افريقيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الزبير
17-12-2022 - 05:00 pm
السلام عليكم ورحمة الله وبركاته
بصراحة ودي استأجر سيارة في كيب تاون
هل من الشروط لابد يكون عندي بطاقة ائتمانية ؟
واذا كان عندي مسبقة الدفع ( بطاقة البنك الأهلي ) تنفع والا ؟
وكم المبلغ اللي لازم يكون في البطاقة ( هذا أهم شي لأن ممكن احطلهم بالبطاقة الف أو الفين ريال بالكثير ما أقدر اكثر ) ينفع والا ؟


التعليقات (9)
foxx109
foxx109
شروط استئجار سيارة بجنوب افريقيا :
  • بطاقة ائتمانية (محفورة الارقام)
  • رخصة قيادة مترجمة
  • جواز سفر
  • حجز مسبق (يفضل)

بالنسبة للمبلغ اللي يكون في البطاقة لا بد ان يغطي قيمة الايجار كامل + التأمين
وبدون بطاقة الاتمان لن تستطيع الاستئجار الا بصعوبه بالغة جداً ونادراً ...
وفقك الله ...

موظف
موظف
بالنسبه للموقع انالقيت موقع رخيص ومتعاملين مع هيرتز مباشره
وفيه تامين شامل وكيلوات مفتوحه بس مثل ماذكر اخونا فوكس لازم بطاقه ائتمانيه تكون كافيه ويكون رصيدها يغطي التامين والحجز
الموقع هو http://www.tempestcarhire.co.za

الزبير
الزبير
بارك الله فيكم كفيتوا و وفيتوا ما قصرتوا
بس الظاهر ما راح استأجر لهذا السبب
بطاقه ائتمانيه تكون كافيه ويكون رصيدها يغطي التامين والحجز

موظف
موظف
ياعزيزي المساله بسيطه ليش مكبرها السواق مع التكاسي غالي
والاسهل ان بطاقه مسبقة الدفع تشحنها بالمبلغ اللي بتستاجر فيه يعني تدخل الموقع وتشوف كم المبلغ اللي بتحجز به ثم تشحنها به بالمبلغ قبل ماتحجز واذا بغيت تسافر تشحن مبلغ اضافي يعني الف ريال علشان يججزون المبلغ تامين اضافي لاني لو بتدفع التامين بيدفعونك اكثر
وتقبل تحياتي

الزبير
الزبير
أخوي موظف الله يعطيك العافية
كلامك خلاني ارجع أفكر باستأجار سيارة
بس ياليت تقولي
وشو السيارة اللي استأجرتها؟؟ وكم المدة؟؟
وكم كلفتك؟؟
وكم المبلغ اللي طلبوا منك كتأمين؟؟
لاحرمت الأجر

موظف
موظف
بالنسبه للسيارات عندك من 200 ريال لليوم وانت طالع وعلى حسب نوع السياره اللي انت تختاره اختر المده وبعدها يطلع لك انواع السيارات وموصفاتها بس اهم شي شف المكيفه ولاتنسى فيه عادي وفيه اتوماتيكي بس انا اخترت اتوماتيكي خبرك الدركسون يمين عكسنا يعني ماينفع عادي وللمعلوميه المبلغ شامل التامين وبالنسبه للمبلغ اللي لازم يحجزونه ماتكلمو عنها بس اغلب الشركات مثل ماذكرو الشباب انهم يحجزونه لين تسلم السياره بس مايتجاوز 1000 ريال
وانت اكتب لي المده وممكن اقولك السيارات الموجوده
تحياتي

foxx109
foxx109
الافضل تكون سيارة اوتوماتيك وصغيرة عشان استهلاك الوقود ...
موفقين يا شباب ..

الزبير
الزبير
الله يجزاكم الجنة ما قصرتوا
أخوي موظف ربي يسعدك ويبارك فيك
تسلم على نصيحتك
أخوي فوكس ربي يسعدك ويبارك فيك تسلم على نصيحتك
الله يوفقكم اللي احتاجه سيارة صغيرة مكيفة و اوتوماتيك ( كم تكلف )
ربي يحفظكم
إذا ممكن طريقة الحجز من الموقع بالتفصيل

الزبير
الزبير
أخوي موظف ودي أستأجرها لمدة 7 ايام
بانتظار ردك
الله يعطيك العافية


خصم يصل إلى 25%