جولد كوست المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
اي شي
13-10-2022 - 02:14 pm
  1. وصراحة حبيت الأستراليين صراحة تعامل فوق الخيال


راجع من أستراليا وألف شكر ل إسبرانزا وفتى الشرقية وكل اللي إستفدت من هم
ويعطيكم ألف عافية
ويا حبايبي سويت بأستراليا اللي ما يخطر على البال مافي لعبة مالعبتها
لا و أخرتها يا فتى الشرقية بكيرنز تعبت نفسياً ياشيخ نطيت من برج ارتفاعه 50 متر ومربوط بحبل مطاط برجولي (البانجي جامبنج) وتحتي نهر يو
ورحت للحيد المرجاني العظيم صراحة شئ فوق الخيال بس لازم الواحد يسوي الغطس لانه تجربة من جد غريبة وطبعاً كل هذا بنصيحتك يا فتى الشرقية يسلمو
واللي يبي رقم أو اسم الشركة أو موقعها موجود عندي بس توني ما فكيت الشناط

وصراحة حبيت الأستراليين صراحة تعامل فوق الخيال

ويا اسبرانزا أبشرك دخلت المعسل لاني حطيت على كلامك تاباكو وسئلوني عنه وطلعته وانبسطوا عليه يقولون ان الريحة حلوه بس سألوني ليش سايل بس جت وحدة مسؤولة وقالتلي هذا حق الهبلي ببلي والا انا قبل ما اوصل مطار استراليا بساعتين شايل هم الله لا يوريك بس من جد تفاجئت بأسلوبهم صرااحة ديرة خيالية بكل شئ فيها ومن جد أحلى ديرة الواحد يقدر يروحلها ونصيحة اللي بيروح القولد كوست من جد لازم يطول والله 10 أيام ماتكفي.
وصراحة اللي يبي يروح لهونج كونج تمشية نصيحة لا يروح الا اذا كان رايح يتسوق لانها ديرة تجيب الهم تكرمون مايمديكم تتنفسون بالشارع ريحة الله لا يوريكم واذا كان احد بيروح يسكن بفندق Langham Palac الجديد شئ خيالي مسبح وspa بالدور 41 والفندق تحته سوق 11 دور وفيه سنما وطبعاً أنا طول وقتي بالفندق.


التعليقات (9)
الباحثة
الباحثة

الحمد لله على سلامتك أخي الفاضل
و نحمد الله إن إستمتعت برحلتك في ربوع أستراليا الرائعة .
وكلنا شوق لباقي التقرير و صورك و قراءة قصص و حكايا مغامراتك ..
تحياتي ............

الأنيق
الأنيق
الحمد لله على السلامة ومشتاقين لتقريرك المصور والمفصل

big_evil77
big_evil77
حمد الله علي السلامة
ومنتظرين تقريرك علي نار طبعا بالصور ان امكن

فتى الشرقية
فتى الشرقية
يا هلا فيك اخوي اي شي
و الحمدلله على السلامة
ما شاء الله شكلك انبسطت و كيفت في استراليا و خصوصا كيرنز
لا و أخرتها يا فتى الشرقية بكيرنز تعبت نفسياً ياشيخ نطيت من برج ارتفاعه 50 متر ومربوط بحبل مطاط برجولي (البانجي جامبنج) وتحتي نهر يو
يا سلام..... ما توقعت احد يسويها.... شكلك من النوع المغامر... الله يحفظنا وياك
انت مو اي شي... انت " شي " على قولة الممثل الكويتي البلام
و باقي لك تنط بالباراشوت من الطيارة ... و تكتمل عندك سلسلة المغامرات
ورحت للحيد المرجاني العظيم صراحة شئ فوق الخيال بس لازم الواحد يسوي الغطس لانه تجربة من جد غريبة
انا جربت الغطس في شرم الشيخ
فعلا تجربة فريدة من نوعها .... يكفي انك تسبح مع الاسماك الملونة و تشوف الشعب المرجانية الجميلة
الله يهنيك اخوي
و لا تبخل علينا بالصور خصوصا مدينة كيرنز
تقبل مني اجمل تحية

