المطعم الثاني
اسمه باسيج ترو انديا
معناته ( ممر عبر الهند)
مطعم رائع (( لكن يظل بومباي بالاس بالمقدمه)) بس ما يقلل من روعة هذا المطعم
وان شاء الله اذا لي زيارة لكوالا مره ثانيه ضروري امر عليه
القائمين عليه ماليزيين من اصل هندي فتجد اختلاف بالطعم لنفس الطلابات
حاصل ايضا على ستيكر حلال
اسعاره اقل من بومباي
الطلب الواحد صغير جدا ونبهنا على ذلك القرسون بان نكثر من الطلبات لان يجيك الصحن صغير وطلع صادق
فطلبنا 3 طلبات رئيسية و2 طلب برياني و2 خبز نان 4 مشروبات طلعلنا ب 150 رينقت
الموقع تقريبا بالجهه الاخرى لمطعم بومباي بلاس
((وهذا ناقلته من موقع اخر ))
ويقع المطعم بالقرب من السفارة الكويتية فى شارع تن رزاق ، والمطعم حاصل على عدة جوائز تقديرية من وزارة السياحة بأعتباره أفضل مطعم فى كوالالمبور لعدة سنوات متتالية

حلو بس وين الصور ؟!!

يالله حيه
والله انا ما اصور اطباق وجمادات للأسف ما اصور الا عيالي
وما كان في بالي اكتب عنها
بس حبيت افيدكم لانها مميزات بصراحة
وان شاء الله اصير جايبه شي جديد
وعندي ملاحظات على فندق ان شاء الله بكتب عنه

احب الاكل الهندي
بس ليتك حطيت الصور مثل ما اشارالقدير
المغادرون

شفت تقارير واعضاء يمدحون في فندق بولمان بوتراجايا pullman putrajaya lake side
فقلت ضروري ان شاء الله نمر عليه ونشوفه
فكانت النية الذهاب الى الفندق + الغداء في احد مطاعمه
المهم وصلنا الى الفندق كان كبير وكبنى حلو ومتعوب عليه بس بنظري على كبره الا انه فاضي
قال زوجي انا بنزل تحت للبحيرة وكان الوقت شديد الحرارة قلت اجل انا بدخل جوا باخذ لي قهوة لاني ماتقهويت
صعدت بالمصعد واشوف مطعم عندهم بوفيه وادخل ويستقبلني مدير المطعم قلتله اني انا ما ابغى اتغدى ما ابغى الا قهوه
قعد يفكر لحظات وبعدين قال اووكي ((بمنه بعد)) وجلست
عطاني المنيو وجاني القرسون طلبت كابتشينو راحت وحاكت المدير نفسه اللي دخلني ورجعت لي تحط نفسها غبيه قالت انتي تبغين بوفيه ولا طلب من منيو !! قلت مو انا قلت لك كابتشينو قال اهاا اوكي
حسيت نفسي غير مرحب فيها قلت يله نمشي
المشكلة ان المطعم فااضي مافيه الا 3 طاولات 2 يتقهوون وطاولة واحدة يتغدون ما ادري ليش هذا الاسلوب
قبل ما اطلع قلتلها خلاص كنسلي الكابتشينو قالت ها بكلم المدير جاني المدير وكأنها قضية عظيمة قلت خلاص كنسلوه قال طيب... وانا لسى ماطلعت وعيالي وراي قالي استني نسيتي عيالك !!!!
يستظرف الاخ .. انا طارت عيوني ماعرفت ارد وشو نسيتي عيالك
طلعت منقرفه الا زوجي بوجهي قصيتله الموضوع قال يووه تطاقيتي معهم حسافة كان ودنا نتغدا عندهم
خ اجمل رد
دخلنا اللوبي عشان نتقهوى جلسنا وجلسنا وجلسنا واشرنا ماحد يرد والكل اصمخ سبحان الله قمنا عندهم نطلب وبغينا حلى قال الحلى هناك في الثلاجه تختارون رحنا نختار وهنا المصيبه !!!!!!
عيالي قالو حنا نبغى مافن بس مانبغى النمل اللي عليها انا ما سمعت كلمتهم زين
ويأشرون عليها ولا صدق جوا الثلاجة حقت العرض مافن ومتكتل عليه النمل وع وش ذا الوصخ
قلنا لا خلاص كذا كفاايه ونضف عفشنا ونمشي

منورة روز
ابشري ان شاء الله اذا قدرت في المره الجايه

الله يعطيك العافية على وصفالمطاعم الهندية
واشكرك على ملاحظتك عن الفندق

مشكوره لكن تمنينا فيه صور

السلام عليكم ورحمة الله وبركاته
يعطيك العافيه معلومات قيمه تهم أصحاب الكروش
وبالنسبه للمفن مايصلح إلا بنمل
مشكلة فندق pullman putrajaya موقعه فاضي ولا حوله شي
ولا الفندق فخم ولكن مايسوي اضيع يوم او يومين في منطقه مافيها شي
الف شكر