استراليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
لبن زبادي
06-09-2022 - 08:56 am
السلام على الكرام..
للجميع مساء الخير ..
أنا متابع جيد للمنتدى بشكل عام ولمنتدى أستراليا بشكل خاص بحكم إني أموت بهالديرة خصوصا ان إختي الله يحفظها تدرس هناك وهالعيد انشالله ناوي أطلع أنا والمدام هناك..
عندي استفسار بسيط ممكن ماله علاقة بالمنتدى لكنه بأمانة شوش علي ذهني حيث إني كنت ناوي العيد بأستراليا لكن صار لي موقف غريب فحبيت آخذ رايكم الله لا يهينكم..
كنت قبل شهر تقريبا بصحارى مول بالرياض وجاني واحد وعرف بنفسه انه من شركة سياحية وان عندهم عروض بأسعار معينة وهدية مجانية لمدة أسبوع بشرم الشيخ سواء قبلت بعرضهم او ما قبلت.. واسم الشركة عندي اذا مسموح أذكره بأذكره ما عندي مشكلة لكن تراها مو شركة معروفة بالمرة.. المهم عرضهم ما جاز لي لما رحت لمكتبهم اللي بالرياض ومع ذلك قال لي اني فزت بعرض شرم الشيخ لمدة اسبوع اقامة مجانية و أعطاني اسم الفندق.. نفس الشي مع شركة أخرى بالشارقة بس هالمرة العرض بتونس مو بشرم الشيخ ونفس الشي رفضت عرضهم السياحي وقال لي مو مشكلة خذ عرضنا المجاني ممكن نكسبك زبون..
سؤالي الان هل لأحد منكم تجربة مع مثل هالشركات؟ هل تتوقعون إنهم صادقين و أطلع بهالفرصة المجانية اللي محدودة المدة و أأجل أستراليا للسنة الجاية؟
حبيت أضيف إن عروض هالشركات هي عروض تملك جزئي أو تايم شير للي سمع بهالمصطلح لكنها ما جازت لي وبالتالي رفضتها لكنهم على الرغم من ذلك أعطوني هالاسبوع المجاني للاقامة بشرم الشيخ وطبرقة بتونس..
وسلام على الكرام مرة ثانية..


التعليقات (6)
احمد71
احمد71
والله يا خوي شي يحير ابصراحه رحلة استراليا رحلة العمر يعني ما اتفوت. وبنفس الوقت انت حاصلك علي اسبوعين سكن ببلاش.
اعتقد الحل انك اتصلي استخاره والله يوفقك ان شاء الله.

عاليــة
عاليــة
ماادري اذا كنت تقصد بالتايم شير هو نفسه مشروع تملك العطله ؟؟
بس بصراحه مااتوقع بيسفرون الناس كلهم على حسابهم لاني انا بعد فزت باسبوع في شرم الشيخ وبعدين مرمطونا!! ماادري وش يبون في النهايه دفعنا عربون ومارجعنا خذناه لانهم بهذلونا
بس مااقوله عشان اقطع رزقهم لا! بس عشان تحذر!
بس تبي الجد!! هم فاضين لك يمشونك على حسابهم!!

لبن زبادي
لبن زبادي
سلام على الكرام..
شكرا لك أحمد عالمشاركة..
عالية..
بالضبط هو اللي يسمونه تملك العطلة.. لكن ودي آخذ آراء أكبر عن الموضوع لاني خايف من جد منهم..
باي

حور الإمارات
حور الإمارات
الاخ لبن زبادي .. مدامك كنت معزم على استراليا فتوكل على الله وخليك من هالشركات الوهمية اللي اكثرها يكون نصب في نصب ...

Noooda
Noooda
والله شي غريب تقارن رحلة لأستراليا برحله لشرم الشيخ ؟؟؟
حتى لو كانت بالمجان !!
استخير وطير لأستراليا وتوكل على الله

Hesham
Hesham
اخوي يطولي بعمرك
لا تصدق هذه الشركات التي لا هم لها سوى النصب والأحتيال ...
خلك برحلتك لأستراليا وأعطي هذه الشركه والقائمين عليها ظهرك ...
بالتوفيق


خصم يصل إلى 25%