البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الذيب الوفي
01-12-2022 - 07:50 pm
  1. بسم الله الرحمن الرحيم

  2. حياكم الله اخواني واخواتي من اعضاء وزوار


بسم الله الرحمن الرحيم

حياكم الله اخواني واخواتي من اعضاء وزوار

بعد زوال الامطار والثلوج والضباب وارتفاع درجه الحراره الى 28 درجه واعتدل الجو ...... والعكس صحيح ههه وفي يوم الجمعه الموافق 7/11/1431ه اجتمع الاحبة من كل مكان ( البحرين / الدمام/ الاحساء في ضيافة اهل العيون في المزرعة مقر التجمع الدائم
بناء على راي الاغلبية كان العشاء !!!!!!!!!!!!!!
( مندي هامور )
للمعلومية راح يقتصر التقرير على العشاء فقط دون التطرق لاي امور خارجية
قبل ما نشوف الصور نبي كل واحد يدخل يقول ما شاء الله تبارك الله وعليكم بالعافية
منظر عام للجلسة

شب النار وعلى قولة الشاعر النار من شبابها

الاستعداد للكشف عن هوية المجنى عليه ههه

جاهزين نشوف بسم وخلونا نشوف من عده اتجاهات
للمعلومية الهامور محشي بالربيان والزبيب وخلافه ام شي خيال

الهامور ومعه كم سمكه صغيره

والحين الجمر شبه جاهز وباقي ترتيب الرز والشباب ما قصروا الله يعطيهم العافية
نشوف لان الصور ابلغ من الكلام
البصل / الطماط / الليمون الاسود / فليفله/ كسبره ....الخ

اضافة الماء والرز ..... ودك تاكله وهو كذا ههه

خلاص التنور صار جاهز والحين للمرحله قبل الاخيرة
تنزيل القدر في التنور

منضر علوي ختامي للقدر

والحين دور الهوامير ..... مانبي كلام نبي نشوف صور
طيب طيب بشويش بدون هواش
تفضلوا

وداعية يا اخر ليله تجمعنا وداعية
والحين ننقل الهوامير للصحن المخصص لذلك

كل شي تمام يالله نزول اجباري في التنور

كل شي تمام والحين تغطية التنور بالقصدير وبعدها الغطاء الحديد الصغير والكبير وتغطيهم بالبطانية ( البطانية يتم تغطيسها بالماء قبل وضعها على التنور )

يالله مشينا نسولف وناخذ الاخبار ونتناقش في مستقبل الامه العربية والاسلامية
بعد ساعة بالضبط على توقيت العيون تم الاتجاه للتنور
ازالة البطانية ويظهر الغطاء الحديدي الكبير وبعده الغطاء الصغير

يالله جاهزين بسرعه شيل القصدير دخنا نبي ناكل ههه

قولوا ما شاء الله تبارك الله ولا ما اطلع الصور
الهوامير ميه الميه وتظرب في المخيخ

نشوف الرز وش صار عليه

تمام والله ودي انزل بدل بس اخاف تفقدوني ههه
يالله شباب شدوا حيلكم وطلعوه

خلاص الجماعة واصلين حدهم والكل شغال تصوير حتى ان الهامور قال اقول جايبيني تاكلوني ولا تصورون معي ههه قلنا سم طال عمرك واسفين
والمرحله النهائية والشباب شغالين الله يعطيهم العافية
وضع الرز في الصحون

هاموري هاموري لابس بدله صوفي ..... خلاص ضاع مع الاكل
وضع الهوامير على الصحون

لا مانع من بعض الحشو والمرقه

لقطه للابطال الثلاثة

تجهيز السفر استعداداً للحرب الاهلية

كل شي جاهز ولاحظوا وجود مرقه هامور طعمها ام مدري وش اقول

تفضلوا حياكم الله

الحين نشوف المعركة كيف دارت ولمصلحه من انتهت قولوا ما شاء الله

كان فيه واحد اسمه هامور الله يرحمه

العامور الفقري للهامور ههه

اخر لقطه للسفره

اللهم ادمها نعمة علينا واحفظها من الزوال
وفي الختام اشكر كل الاخوان وبدون ذكر اسماء واشكر مصورنا العزيز على توثيق الجلسة الجميلة والدعوة مفتوحه للجميع لزيارتنا في أي وقت


التعليقات (9)
M E D A N
M E D A N
موضوع رائع ومرتب مشاء الله عليكم
بالعافية عليكم أعجبني جدا طريقة العرض وكذلك التعليق
تسلم يديك......أن شاء الله نشوف لك مشاركات جديدة

soud321
soud321
ماشالله لا اله الا الله
عليكم بالعافيه
و الله جعت من الصور
يعطيك الف عافيه
و الله لا يفرق هالجمعه انشالله

حسام 2000
حسام 2000
ما شاء الله تبارك الرحمن ، شغل عدل ومرتب ، وصور رائعة
بس باقي التتبيلة الموجودة على السمك قبل الطبخ مما تكونت
تسلم الأيادي ويعطيك ألف عافية ...

This is my trip
This is my trip
ما شاء الله تبارك الله
شغل حساوي مرتب

violetq8
violetq8
ما شاء الله تبارك الله
يا الذيب طبخ صح والان ان اشوف التقرير و انا شبعان و الحمد الله
و الهوامير لا يعلا عليها باطبخ و تعدل الجو بانخفاض درجة الحرارة 28 جو حلو و تجمع الاهل و الاصحاب
و محشي ربيان يا سلام باعافية

كل حزني
كل حزني
مشاء الله على الهامور شكله اكبر من المفطح خ
تسلم يدك على النقل الجميل يالغالي

نجمة النجوم
نجمة النجوم
ام روعة وهذا بعض الصور ماطلعت ... يعطيك العافية...

محب الخير
محب الخير
شغل عدل ماشاء الله ..الخبرة تلعب دور في التتبيلة و قليل ما نشوف هالتنوع .. هامور محشي بربيان .. عليكم بالعافية و تم إرسال رابط الموضوع للشيف ( ....... ) لتنفيذ الفكرة في القريب العاجل .. مشكور

خالد ابو مشاري
خالد ابو مشاري
ما شاء الله تبارك الله وعليكم بالعافية
شغل مرتب ورائعه طريقة السمك بالتنور
تسلم ع النقل الرائع
تحياتي


خصم يصل إلى 25%