السلام فعليكم فاختى اول شى شسالفة الفا عندك اخبر لناس بعد كل كلمه يحطون مسافه مو حرف ف عموما البحرين ها الايام حر يعنى بالعربى ماتصلح ولا تقدرين تتحركين من الفندق بسبب الرطوبه القاتله لكن دامك مصممه ابعطيكى اللى يقدرنى عليه الله درجة الحراره فى البحرين ها الايام من 48 الى 45 انا اتكلملك لانى فى الدمام وعارف البحرين بالنسبه للفنادق حاولى تسكنين بفنادق خمس نجوم علشان تبعدون عن المناظر للى ماهى زينه زينه قدر الامكان وانصحك بالفنادق اللى بالمنطقه الدبلوماسيه مثل الدبلومات الهوليدى ان الخليج الريتز كارلتون تراها زينه واسعارها تقريبا من 400 الى 500 ريال وسمعت ان عندهم عروض ها الايام اقل بكثير المجمعات عندك السيف رهيب مره ومجمع العالى يبعد عن السيف 200 متر وبتلاقين فيهم كل ش مطاعم ملاهى معروضات عالميه وشعبيه وبتلاقين ها الايام فيهم برامج ترفيهيه من تلفزيون البحرين فى بعد مجمع يتيم والدانه والمارينا مول كلها زينه وانصحك تروحين باب البحرين رغم الحر والرطوبه لكن بتستانسين فيه لانه يصلح للتسوق واسعاره رخيصه مره ولاتنسين تشترين الحلوى البحرينيه من محلات شويطر وحاولى تبتعدين قدر الامكان من شارع المعارض مشاكله كثيره وما يصلح للعوايل بالمره انصحك تروحين للواجهة البحريه مقابل فندق الدبلومات بتلاقين فيها اماكن ترفيهيه ومطاعم حلوه مثل المقهى الشعبى وقرية الدولفين اللى فيها عروض للدلافين ومطعم وملاهى للاطفال وجلسات حلوه على البحر وبتلاقين هناك مرسى للقوارب تقدرين منه تروحين تسكنين فى جزيرة حوار وهى احسن مكان للعوايل تركبين اليخت يوصلك للجزيره وماتلاقين هناك الافندق اليخوت اللى توصلك تابعه له وفى ها الجزيره ملاهى والعاب مائيه وجت سكى وكل شى تبينه ومطاعم يعنى مكان رهيب لولا الحر ويتكفلون بكل شى من ساعة وصولك وانصحك تاخذين فاوتشر من المكتب على الجسر او تاخذين التذكره مباشرة من المرسى وودى تشوفين ها الجزيره لانى احس انك بستانسين فيها خاصة الجلسه فيها حلوه بالليل لان فيها عروض شعبيه محترمه للعوايل وفيها تشوفين الحيوانات والغزلان بدون شبك ولا هم يحزنون لان الجزيره عباره عن محميه طبيعيه اتمنى اكون افدتك لى قدر امكانياتى تحياتىلكاخوكابومضاوى

لايفتى والمعلم أبو مضاوي موجود
أعطي الخبز لخبازه ولو أكل نصفه.
تحياتي للجميع ويعطيك العافيه أبو مضاوي.

يعطيك العافية بومضاوي على المعلومات الحلوة

الأفضل السكن بالشقق المقابلة لمجمع السيف لأن المنطقة جديدة وابعدي كثر ماتقدرين من شارع المعارض
وزوري مجمع السيف والدانة مول وجيان مول والعالي ......

الاخت العزيزة الحلوة
اسعد الله مساءك ومساء جميع الاعضاء بكل خير
سوف تجدين جميع ما تطلبين عن البحرين في هذا الرابط
http://www.albahrain.net/arabic/default.asp
وتقبلوا تحياتي أخوكم
رياض

اسمه منامة تاور حلو ونظيف ومحترم وغرفة نظيفه وواسعه ( على خبري قبل سنتين تقريبا هلحين ان تغير لا تلوموني ) ومطل على البحر .
مقابل لمكان الحجز والمغادرة لجزر حوار
وفيه اسواق اللؤلؤة الظاهر اسمها كذا على شارع الملك فيصل

فندق منامه تاور لايصلح بتاتاً للعوائل ..
وأغلبيه فنادق شارع المعارض لا أنصح بها ...
في البحرين خصوصاً .. يافندق 5 نجوم . ولا لاتسافر البحرين ..
بومحمد

في البدايه بأقول ماشالله عليك يابو مضاوي
ماخليت لنا شي نقوله
على العموم أختي في منتجعات جديده إسمها
منتجع البندر
وتسوين الحجوزات عليها من الجسر نفسه
أول ماتخلصون دفع التأمين تلقون المكاتب على اليمين
وزي ماقال أبو مضاوي بغيت أقول
عليك بجزيره حوار حيث الهدوء والوناسه
وبالنسبه للمجمعات زي ماقالوا أخواني إضافه الى
مجمع اللؤلؤه بجانب دوار اللؤلؤه
فهو مجمع جيد للتسوق وغالبا ماتقصده العوايل السعوديه
أما بالنسبه لشارع المعارض لاتخافين مافيه ألغام
ولكن يستحسن الإبتعاد منه قدر الإمكان
وفيه شقق للعوائل روعه
في منطقة الجفير إسمها ((( اليت))
ولكن يمدحون فنادق الخمس نجوم
وبأقول لأبو نوره خبرك عتيق
منامه تاور لحق أخوانه الفنادق الأخرى
لأن النظيف مايكسب هناك للأسف
عجبي