قطر المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Anooosh83
04-12-2022 - 04:35 pm
مرحبا
أحيي أهل قطر قيادة و شعب على مفاجآتهم الرياضية و اتمنى لكم التوفيق انشالله
انا اخوكم علي من البحرين و انشالله راح احضر المباراه
بس ممكن تقولون لي وين احسن مكان (مو شرط أحسن يعني أغلى) اسكن فيه يكون قريب للاستاد و قريب للدوحه لنه راح انزل الدوحه يوم المباراه الصباح و برجع البحرين يوم ثاني المغرب فحاب أحضر المباراه ألف لي كم مجمع على معلم سياحي،و خصوصا اني ما زرت قطر من قبل و لا اعرف وضع الزحمة و الشوارع فيها أيام العيد او المناسبات الرياضية؟؟


التعليقات (9)
the ro0ok
the ro0ok
هو وقت المباراه ماراح تكون زحمه الا جمب الملعب
طبعا جمب الملعب فيه افخم مول في قطر والخامس عالميا اكيد سمعت عنه فيلاجيو مول اسمه
اما الفندق فللاسف الفنادق ماكتملت الي جمب الملعب بس اذا تبي قريب عندك جراند رجينسي
بس انا اشوف تسكن في منطقة الابراج افضلم ماهي مره بعيده عن الملعب لانه الدوحه حجمها وسط والشوارع ماشاءالله مرتبه ف انا اشوف تسكن في فندق دبليو او رتاج الريان او كيمنسكي
وعلى الزياره زور هل مكانين
1 - جزيرة الؤلؤه
2 - فيلاجيو مول
اذا ماتحب مكان فخم وكانك قاعد في ايطاليا تقدر تبدل جزيرة الؤلؤه بسوق واقف بس حسب اختيارك
اذا تحب مكان تراثي روح سوق واقف ماتحب روح الؤلؤه
وان شاء الله ماقصرت معاك

Anooosh83
Anooosh83
the ro0ok
مشكور اخوي و ما قصرت
بس انا بنتظر كم رد عشان أتخذ قرار و إنشالله خير

عبدالله منصوري
عبدالله منصوري
أنا بصراحه أخوي راي من رأي أخووي The Roook ترى خوش رأي

نورس الدوحة
نورس الدوحة
مرحبا أخوي .. حياك الله في قطر بين أخوانك .. بخصوص الفندق أنت جاي يوم واحد يعني مافيه داعي تخسر وايد على ليلة .. أنصحك بفندق (مروب) يقع في شارع السد ويبعد عن الملعب قرابة ال 5 دقائق .. ممكن تواجه زحمة وحدة بس عند الإشارات بعدين تسلك طريق عادي جداً بتواجه إشارتين بس كلها على طريق واحد باتجاه الملعب .
قرب فندق (مروب) توجد سلسلة من المطاعم المتنوعة بعضها غالي وبعضها رخيص وكلها تقدر توصلها مشي إذا حبيت .
الفندق هو 4 نجوم لكنه نظيف وينافس ال 5 نجوم وأنت عندك ليلة وحدة يعني بس يبيلك تنام فيه بس يعني ما عندك مشكلة وإن شاء الله ترتاح .. عموماً هذا عنوان الفندق ..
http://merweb.com/
ملاحظة يرجى التأكيد على مكان الفندق عند الحجز عن طريق الموقع أو السفريات حيث أن هناك فرع آخر للفندق في الدوحة والمقصود هو الذي يقع في منطقة (السد) .
تحياتي

Anooosh83
Anooosh83
مشكورين
بصراحه احنا 3 أشخاص و حجزنا في فندق W Doha على ما اعتقد هو خمس نجوم غرفه بسريرين
الحركه انه احنا 3 وسياسة الفندق حسب ما هو مذكور في موقوعه انه مافي اسره اضافيه
فلو ثالثنا زرق و بات معانا من غير ما نقول لفندق وحنا ندبرها بتكون مشكله او بيصيدونا او يدفعونا؟؟؟
وهل هو مكان زين بالنسبة لروحتنا للمباراه ؟؟
احنا بننزل الساعه 9 وشي الصبح وبنحضر المباراه
ما بيكون عندنا مواصلات فكم الوقت والتكلفه لو أخذنا تاكسي من الفندق للملعب؟؟؟
يعني المباراه الساعه 8 ، فالساعه كم نطلع من الفندق للملعب؟؟؟
مشكورين يا اخوان والله يوفق الجميع

نورس الدوحة
نورس الدوحة
هالفندق شوي بعيد عن الملعب وأقرب مركز تسوق منه هو السيتي سنتر تقدرون تروحون له مشي .. بخصوص الوصول للملعب ممكن ياخذ وقت لأن الزحمة بتكون عائق لأنك بتمر على عدة إشارات ضوئية ولكن أفضل لك إنك تكون هناك قبل المباراة بساعتين أو أكثر!... أسعار التكسي ما أدري عنها بس ممكن تطلع عليكم ب 40 أو 50 ريال !.

the ro0ok
the ro0ok
مكانه جدا فخم وحلو بس مكانه شوي بعيد عن الملعب بس لاتخاف الدوحه صغيره يعني 10 دقايق الا انت في الملعب بس مع الزحمه نص ساعه والتكسي تقريبا بياخذ عليكم مو اكثر من 30 ريال يمكن 25
وعن الغرفه لا مايدرون اول شي خل يسوي روحه انه ضيف

Anooosh83
Anooosh83
مشكورين يا أخواني
أنا سمعت المؤتمر الصحفي للإتحاد القطري بوجود فعاليات من الساعه 2 الظهر
يعني انشالله بنحاول العصر او المغرب نكون هناك وخصوصا انه راح تقام مباراة للمنتخب القطري قبل المباراة
يلله بنكون في الدوحه لأول مرة
وين العزايم خ؟؟؟
مشكورين مره ثانيه

المرواني الجهني
المرواني الجهني
هلا أخوي
الفندق ممتاز وفخم
ويبعد عن الملعب حوالي 15 دقيقه بدون الزحمه و مع الزحمه حوالي 30 دقيقه
بس انت للاحتياط لأي ظرف اطلع قبلها بساعد أو اكثر
وحياك الله في الدوحه


خصم يصل إلى 25%