أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم
للاسف اخي ولا مرة جربت او شفت اي واحد فيهم على الواقع .. لكن سبق ان قرأت تقرير هنا عن بلازا اثني و كانو يمدحونه ...
اللي قدرت اسويه لك اني بحثت عن الاثنين .. دخلت موقع كل وواحد فيهم .. اثنينهم جدد .. أو مجددين ..
بلازا شكل الغرف حلوة و خصوصا الاعلى مستوى .. و شكله نظيف .. و موقعه لا باس به .. خلف مجمع المنار السكني .. مجمع المنار يطل على شارع الخليج العربي .. و قريب من الدائري الثاني .. يعني سهل انك تروح السالمية مجرد انك تاخذ شارع الخليج و قرأت ملاحضات اللي سكنوا فيه اغلبها مشجعة .. طبعا هالملاحضات من موقع بوكنغ
اما هوثورن .. دخلت موقعهم الالكتروني .. حسيت انه لا باس به .. لكن ما حبيت الموقع ابدا !! هو على شارع زرقاء اليمامة في حولي .. خلف شارع ابن خلدون و قريب من شارع العثمان .. الصراحة مو خوش موقع !! قمة الزحمة و المنطقة تجاريه و ابدا ما احس تنفع و بتجي في ويك اند يعني الله يعينك .. و لما قرأت ملاحضات النزلاء على بوكنغ تخوفت منه !!
و ان شاء الله في احد عندة تجربة يقدر يفيدك .. لكن نصيحتي لا تسكن في هوثورن
