جنوب افريقيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
موظف
29-11-2022 - 02:31 pm
اخوي foxx109 ولجميع الاخوان تحيه طيبه
انا انشالله بسافر مدة عشرين يوم في نهاية شهر نوفمبر انا وزجتي بس بخلي 4 في مريشوس ثم اروح لجنوب افريقيا وبجلس 15 يوم ثم ارجع يوم لمريشوس
اول شي ابي نصيحتك اروح لجنوب افريقا وعن طريقها اروح لمريشوس او العكس وكم سعر التذكره من الجهتين
ثانيا انا مدري وش السالفه في جنوب افريقا ماعرف اسم المدن ولا اي شي وحتى مريشوس
ابي نصيحتك وابيك تقسم الرحله لي على كيفك وبالايام والفنادق اهم شي ووسيلة النقل هل احسن شي اخذ تاكسي والا استأجر سيارة ومعها قارمن والبرامج السياحيه اذا عندك خبر وانا بكون شاكر ومقدر تعاونك
ميزانيتي غير التذكره 30 الف ريال سعودي قابله للزياده لو تطلب الامر
وابي العمله الخاصه بجنوب افريقا كم تسوى بالريال السعودي
وتقبل تحياتي ولجميع الاعضاء الاعزاء
ملاحظه انا دايم اروح لامريكا اذا قلت لي خلك على امريكا ممكن اغير رايي


التعليقات (9)
foxx109
foxx109
اولاً حياك الله يالغالي وما يحتاج تذكر اسمي لاني حريص جداً على خدمة الاعضاء جميعاً
وان شاء الله راح اعمل قصار جهدي لعمل برنامج مناسب لك ...
الحقيقة فترة سفرك قريبة جداً ومن المفترض انك عارف معلومات عن جنوب افريقيا
وارشح لك قراءت هذا الرابط https://artravelers.com/p/re/373618
وباقي التقارير اللي راح تفيدك ...
اما بخصوص مريشوس فما عندي معلومات كافية عنها ولم يسبق لي السفر اليها ... وان شاء الله باقي الاخوان راح يفيدونك اكثر وخصوصاً في بوابة الجزر ...
جنوب افريقيا بلد سياحي عجيب وخصوصاً الكيب تاون والقاردن روت .. وكذلك الصن سيتي وديربان
ولا يمكنك الجمع بينهم برحلة واحدة لان الهدف غالباً الرحة والاستمتاع لا كثرت التنقلات التي ترهقنا ..
والافضل لك من خلال عدد ايامك الممتازة (15يوم) انك تزور (جوهانسبيرج والصن سيتي - الكيب تاون - القاردن روت)
ولا استطيع تنظيم البرنامج الا اذا عرفت الخطوط الناقلة ومحطة الوصول والمغادرة عشان نكون اكثر دقة لبناء البرنامج مع الاجابة على هذه الاسئلة التي دائماً اسئلها لتساعدني على تنظيم البرنامج :
  • الخطوط الناقلة .
  • محطة الوصول والاقلاع
  • تاريخ السفر للذهاب والعودة
  • الميزانية
  • عددكم
  • هل هو شهر عسل ؟
  • اي معلومة اخرى تساعدنا على عمل البرنامج (رغباتك)

والميزانية المرصودة من قبلكم ممتازة وكافية ... ولا تنسى ان فترة سفرك يعتبر هاي سيزون ..
وابشر يالغالي ولا تشيل هم راح نعمل البرنامج ونعدل ونحذف الى ما نوصل الى شي يرضيك
نحن بخدمتك ...

موظف
موظف
الله يعطيك مليون الف الف عافيه
اولا وقت رحلتي انشالله اليوم بحدده لك لان عملي ماعطوني الاجازه الا اليوم بعد جهد عظيم
اليوم بروح لمكتب الخطوط وبشوف اسعار التذاكر وانشالله برد عليك بالموضوع نفسه واعطيك جميع التفاصيل
بس اهم شي وش تنصح اروح لمريشوس وعن طريقها اروح لجنوب افريقا والا العكس

foxx109
foxx109
موظف
الحقيقة ما اعرف اي معلومة عن مريشوس عشان كيذا اعذرني .. بس مثل ما قلت لك اسئل في بوابة الجزر
يمكن يفيدونك بهذا الخصوص ... ولازم تعرف ان مريشوس غالية جداً وهي جغرافياً تقع بالقرب من جنوب افريقيا..
بالنسبة للخطوط من اي دولة عشان نساعدك بالبحث ...
وعن ذكرك لامريكا ترى التغيير مطلوب ...
انا في انتظارك ,,

