- 6- خطاب السفارةيوم الموعد:
السلام عليكم ورحمة الله وبركاتة
ياشباب انا كان موعدي اليوم في السفارة وحبيت أني أنصحكم قبل الذهاب للسفارة لتعم الفائدة على الجميع اولا راح أعلمكم وش الأوراق المطلوبة:
1- الآي توني (الأصل)
2- (DS-158) , (DS-157) ,(DS-156) وهذي الروابط حقتها: http://www.immihelp.com/forms/ds158fill.pdf
وهذي ترجمتها:نموذج 156 http://www.visapro.com/Download/Form-DS-156-Arabic.pdf
نموذج 157 http://www.visapro.com/Download/Form-DS-157-Arabic.pdf
3- أصل الجواز مع صوره منها
4- صورة مكشوفة الرأس 5*5 والخلفية تكون بيضاء
5- رسوم السيفيس وهذا تحصله على الموقع هذا http://www.fmjfee.com وراح اضيف الترجمة حقته هاليومين.
6- خطاب السفارةيوم الموعد:
الذهاب للسفارة بوقت مبكر عشان ماتطفش من الوقوف في الشمس والحر والطفش :112: يعني أحسن شي خلك الساعة سبع هناك لا قبل ولا بعد.
وبعدين راح تصف مع إلي واقفين بالشارع راح يدخلونكم على واحد بعد ماتدخل عند البوابة الخارجية راح يسوون لك تفتيش بسيط يعني تحط إلي بجيبك وبتمر على جهاز بعدها راح تاخذ أغراضك وراح ياخذون جوالك وبعدها راح تمشي 15 م ثم تدخل السفارة وفيه تفتيش ثاني ابسط من الي قبل بعدها راح تاخذ رقم واذا جا رقمك تعطي الموظف اوراقك ويتأكد من اكتمالها ويعلمك الناقص من الفراغات ويعطيك اوراقك وتسدد عند الي جنبك 380 ريال وبعدها يعطيك الموظف الرقم حق المقابلة المقابلة:
لا تخاف الموضوع عادي اهم شي الوثوق بالنفس اذا جا رقمك وجيت عند الموظف (طبعا عشان تكونوا بالصوره ترا اخذ الأوراق والمقابلة اقصد المكان مثل الكاشير حق البنك فيه قزازه بينك وبينه وفيه فتحه تحت تدخل الأوراق ) المهم بيسألك بيقول ليش رحت لمريكا انت عاد عبر لاتقول عشان البعثة ولا مافية دراسة هنا لا قل عشان التطور في علم امريكا وقوة الشهادة الي بتنفعني هنا وبيسألك عن ولايتك ليش اخترتها وعن جامعتك لاتقول جابولي اياها الملحقية وانا ما اعرف عنها شي انتبه لا شف انت ولايتك وجامعتك وش تتميز فيه من الجو والمعيشة والطبيعة وقوة الجامعة ولاتتكلم وانت ماتدري عن ولايتك لازم تاخذ معلومات عنها قبل وبعد بيسألك وين رحت سوريا ايران العراق اذا قلت ايه اشرح الأسباب بوضوح قل سياحة مع الأهل لأنها رخيصة والسياحة فيها رخيصة ولاتكثر واهم شي لاتكذب معاه خلك عادي وصريح وبعدها راح يعطيك ورقة بالموعد اذا كان دراستك بعد ثلاث شهور راح يعطيك موعد تجي فيه وتجيب جوازك معاك وانتهينا :x1: :x1: ...
والله يوفقنا ويوفقكم ويعز بلدنا ويحميها الي ماقصرت معنا بأي شي
