الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
lonly travel
18-10-2022 - 01:56 am
السلام عليكم
كيف الحال ودي اعرف اماكن بيع اسماك الزينة في الكويت
ومكن تدلوني على الأماكن الكبيره واللي ممكن اشتري منها بالجملة؟؟؟؟؟؟
ولكم الف الف شكر


التعليقات (9)
كويتي1968
كويتي1968
سوق الطيور والاسماك منطقة الري عند سوق الجمعه خلف المشاتل كل يوم مبطل من الصبح الى 8 بالليل
يوم الجمعه والسبت ناس وايد يبيعون هناك وتحصل اشياء عجيبه وغريبه انواع الاسماك والضفادع والتماسيح والثعابين واشياء وايد

kfu410
kfu410
شكرا أخي كويتي 1986
بس منطقة الري وين بالتحديد ؟؟؟؟
ولك جزيل الشكر

lonly travel
lonly travel
شكرا عزيزي كويتي
6ومنطقة الري هي نفسها اللي فيها مجمع الأفنيوز صح والا لا؟؟؟

Q8i_Cute
Q8i_Cute
الافنيوز بالري صح .. لكن سوق الطيور بعيد عنه شوي .. امسك طريق الدائري الرابع باتجاه الجهراء لحد ما تشوف على يسارك المشاتل ،، السوق بظهر هذه المشاتل يعني ارجع ريتيرن وادخل بين المشاتل وحياك الله

كويتي1968
كويتي1968
صح كلام اخوي كويتي كيوت .

سانيدي
سانيدي
اخواني الكويتيين مشكورين كل الشكر بصراحه حبايب وقلوبكم طيبه وايد عساكم ذخر ماذكر سألت والا سأل احد غير الا وبسرعه تجاوبنه الله يعطيكم العافية ياهل الكويت العزيزه على قلوبنا الله يحفظها ويحفظكم ويوفقكم لما يحبه ويرضى امين
احب اقول لكم يااهل القلوب الطيبه الشكر شوي والله بحقكم الله يبارك فيكم وفي دولتكم ويزيدنا واياكم من خيره ويسبغ علينا نعمه وأمنه امين تكفون رساله من محب لكم فحواها الورد والياسمين تبلغوا سلامي واشواقي إلى أخيي الحبيب المذيع الناجح الرائع الاستاذ/ ناصر الورع وشاعرنا الكبير أبو بندر الاستاذ طلال السعيد تكفون تكفون تكفون
اخوكم ومحبكم ومغليكم
عبدالرحمن التميمي
السعوديه

اصول2
اصول2
سانيدي
مشكور اخوي على كلامك العذب والجميل ,اللهم آمين على كل دعوة دعوتها بحق الكويت عزيزي

سانيدي
سانيدي
أختي اصول 2 والله انك اصول بجد بسرعة ردك كلك ذوق وكلام احسن واعذب وانتم السباقين بالاسلوب الزين والكلام العذب ولكن انا قول كلام من القلب اتمنى انه يصل القلب.
اختي اصول تمنت انك قلتي ان في ناس يعرفون احد الاستاذين اللي ذكرتهم واخليه يسلم لك عليهم فهي محبة صادقه لجميع الاخوان والحبايب الكويتيين عامة وخاصة الاستاذين اللي ذكرتهم مع اطيب تحية وازكى سلام لكم جميعاً يادرة العز الله يحفظكم امين

اصول2
اصول2
الله يسلمك من الشر ويعزك ويحفظك بعينه اللي ماتنام ويسهل طريجك ويرحم والدينك في الدنيا والاخرة وانت حييتنا بتحية وواجب نحييك باحسن منها .والله ياخوي لو اني اعرف هالاستاذين معرفة شخصية او أحد يعرفهم والله من عيوني تبشر بعزك وسعدك ماأقصر بس عسى الله يحقق مرادك بعيال الحلال اللي يعرفونهم ويوصل سلامك باقرب وقت واعتبر سلامك واصل وابن حلال واشكر شعورك النبيل مرة اخرى


خصم يصل إلى 25%