- والا هو مصري راد والطف الكلام خبركم عارفين المصريين
- بعد نصف ساعة والا الاستقبال داق علي
وانا اتمشى في اسواق وزقاق كوالالمبور وبالتحديد حول سوق البافلون مريت جنب شخص يوزع دعايا لمطعم عربي اسمه ( على كيفك ) اعطاني وجلست اقرا كاتبين في المنشور :
بعد نجاحنا في الامارات وفي السعودية تم افتتاح فرع في كوالالمبور
افضل الاكلات العربية والشامية والسعوديه كبسة دجاج كبسة لحم كباب كبه وغيرها من دعاياهم والتوصيا مجانا
انا يوم قريت التوصيل مجانا قلت حلو خلينا نضرب لنا بكبسة دجاج الليلة خبركم طفشنا من كنتاكي وجماعته والله وفي الليل قرابة الساعة 10 اخذت جوالي وعفصت رقمهم
الو السلام عليكم
والا هو مصري راد والطف الكلام خبركم عارفين المصريين
واسأله كم الكبسة الدجاج ويقول لي ب 22 رنجت بس ( وهذي بس حطوا تحتها مليوون خط تفهموا بعدين ليش )
والله وقلت له اكي جيب لي كبسة دجاج وحبتيين بيبسي واقفل واتذكر شي وارجع ادق عليه واقول له عندكم سلطات وقال لي ااه فيه قلت له سوي لي واحد سلطه وقال لي بسوي لك واحد سلطة عربي قلت له الله يرحم والديك تسلم سويه لي
بعد نصف ساعة والا الاستقبال داق علي
عزيزي انت طالب اكل من برا قلت له يس قال لي ياليت تنزل وتستلمه خبركم فندق رويال شولان احد يقدر يستخدم الاصنصير غير اللي ساكن في الفندق والا غيره ما يشتغل الا تكون عندك بطاقة الغرفة والله نزلت وسعابيلي تقطر
احصل الرجال السلام عليكم وعليكم السلام كم الحساب قال 48 رنقت وانا والله ما انتبهت للي في يدي عموما الرجال كان ماعنده فكه قلت قال بيروح ويجيبها لي وانا اصلا طلعت وسبته مستعجل عالكبسة
واروح للبلكونه وانادي الغالية تعالي اشوف الا والكبسة حاطينها في مغلف مثل ساندوتش كودوا صغير افتح واذا انا احصل ربع دجاجة افتح السلطة واذا هي ماتجي بكف يدي تجي بلقمتين وحاره ماخلتني انام الليل ارجع ادق عالمطعم واقول ايش اللي انا طلبته وايش هالدجاجه وكم سعرها قال لي هذي ربع دجاجة ب 22 رنجت والسلطة ب 16 رنجت والبيبسي الحبة ب5 رنجت قلت الله واكبر عليك وعلى مطعمك في البداية يوم سألتك كم الحبة الدجااج قلت لي ب 22 رنقت وبس ليش ماقلت لي انها ربع والا السلطة وش هالسلطة والله نصابين ونمنا جيعانيين نلعن في هالمطعم شال عليه 50 رنجت بلاش
عموما حبيت احذر اخواني من هالمطعم لانهم نصابين
حياك الله يا غالي ... نعم كلامك صحيح وزد على ذلك فقد كانت لي تجربه سيئه مع هذا المطعم المذكور فقد طلبت منه حمام ورز ومحاشي
وكان أسعارها خيال يالله مو مشكله وعند إحضار الطلب لي في فندق ويستن كوالالمبور كانت المأساه الحقيقة ...
حمام صغير حتى بنتي الصغيره لا تستطيع أن تأكله وكمان غير مطبوخ كويس ( زفر ) والرز ما أنزل الله به من سلطان
والمحاشي ربي نسألك العفو والعافيه .. بالفعل مطعم لا ننصح فيه ونحذر الأحباب منه وياليتك تضعه في القائمة السوداء بموضوع حبيبنا خليها
وتسلم يا غالي على التنويه ... بارك الله فيك
ملاحظه : تم وضع صوره المطعم المذكور للتنبيه ويا الربع لا تغركم صور الأكل فالواقع مرير وسيء لذا إحذروا منه