مانيلا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ولد امه وابوه
18-12-2022 - 04:36 pm
مراحب
يعطيكم الف عافيه
استفسار بسيط ودي تخدموني فيه .. انا حاليا في مانيلا وباقي لك 3 ايام وراجع للوطن
بس ودي اسألكم وش الاماكن الحلوه في مانيلا .. ابي شي طلعه مع قروب من الصبح الى المغرب زي فوكيت في تايلند
هل فيه اماكن تستاهل الروحه والرجعه بنفس اليوم .. وبحدود كم تقريبا بتكلفني
انا رحت تايقتاي ومانيلا زوو والاوشن بارك وموول اوف اسيا .. وانا اصلن منيب احب الاسواق ودي بمكان صاد ومريح من زحمه مانيلا .. ابي طبيعه بس ودي برحله جماعيه تكون مرتبه مثلن مع مكتب سياحي .. وكلمت ديبي قبل يومين ابي احجز ع بوهول قالت المكاتب اللحين مقفله ويكند ومايفتحون الا الاثنين وصعبه الروحه علي
قلنا الشكوى لله مهوب لازم بوهول وش نسوي .. قلنا نخليها في مانيلا باقي الايام وبس
بس هل فيه مكان حلو يستاهل اروح له .. وهل في مكاتب تضبط لي حجوزات لهالبرامج والا كيف
لاني والله طفشت من القعده في الاوتيل وودي بالطلعه ولا ادري وين اروح .. بغيت ارائكم ياحلوين
والاستفسار موجه للعموم ولاهوب نقص في احد من بعد اذن المشرف


التعليقات (5)
فهد330
فهد330
انصحك تروح (باقيو) منطبة حلوة ومرتبة وتقدر تروح مع قروب الصباح وترجع على المغرب
الله يسهل امورك

مسافر بلا محطات
مسافر بلا محطات
فهد330
باقيو
تروح لها الصبح وترجع المغرب
!!!
يا رجال حرام عليك
لا توهق الرجال
باقيو 5 - 6 ساعات بالباص
من مانيلا
وشلون تبيه يروح الصبح ويرجع المغرب
باقيو حقها ثلاث أيام وأكثر
من الأماكن القريبة لمانيلا مدينة باتانقس
batangas city
تبعد تقريباً 130 كيلو متر عن مانيلا
وحولها كثير من الجزر والمنتجعات والشواطئ الرائعة
ومهما قلت لك لن اذكر جزء بسيط من تقرير الرائع أخونا
الساحر
على هذا الرابط
https://artravelers.com/p/re/217067
إذا تعرف تسبح
طب صاروخ في هذا الموضوع
وستجد كل ما يسرك
وسلامتكم

(العاطل)
(العاطل)
هلابك
وشتبي بالروحه والرده بنفس اليوم تعب عليك انصحك تحجز تذكره وتروح لاحد الجزر زي بوراكاي ولابوهول صدقني رائعه شيك ع توقيعي هناك تقارير لبعض الجزر .
واذا انك مرتبط بشغل في مانيلا وماتستطيع الذهاب للمناطق البعيده عندك لاقونا شلالات باقنسان ادخل ع الدليل السياحي في توقيعي
تحياتي العطره

sab1380
sab1380
افادوك الاخوان الكرام بارك الله فيهم

حمودي حماده
حمودي حماده
جزيرة بورتوقاليرا روح له من الفجر ولا تجي الا من بكرى وراح تدعيلي مكان هادي وفيه احلى وناسه
باص الى باتنقس وبعدها للمحطه تاخذ بوت ساعه وانت بالجزيره


خصم يصل إلى 25%