بنوتة الامارات
13-09-2022 - 05:12 am
مرحبا اخواني
عندي سؤال بالنسبه لحديقة الفراشات المضيئه ..هي نفسها حديقة الفراشات إلي جنب حديقة الزهور ولا غير.وأي ساعه ممكن اروح للفراشات المضيئه؟
وإذا ممكن اتوضحون النا شوه الأماكن القريبه من بعض ممكن نزورها في يوم واحد ..عشان مانروح مشوارين على يومين.يعني حديقة الحيوانات شوه الأماكن السياحيه القريبه منها ممكن ازورها..والشلالات وصن واي لاقون..والمعبد....الخ
ويزاكم الله خير مقدما.
حديقة الفراشات المضيئة تختلف عن حديقة الفراشات التي بجانب حديقة الزهور في منطقة الليك قاردن
الفراشات المضيئة في ولاية سيلانجور جنبي كوالالمبور تبعد نصف ساعه واهيا نفس المنطقة الي فيها صن واي لاقون وماينس ويندر لاند( سوق القوارب) ومنطقة بترو جايا وهي المنطقة الحكوميه الجديده مره رايقه وحلوه وما تحتاجين فيها اكثر من ساعه هل الأماكن كلها حول بعض بس يبي لك يومين لهم كلهم
أنا رحت لماليزيا مرتين مع كذا ما رحت للفراشات المضيئة لأنهم ما مدحوها في المنتدى ويقولون مو نظيفه والقوارب غير نظيفة وشفت صورها حسيت ما تستاهل وانتي اذا عندك وقت مري عليها وعطينا رأيك
تفتح فترتين فتره الصبح للصيد وفتره بالليل من 8 الليل عشان تبين الفراشات
بالنسبة للشلالات الي اسمها تمبلر بارك قريب منها المعبد الهندي ( باتو كيف) وعين حاره على طريقها
حديقة الحيوان اذا تقصدين العادية في نظري بايخه وماتستاهل وجدا متواضعه فيها قطار عادي يدور في الحديقة وما اذكر اذا قريب منها شي
الحي الصيني شاينا تاون قريب منه مركز سنترال ماركت مريه مره وحده على الطريق مع ميدان الأستقلال وممكن المناره العاليه
هذا الي يحضرني الأن لأني مستعجلة واي سؤال انا في الخدمه