موظف
موظف
انشالله بعد ماحجز اعطيك التفاصيل
تحياتي

نجمة النجوم
نجمة النجوم
الاماراتية تطلع لموريشيوس اجلس فيها كم يوم بعدين اطلع علي اير موريشيوس لكيب تاون وخذ لك فيها كم يوم مع زيارة القاردن روت 3-4 ايام وارجع علي نفس الطيران الى موريشيوس ووبعدين علي السعودية مع الاماراتية ،،او ممكن ترجع من كيب تاون علي اي خطوط للسعودية زي الاماراتية والاتحاد والقطرية والجنوب افريقية او علي الخطوط السعودية اذا حبيت انك ماترجع لموريشيوس مرة ثانية...

موظف
موظف
الله يعطيك العافيه
الحين طلعت فكره جديده بعد رسالتك

موظف
موظف
رحت لمكتب السفر وقال لي عن طريق القطريه والاماراتيه تبي تروح لكيب تاون او جوهانزبيرج وانا محتار وش رايكم
انتظر ردكم يالغاليين

الزبير
الزبير
الله يوفقك وييسر لك رحلتك على أكمل وجه
حلو إنك تجمع بين موريشيوس وجنوب افريقيا
نصيحة
1) ابدأ بموريشيوس
2) احجز لموريشيوس بكج ( تذاكر وسكن بفطور وعشاء وتوصيل من المطار للفندق ومن الفندق للمطار )
عن طريق عطلات الإمارات ( لأنهم أفضل من تحجز عندهم لموريشيوس في ظني )
3) واسأل عطلات الامارات عن بكج شامل موريشيوس وجنوب افريقيا
إذا سعره ناسبك فتوكل على الله
وإذا ما ناسبك بإمكانك تأخذ بكج من عندهم لموريشيوس ومن موريشيوس ترتب امورك بطريقة مستقلة عن عطلات الامارات
تختار الفنادق اللي تعجبك
4) إذا قدرت تزيد عدد الأيام بموريشيوس الى 8 أو 6 وتقسمها على فندقين واحد في الشرق و واحد في الغرب
بالتوفيق

موظف
موظف
  1. كيب تاون 6 ليالي

  2. جاردن روت ثلاث ليالي


الاخ الزبير يعطيك الف عافيه بس اليوم رحت لمكاتب الخطوط ولقيت التذكره الشامله عن طريق خطوط الاماراتيه بعشرة الاف ريال سعودي بالاضافه الى انه عندي رحله داخليه بين كيب تاون وجوهانزبيرج يعني بتصير رحله متعبه وغاليه شوي
الاخ fox والاخت نجمة رحتى لمكتب الخطوط لف راسي وقالي خليك على 16 يوم بدال 20 يوم في جنوب افريقيا وفعلا سويت الحجز بكتب لك التفاصيل الحين وابيكم تعطوني البرنامج ثم ندخل في التفاصيل الثانيه بخصوص الاماكن لو مافيه كلافه عليكم واذا الايام تحسون انها قليله عطوني خبر
  • الخطوط الناقلة .( الاتحاد الامارتيه)
  • محطة الوصول والاقلاع من الرياض لابوظبي الى جوهانزبيرج والعكس
  • تاريخ السفر للذهاب والعودة الذهاب يوم 27 نوفمبر والوصول بيكون يوم 28 والعوده يوم 14 المساء
  • الميزانية غير التذكره ممكن اوصل 30 الف ريال سعودي
  • عددكم انا وزجتي
  • هل هو شهر عسل ؟ لا مابي شهر عسل لاني لازم ابحبحها شوي اذا كانت شهر عسل
  • اي معلومة اخرى تساعدنا على عمل البرنامج (رغباتك)

المعلومات الاخرى وش رايك في رايي
جوهانزبيرج ليلتين

كيب تاون 6 ليالي

جاردن روت ثلاث ليالي

سفاري بس مدري اي سفاري لاني احترت وبتكون ليله او ليلتي على حسب ماتقترحون مع اني اشوف شي اسمه منتزه كروج الوطني ومادري وينه فيه يعني هل هو في جوهانزبيرج او كيب تاون الظاهر انها حلوه على كلام بعض الربع اذا ماني غلطان
صن سيتي ليلتين
العوده لجوهانزبيرج ليله استعداد للسفر
بتلاحظون اني نقصت يومين علشان ابيكم تنصحوني وفيه ديره اسمها دروبان اذا كانت على الطريق وحلوه ممكن امرها
تحياتي


خصم يصل إلى 25%