اهلا فيج اختي في بلدك الثاني ونورت الدوحه بوجودك
روحي الحي الثقافي (كاتارا) حلو المكان وفيه تمشي ومطاعم واذا تبغين حدايق واماكن مفتوحه روحي حديقه اسباير جميله جدا...... اتمنى اكون افدتك واهلا فيك مره ثانيه

princess26
هلا بك ،، الدوحة منوره بأهلها الطيبين
الحي الثقافي اي صوب

اختي الحي الثقافي صوب اللؤلؤه
وانا اخت مب اخ

وبالنسبه لسيلين هو عباره عن شاطئ ومنتجع حلو المكان لكن شوي بعيد

الحي الثقافي جمب فندق الانتركونتننتال وقبل اللؤلؤة
روحوا الانتر وبتلقون الحي الثقافي حذاه
ولاتروحون سيلين المنطقة هناك خطره والسيارات تتحاذف من كل صوب
انزين رحتوا حياة بلازا ؟؟
مجمع دور واحد مثل اللاند مارك وفيه مدينة ألعاب حق الاطفال والكبار اسمها جنغل زون
وحياة بلازا جمب فيلاجيو بالضبط
رحتوا حديقة اسباير والا لا ؟؟
روحوا فندق الريتز حلو ومجددين فيه وتمشوا فيه برا على الكورنيش الخاص فيه
اخذوا لكم لفه في الفندق
وهو قريب جداً من اللؤلؤة
والحمدلله ان قطر اعجبتج
وانا اقول قطر شفيها منورة هاليومين

في طراد في الماريوت يؤجرونه بخمسة آلاف اذا تبينه
ياخذج في لفة ع البحر ويوديج حق الجزر المهجورة

princess26
كل المناطق اللي قلتيها مارحت لها ..
بس سؤال .. القرية الشعبية في الحي الثقافي ؟؟!!
لاني رحت لها
ايه والله عجبتني بالمره حلوه ،، وسويت لكم دعايه ،، سحبت جمهور دبي لعندكم
ربي يسلمك النوري منوره بأهلها الطيبين والله
طيب بنات ماقلتوا لي عن الطرادات ..... وين ألآقي ... اليوم كنا بالسفينة على الكرنيش وكل اللي معي يقولون بايخه سخيقة بطيئة مو سريعه ... يبون طراد طاير

القرية التراثيه اللي عند الكورنيش غير عن الحي الثقافي
الحي الثقافي توهم فاتحينه ويطل على البحر بس في سيكيورتي عند البحر مايخليج تقربين منه
واحنا مانقول يمي
احنا نقول حذاي
مايندرى من هذيلا اللي طحتي عليهم وشوهوا لهجتنا