- اخواني الكرام
تحذير هام وخطير من محل تأجير السيارات
( آي درايف لتأجير السيارات - I Drive Rent A Car )
اخواني الكرام
دائماً ما تكون رحلاتي القصيره انا والاسره الى دولة البحرين الحبيبه والاسباب كثيره لقربها وجمالها ووسائل الترفيه والمتعه للاسره ..
المهم سافرت انا وزوجتي للبحرين هذه المره بالطائره الرياض - المنامه وعند الوصول لمطار البحرين توجهت لمحلات تأجير السيارات وكانت المحلات بجانب بعضها والسيارات الصغيره مسحوبه اغلبها منها وقعدت اتمشى في المطار المهم حصلت محل تأجير خارج نطاق محلات التأجير في في اخر الممر واسم المحل
( آي درايف لتأجير السيارات - I Drive Rent A Car ) وقدر الله علي واستأجرت من هالمجرمين والله يا اخوان استأجرت في اكثر دول العالم لم اجد اجرام وقله احترام مثل هذا المحل ( طبعاً لم يظهر ذلك الا بعد تسليم السياره )
اكمل .. قالو فيه سياره صني 2010 بيضاء ب 120 ريال خذتها 3 ايام واثناء استلام السياره جاني العامل حقهم يبغاني اوقع على ورقه استلام السياره دون التشييك قمت وقلت له يا حبيبي خل ندور على السياره لا يكون فيها اي دعمات او خدوش المهم وانا ادور معه توجد خدوش بسيطه لا تذكر بعضها يحط نقط على ورقة الاستلام وبعضها يخليها وانا بصراحه من واقع معرفتي في محلات التأجير اعرف انهم لا يدققون في ذلك المهم استلمت السياره وقضينا ثلاث ايام ولا احلى في البحرين واثناء رجوعي لتسليم السياره تفاجئت بأن اللي راح مديرهم الهندي يشيك السياره غير العامل الاول والذي اختفى جاء المدير يقول ان السياره مدعومه قلت له لا تكون وانت رايح تشوفها صدمت انت فيها . هذا وحتى الان ما رحت اشوف السياره .. قلت بروح اشوف وش صار رحت لقيت السياره ما فيها الا العافيه رجعت للمحل وقلت انت شايف سياره بالغلط قم ورني وش شفت في السياره جاء معي وقالي شف شف صدام قدام خربان والله يا اخوان مثل ما اقولكم مخش صغير جداً لم اعيره اهتمام انا والعامل اللي استلمت السياره رجعنا للمحل قلت السياره لا يوجد فيها اي مشكله قالي عطني 100 دينار واسلمك اثباتك بغيت اسوي جريمه بس طلعو خبرة اجرام الاثبات ماخذه العامل الثاني خارج المحل المهم قلت خلني اروح ابلغ شرطه المطار عنهم واروح للشرطه وبعد مرور اقل من ساعه نزل معي واحد من افرادها وهو المسئول واقدم له جزيل الشكر عبر هذا الموقع وراح وشاف معي السياره وقالهم عيب عليكم السياره ما فيها شي قالو لا يجي المرور ويشوفها المهم ان رحلتي بقي عليها نصف ساعه واحنا مستعجلين والعصابه محل التأجير عارفين ذلك ( خبرة تعامل مع العملاء المسافرين ) والشرطي حقد على العمال وقام يضغط عليهم في الاخير قالوا ادفع 250 ريال وعرفت ان موقف الشرطه مع العماله الهنديه ضعيف فهم محمين من جهه غير معلومه في البحرين وهذا افادني فيه احد المسئولين في المطار خدمات المسافرين حيث قال سبق وان فضحهم احد الزبائن على الانترنت وغيرو لوحة المحل وخلاص عطيتهم الفلوس ورحت انا وزوجتي وصورت المحل بسرعه وفيه العاملين المجرمين حتى لا يقع اخواني في نفس المحل .
المهم ولله الحمد استمتعت جداً في رحلتي بأستثناء الحدث الاخير
واشكر المواطنين البحرينين على تعاطفهم وتعاملهم الطيب ..
كيف انزل الصور ؟؟
مشكور على التنبيه