حنون وأحب بجنون
11-12-2022 - 08:33 am
مرحبا كيفكم فديتكم كلكم
انا ناوي احتمال كبير اسافر عمان مع العائلة احنا 5 اشخاص بليز ساعدوني لاني ابدا ما اعرف اي شيء عن عمان ولا زرتها من قبل واتمنى تجاوبوني على الاستفسارات التالية وزيارتي راح تكوني يوم رابع عيد الاضحى
1- كم سعر التذكرة من الدمام او البحرين وعلى اي طيران؟
2- وين اروح في عمان مسقط والا صلالة وش تفضلون؟
3- كم يوم يكفيني في عمان تقريبا هل 3 او 4 ايام حلوة ؟
5- كيف السكن هناك اشلون اقدر احجز وبكم اسعار الشقق لخمسة اشخاص بحيث تكون شقة عادية يعني مو شرط فخمة اهم شي تكون نظيفة؟
6- هل فعلا عمان تستحق الزيارة وفيها اشياء حلوة في نظركم او كيف؟
مشكورين واتمنى تفيدوني بليز لاني متورط ومو عارف شيء
وانا انصحك في مسقط اذا كانت سفرتك في ايام العيد
لان السفرة لو قبل شهرين
كان اقول لك صلاله بدون تفكير
لكن ... صلاله الان خلص فيها موسم الخريف
واغلب الاماكن فيها اختلفت عن ما كانت عليه سابقاً وقت موسم الخريف
اما بالنسبه لطيران واسعار التذاكر
كل طيران ولهم سعر
لكن ... اعتقد ان طيران عمان ارخص تكلفه ... وعلى ما اتذكر انها في حدود ال 1300 ريال سعودي
واسبوع كامل في مسقط مناسب جداً
وفي الاخير
ان شاء الله يفيدونك اكثر بقيه الاخوان