NỡǾỡnĩ Ṕสrĩ
27-09-2022 - 01:31 pm
السلام عليكم
انتشر كتير في هادي الأيام ال interval أو timeshare بالأصح
ونظرًا لعدم خبرتي أبغى أعرف منكم معلومات أكتر عنو لو سمحتو )
إحنا اشترينا من القاهرة من 2005 بس لما دحين ما استخدمناه في سفراتنا
كلمهم بابا كذا مرة بس ما حصل شي و أظن الغلط مننا لأنو احنا بنتصل قبل بفترة بسيطة
بس أنا قررت إنو أجدد العضوية ونستخدمها دي السنة في سفرتنا إن شاء الله
اللي أنا فاهمتو
إنو احنا لنا أسبوع ملك في السنة في منتجع في شرم الشيخ لو حبينا نروحلو حيكون مجاني
ولو حبينا نروح لأي مكان تاني حيكون بمبلغ بسيط نوعًا ما
واللي أنا أبغى أفهمو
الأسبوع الملك يكون في أي وقت أبغاه ولا هوا أسبوع معين ؟
ولو حبيت أبدل يعني بدل ما أروح شرم الشيخ أروح مكان تاني ,, ياخد مبلغ مقابل التبديل ولا مجاني ؟
طيب لو أنا أبغى أحجز أسابيع إضافية (بمبلغ بسيط ) يحقلي آخد أسبوع واحد بس ؟ ولا عدد لا محدود ؟
يعني لو كنت أبغى أسافر شهر مثلا ينفع ؟
واللي عندو أي معلومة تانية بليز لا يتردد انو يكتبها
اذا هم نفسهم من ماريوت ....؟
الأسبوع الملك يكون في أي وقت أبغاه ولا هوا أسبوع معين ؟
لا الأسبوع الملك محدد لأن المواسم تختلف الأسعار ! لازم تشوفي الاتفاقية مو معاكم؟
ولو حبيت أبدل يعني بدل ما أروح شرم الشيخ أروح مكان تاني ,, ياخد مبلغ مقابل التبديل ولا مجاني ؟
إذا بنفس المستوى ما تدفعي بس إذا أعلى تدفعي لهم الفرق ...
طيب لو أنا أبغى أحجز أسابيع إضافية (بمبلغ بسيط ) يحقلي آخد أسبوع واحد بس ؟ ولا عدد لا محدود ؟
يعني لو كنت أبغى أسافر شهر مثلا ينفع ؟
عادي إذا متوفرة الفترة المطلوبة ادفعي المبلغ المطلوب وتنسقين معهم...
"هذا كلام فقط وليس عن تجربة !" وطلعت وأخذت منهم ليلتين مجاني
سلام عليكم ،،،