الجزر السياحية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
I Love 90s
16-12-2022 - 10:42 am
التقرير راح يكون دفعه وحده يعني منتب مضطرين تشيكون كذا مره عشان تشوفون رد ومع صور جديده
وطبعا الصور راح تطول ماتطلع فيبلكم عاد تطولون بالكم وتتنظرون الين ماتكتمل
رحلتي لموريشوس كانت مدتها 8 ايام قسمتها على منتجعين كل واحد فيهم لمدة 4 ايام..
الاول الماراديفا ونزلت تقرير عنها وقضينا منها
والثاني الأوبروي بمنطقه بوينت أو بيمنتس موقعها شمال غرب جزيرة موريشوس.
المنتجع صراحه اكثر من رائع وخاصة الفله اللي اخذتها مواصفاتها كانت هي الاعلى من بين كل فلل المنتجع فيه
الفلل 3 مستويات فله مع حديقه
وفله مع حديقه ومسبح خاص (اللي اخذتها)
والفله الثالث البريزيدنتال لكن سعرها نار ياحبيبي يانار
المنتجع عباره عن فلل ومطعم واحد كبير مقسم خارجي وداخلي
وبار ومسبح عام ومطعم بجوار المسبح فاتح فقط للغداء
وسبا ونادي رياضي
اللي يميز الاوبوروي عن باقي كل المنتجعات هو التصميم والديكور
واكثر شي يميزه هو كثرة التماثيل والاصنام
بالغرفه بالممرات بالمطعم لازم تشوف لك صنم وتمثال
لدرجه اني حسيت اني قاعد بديار قريش
ماناقص الا يجيبون ابولهب وابو جهل وأميه ويحطونهم بالبار وتكتمل ديار قريش لاراحت ولا جت
وراح تلاحظون هالشي بالصور
طبعا الاكل والوجبات هناك جدا جدا لذيذه والذ اطباق اكلتها الهنديه المسالا والكاري واكلات هنديه وطبق مره سووه لحم غزال لونه بني وقاسي لذيذ لكن دسم كان
وزي ماقلت لكم نظام الوجبات عندهم بالمطعم وقت الغداء والعشاء هو ال a la Carte
استقبالهم وترحيبهم لنا كان مفاجيء عارفين الاسم وعارفين من وين كنت جاي وجابوا الموخيتو والمناديل ثمن عاد جا المدير السويسري بكبره وجلاله قدره مارك دينتون رحب فيني وعزمني بالكوكتيل بار وقبلت عزيمته عالمغرب وجيت وكان معنا برضو ناس جايين بنفس اليوم
وهذي صورته
قبله هناك مناطحني وانا طالع وانا داخل دايم اشوفه هلو مستر تامر هاو ار يو تودي
اللحين اترككم مع الصور
  • الرد الاول اللي هو هذا صور عامه لكل المنتجع مع شوية صور لقطتها للمطعم الصباح
  • الرد الثاني صور الفله كامله
  • الرد الثالث المسبح والشاطيء

هنا واقف بنص المنتجع
الممرات المؤديه للغرف
بوفيه خفيف افطار
حتى الضواطير معمول لها مجسمات
جلسات المطعم الرئيسي
البار كوكتيل (جلستنا مع مارك كانت بالنص )


رحلتي الى الجزر السياحية
التعليقات (9)
I Love 90s
I Love 90s
الفله طبعا مع مسبح خاص رقمها كان 111
موقعها قريب من البحر لكن اشوفها من بعيد

الممر ومدخل الفله

وجبه ترحيب عصير برتقال واناناس وسناك جمبري وسالمون وحركات
يوميا بعد العصر يقدمونه ويجيبونه لي بالغرفه

شفتوا التمثال اللي واقف هناك ياكثر مايروعني في الليل وانا بالحمام

طبعا هم ماعندهم نظام الزر والاضاءه تبع عدم الازعاج او تنظيف الغرفه
عندهم هالمجسمات كل مجسم محدد عليه عدم الازعاج وتنظيف غرفه وخدمة الغسيل واعلقهم عند الباب

هب على هالبراطم

المسبح اكبر من الغرفه كلها

بهالصوره اعتقد انه اتضح موقع فلتي من عند البحر

طاولة اكل فوق المسبح ماستفدت منها ابد

مالي دخل هم جابوه لي

I Love 90s
I Love 90s
اللحين نجي للجزء الاهم والاحلى بالنسبه لي
الشاطيء والمسبح
طبعا موقع المنتج هو غرب موريشوس يعني عند غروب الشمس
منظر الغروب هناك ما افوته
احلى من غروب الشمس بCafe Del Mar ايبيزا (اسبانيا) مع اني مارحت بس كذا من الصور حسيتها افضل

شوفوا كيف تصميم الدش عند المسبح

شاطيء مقابل المسبح تعودت هناك اشوف شايب ايطالي وزوجته
ويضحكون ويحضنون بعضهم ماقال لها يالمعرعره ضفي وجهتس وراح اعرس على وحده اصغر منها قمة الوفاء اناظرهم دايم واتبسم
طبعا كيف عرفت انه ايطالي لان رحلتهم كانت معي بالعوده لدبي

يالله

chillout and relaaaaaaaaaaaaaaxing

باح
وخلص التقرير
ونلتقي بكم انشالله برحلات وتقارير اخرى السنه الجايه

senator890
senator890
مشكور على التقرير اخوي
كيف الجو هناك بشهر واحد هجري
وبكم اخذتمنتجع اوبروي اخوي ( اليوم بكم
وبكم اخذت منتجع ماراديفا
ولك تقديري الخاص على الموضوع والله يكثر من امثالك

الايماان
الايماان
تقرير أكثر من رائع ومناظر في قمة الجمال

غلا الإمارات
غلا الإمارات
تقرير رائع عن منتجع خيالي ولا فالاحلام ^_*
الصراحة من زمان كنت انتظر تقرير بعدسة اعضاء المنتدى عن هالمنتجع
و انت ما قصرت جزاك الله خير حطيتلنا تقرير جامع مانع >> الاخت
قانونية متأثرة :d
بس ما خبرتنا اخوي كم سعر الفيلا ؟ و في أي شهر كنت مسافر ؟
احلى شي ام براطم حبيتها الصراحة ههه
الله يعطيك العافية و تسلم ايدك على هالابداع

ابوفهد202
ابوفهد202
تعليق كان الأحلى يا أي لف 90
خاصه مالي دخل ههه
ولا حقت العجوز وزوجها
الاقوى حقت الضواطير وع الله يحوم تسبد العدو ..
بس بصراحه يالحبيب واش احسن هي ولا نفود دوار العويضه والغروب عند طعس التحدي واو
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
التقرير مره رائع
واتمنى زيارة هذه الجزيره قريبا
لكن بعد زيارتي لدولة التشيك اللي صاجني فيها ابوصالح
ابوصالح هذا زميل لي في العمل اخوه يشتغل في الملحقيه او السفاره هناك
ويقول تعال للتشيك .. انواع التهميز
قبل مااروح
تقرير حلو ياحلو

hbk5555
hbk5555
تقرير رائع عن منتجع خيالي ولا فالاحلام ^_*

bint elQ8
bint elQ8
ما شاء الله المكان روعة .. تقرير جميل لمكان اجمل !!

hamoorh
hamoorh
المكان رهيب والصور احلى واحلى


خصم يصل إلى 25%