نشر في الكويت

استفسار من الاخوات الكويتيات

قطرة _مطر

27-10-2022 - 11:01 am

السلام عليكم ورحمه الله وبركاته
نويت اروح للكويت في اجازه العيد ان شاء الله وهذه اول زياره لي للكويت وعندي صديقات بس ما اعرف شو اشتري لهم من هدايا انا اماراتيه وابغي اعرف شو اكثر الاشياء اللي الكويتيين يشترونها من الامارات عشان اشتريها لهم كهدايا اتمني انكم تفيدوني يزاكم الله خير

التعليقات (9)

Q8i_Cute

27-10-2022 - 02:10 pm

اسمحيلي باللقافه ... اتوقع بخور وملافع

fox.y2222

27-10-2022 - 03:11 pm

اتوقع الجلابية ( وجهة نظر )

landcruise

27-10-2022 - 04:12 pm

اعتقد حلويات ودرابيل
محل " هيل وزعفران "
ولقيت قبل كذا موضوع عنه
و حسب ماقريت فيه فرع له بالمطار
حلويات لذيذه وشكل يشرف كهدايا

عسل سدر

27-10-2022 - 05:13 pm

انا سعوديه بس دايم اجي الاماارات واجيب هدايا جلابيات وزعفران >>> هذا المعروف عن الامارات

قطرة _مطر

27-10-2022 - 06:14 pm

اشكركم على الرد خواتي
ام الملافع يعني الشيل ؟؟؟ صح ههه
ام فكره هيل وزعفران حلوه والبخور ما ادري اي نوع من البخور يحبون هل العود المعطر اولا البخور العادي لاني اذكر يوم كنت في امريكا وحده قالت ما احب الدخون الاماراتي بس ما ادري هل كلهم ما يحبونه ولا هي بالذات
بعد فكرت الزعفران حلوه وفكرت فيها
الجلابيات اعتقد ان جلابيات الكويت احلي وارقى وعندهم بكثره
في انتظار اقتراحاتكم خواتي

بيت الكويتى

27-10-2022 - 07:15 pm

اختى الكريمة كونى متزوج اكثر البنات الى يحبون هدايا من الامارات الدهن عود والبخور والزعفران

Q8i_Cute

27-10-2022 - 08:16 pm

عليج نور الملافع هي الشيل .. اما بخصوص الدخون الاماراتي بدون زعل فعلا اغلب بناتنا ما يحبونه .. الافضل البخور العادي ( العود ) ودمتي

bint elQ8

27-10-2022 - 09:17 pm

و عليكم السلام و رحمة الله و بركاته
حي الله اهل الامارات
اختي الغالية .. ابتعدي عن البخور المعطر .. الغالبية ما تحبه (نستخدم معطر بس شغل الكويت ) لكن الاشياء المميزه عندكم وايد خصوصا الملافع (الشيلة) الكل يوصي على ملافع من دبي ههه و البخور العادي .. في عطور شرقية ما تكون موجودة عندنا و انواع طيب و دهن العود .. عموما اي شي من القلب يوصل للقلب .

كويتي1968

27-10-2022 - 10:18 pm

انا ابي هديتي رهش معجف من محل في ابو ظبي قريب من مجمع زايد وايد حلو مو موجود بالكويت واذا ماكو مو مشكله دهن عود.
اتغشمر حياكم الله بالكويت واحنا بخدمتكم

الكويت المسافرون العرب

استفسار من الاخوات الكويتيات