اي شي
اي شي
صراحة آسف على التأخير .............. وشكراً أخوي فتى الشرقية (وتكفى لاتقول لأحد )
كيرنز من أحلى الأماكن اللي رحتلها وبصراحة أفضلها بعد ما كنت متردد فيها بس الحمدلله الفندق حلو مريح وكان أول يوم لي بكيرنز بأني أتمشى وأشوف شوارعها وبصراحة تجنن.
بس خساره يوم رحتلها كان الجو حلو داخلها لكن على البحر مو حلو كان فيها هوا قوي قلب البحر بني وركبت جت بس ما قدرت أكمل من الموج وعلى أساس أسوي (البراسايل) اللي هو براشوت ينسحب بالجت بس الهوا الله لايوريكم طبعاً ما كملت بالجت وركبت بالبوت اللي كان يمشي وراي وسحبوا الجت الله لايعيده من جت المهم قالوا بنوريكم ال bungy jump! اللي هو تربط مثل الذبيحة من رجولك وتنط 50 متر طبعاً تقولون من المهبول اللي ينط طبعاً أنا ليش نطيت

احمد71
احمد71
الحمدلله علي السلامه . الله يهنيك في هالسفره العجيبه . صج انك شوقتنا لمنطقة كيرنز. لا تبخل علينا بتكملة
باقي الرحلة
:x1: :x1: :x1:

Desert Rose
Desert Rose
الحمد لله على سلامتك
باين من الصور ان كيرنز حلوه و فيها رحلات غريبه و مو موجوده فالاماكن الثانيه ... بس والله شكل البانجي جمب يخوف مره خصوصا ان جنبك الحديد حق المبنى و شجر و زرع يعني تحس نفسك بتصدم فهالاشياء ... انا جربت الفلاي كوستر الي بجولد كوست بس غير شوي .. يربطون الجسم كله بحبال و في شئ يجرك الين توصل فوق .. يعني هذي تخوف في الروحه و النزله و اعطوني شهاده و فيها صورتي بعد.. بس شكل الشهاده خرطي مو زي حقتك كشخه
الحمد لله على سلامتك اخوي و كويس انك انبسطت

اي شي
اي شي
هلا أخوي أحمد71 وحياك
ترى من جد كيرنز حلوة وفيها مناظر مره حلوه وترى أنا أصريت بعد اللي سويته إني مو شي بالمره
شكراً أخوي DESERT ROSE على ردك
وأنا أقول إن شهادتك أكشخ لأن فيها صورتك
وترى من جد كان نفسي أجرب البراسايل (تقريباً نفس اللي قلت عنه) بس مسحوب بجت قوي مره بس حظي الجو كان مره تعبان في البحر :112:

فتى الشرقية
فتى الشرقية
و الله انك شي و خطير بعد
قفزت بالحبل ما شاء الله عليك و المدام قالت لك عادي بعد... يا حظك
انا موقع على تعهد مع الوالد و الوالدة اني ما اركب هاللعبة خصوصا بعد ركبت لعبة فلاي كوستر ووريتهم الفيديو على بالي راح يستانسون.... الا خافوا و احلفوا علي ما اركب شي مربوط بحبل
والغوص اكيد حلو... بس ما تأذيت من الاكسجين و طريقة التنفس من الفم بدل الانف؟
انا اذكر انه نشف ريقي وواجهت صعوبة في البلع و بغيت اكنسل الغوص... بس الحمدلله عدت النص ساعة على خير
بس عندي سؤال بالنسبة لصور الغوص... هل هي من كاميرتك الخاصة و لبستها شيء ضد الماء ... والا المدرب عنده كاميرا خاصة و باع لك الصور؟
و سؤال اخير.... ممكن تقول لنا اسم الفندق اللي سكنته في كيرنز و كيف تقيم مستواه؟
مشكور اخوي محمد على هالتقرير و الصور


خصم يصل إلى 25%