان يكون للرحله طعم والتكاليف هي اهم شي التكاليف يعني الرحله مع الفندق مع المعيشه والتسوق الخ الخ الخ الخ هل مبلغ 20 او 25 الف كافيه لمدة اسبوع او اسبوعين لشخص واحد ؟؟
اسفين اخواني على الاطاله لااني بالمره مستعجل بس ابي ارتب اموري من الحين ولو صار اي عائق راح اغير الوجهه علطول و ااجل الرحله الى هاواي لسنه اخرى