بخصوص الشقق انا ما عندي فكرة يمكن الاخوان يقدرون يساعدونك
اما المولات عندك
الستي سنتر
مجمع السيف
مجمع الدانة
مجمع البحرين
هذي افضل المولات عندنا وفيها تحصل المطاعم المعقوله و ايضا الغاليه نوعا ما
ان شاء الله قدرت افيدك و اي شي ثاني تر حاضرين لك
تحياتي

ابو فطوم
طيب ايش افضل مول بالسينما ولازم تدفع التذكره قبلها بوقت ولا قبل ماتدخل عادي..
والله يعطيك الف عافية ابو فطوم..
وياليت الاخوان يفيدونا بالشقق..

اهلين اخوي الجفير مليانه شقق وتقدر تختار اللي يناسبك بالسعر والنظافه
وبخصوص السينما عندك السيتي سنتر افضل شئ وتقدر تاخذ التذكرة قبل الفلم بوقت تحجز مكان
وقبل الفلم ب5 دقايق تدخل
واتمنى اني اكون افدتك

1. بالنسبه للفنادق انصحك بالسكن في مجموعه اليت وعددها خمسه فنادق تقريبا وهي عائليه ونظيفه وسعرها معقول اما ان كنت من عشاق الشاليات عندك النوفتيل فندق ممتاز ومطل على البحر
2.الاسواق هناك المجمعات التجاريه واشهرها سيتي سنتر وهو الاحدث طبعا ومجمع السيف ومجمع الدانه
هناك مجمعين ولكن لايحتويان على سينما ولكن يبيعون الملابس الفخمه وهم مودا مول (مجمع الشيراتون) ومجمع العالي واذا كنت من عشاق الاسواق الشعبيه عندك البوكواره في الرفاع والسوق الايراني في مدينه عيسى وسوق المحرق
3. بالنسبه للمطاعم هناك عده مواضيع كتبها الاعضاء الكرام ومنها موضوعين كتبتهم وهم
افضل مطاعم البحرين من جاني خبر افضل المطاعم من جاني خبر( الجزء الثاني..) https://artravelers.com/p/re/297528
وانصحك بالتوجه الى شارع الشيراوي في العدليه وخصوصا ليلا فالشارع يزخر بالمطاعم والكافيهات الجميله
وهناك مطاعم اخرى جميله في السيتي سنتر مثل بوتشر (ستيكات ) وافي غورميه (لبناني) توتالي فيش (بحري) كافيه ايتاليا (ايطالي) ومطاعم تقليديه مثل شيليز وفرايديز
4. هناك مدينيتين مائيتين واحده في الصخير (جنه دلمون المفقوده) وواحده في الستي سنتر( واهو) بالاضافه الى مدينه عين عذاري (ملاهي) كما يوجد سيرك مقابل النادي الاهلي
5. بالنسبه للاماكن التراثيه هناك عده اماكن ومنها متحف البحرين الوطني وبيت الجسره وبيت القران
6. اذا كنت من محبين الحدائق فهناك دوحه عراد في المحرق وحديقه النباتات وهي جديده في البديع بالضافه الى ذلك توجد محميه العرين في الصخير وفيها بعض الحيوانات الاليفه
ارجو ان اكون جاوبتك على بعض اسئلتك
تقبل تحياتي اخوك جاني خبر

الإكوادوري
يعطيك الف عافية,,
تحياتي لك..

جاني خبر
يعطيك الف عافية اخوي راجي خير بصراحة كفيت ووفيت..
تحياتي لك..