الجزر السياحية المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
I Love 90s
17-12-2022 - 08:42 am
السلام عليكم
الصور مسويه زحمه عندي فقلت خلني ارفعها وانزله بموضوع وافتك
هذا منتجع بموريشوس موقعه بالغرب بمنطقة فليك اون فلاك Flic En Flac
المنتجع طابعه هندي من ناحية تصميمه وديكوراته واكلاته وحتى المساج مع شوية لمسات اوروبيه واسيويه
المنتجع عباره عن 66 فلة بعضها مطله على الشاطيء وبعضها على الحديقه وطبعا كل فلة لها مسبح خاص
فيها مطعمين واحد اسمه Coast2Coast فاتح للفطور والغدا والعشاء
والثاني the Cilantro عشاء بس واكل ياباني
المرافق الاخرى بار وسبا ونادي رياضه ونادي للاطفال
تقييمي له 6 نجوم خدمه على غرف على اكلات واكثر شي لفتني عندهم السبا والجاكوزي


رحلتي الى الجزر السياحية
التعليقات (9)
I Love 90s
I Love 90s
صور الفله
طبعا انا ماتوقعتها راح تكون بهالحجم الكبير
صاله ومسبح وغرفة نوم وحمام وحديقه مفتوحه على كل الفلل
اول ماجيت جوني حرمتين سعوديات كبار بالسن كل وحده ماسكه نعلتها وتمشي على المغرب مضيعين فلتهم
ودخلوو على ثمن استغربوا مدري وش قالوا ياخزياه الظاهر المهم شكلهم مضحك وفالينها على البحر

شوفوا كيف مسوين بالاناناس وكيف مقطيعنها pb189

ادري فيه ملقف بيقولون وش حقه الملقاط؟ تحديد الشنب من فوق ماحب احلقه بموس اشيله بملقاط

I Love 90s
I Love 90s
السبا spa عندهم شي خرافي واحلى مافيه الجاكوزي
هو جاكوزي ومسبح بوقت واحد مفتوح اضمن لو الواحد يقعد فيه ساعه كامله باليوم لمدة 10 ايام يسقط 10 كيلو من وزنه من قوته
كانه بركان كل مافيني يرج

هذا المسبح والجاكوزي

هذي مويه مثلجه حطيت رجلي بغت عظامي تتكسر
يقولون انها تشد الجسم وتحرق سعرات واكثر اللي يستخدمونه اليابانيين
انا اول ماقعدت فيه طرت لغرفة البخار اتدفا

يوم جيت اسوي المساج الهندي ماغابايانا لبسوني بس هذا
شكله حمالة صدور من الصوره بس هو صروال ياهو كان شكلي مضحك وانا امشي طول وقت المساج مغمش عيوني عشان الزيوت مافيه زيت ابلعالم ماكبوه زيت حار زيت بارد واخر شي حطوني جوا صندوق خشب وقعدوني وشغلوا البخار
يقولون هالمساج يطرد الاكسده والاملاح من الجسم

غرفة البخار والسونا وغرفه ثانيه ريحتها فكس ماحبيتها

نكمل معكم بكره انشالله او عقبه

Viaggiatore
Viaggiatore
يا سلاام ,,
منتجع راقي ورايق ,,
وتقرير جميل ,,
متابعين

aboaziz
aboaziz
تقرير جميل يعطيك العافية
مغاديفا منتجع ممتاز كان اسمه سابقا تاج
المنتجع بشكل عام ممتاز يعيبه قلة الخصوصية بالنسبة للمسبح الخاص (بلنج بول)
الف شكر على نقلك لتجربتك واتمنى ان تعطينا رأيك بكل شيء في المنتجع
سعيد جدا بتواجدك وحضورك معنا في بوابة الجزر
ومنتظرين جديديك

العاشوري
العاشوري
تسلم ايدك على الصور

I Love 90s
I Love 90s
viaggiatore
الجميل مرورك سيدي

I Love 90s
I Love 90s
aboaziz
هلا بابو عزيز
سمعتهم والله ينطقونها ماهاديفا وفعلا ادوره بالخريطه هذاك اليوم الاقي taj واستغرب
وبخصوص المسبح والله جربت كثير اغلبهم مو مره برايفت ماعدا لابريز اللي بسيلهويت
جربت حتى الفور سيزونز سيشل وجربت الاوروبوي موريشوس يعني مو مره لكن تبع الاوروبوي خطير كبير بس غالي جدا
المنتج الله يسلمك هادي واغلبهم كبار بالسن شفت عوائل سعودين
الموظفين كلهم عسل والمدير تعرفت عليه وعطاني كرته وحتى وانا طالع جاني لحد السياره وودعنا
وضحكوا على مراجعتي بموقع التريب ادفايسور خاصة يوم قلت هنا im just relaxing and singing madonna song ooom shanti
ماتوا من الضحك الموظفين يوم قروها وقالي المدير راح اعطيك خصم خاص ومن هالكلام قال المره قلت نشوف
المنتج خطير ووتستاهل قيمتها فعلا

aboaziz
aboaziz
i love 90s
ايه ههه كله واحد ماهاديفا ماغاديفا او حتى ماراديفا
اذا تبي الخصوصية في المسبح فعليك بالبيل مار جدا رائع وجدا ممتاز وممكن تقارنه بالوبروي لكن على اكبر واشرح صدر من الاوبروي
صحيح اخذنا الفيلا بمسبح لكن كان معظم وقتنا نسبح في البحر بحرهم غير والبيل مار خاصة ناحية الفلل البحر فيه جدا رائع
احلى مافي موريشيوس اهلها والله تذكرت امس كانوا عندي في المكتب في العمل وبالفعل عسل مثل اناناسهم
والله يسعدك كثر من الغناء في كل المواقع اذا الشغلة فيها خصم
يلا شد حيلك خلنا نعرس ونطلع شهر عسل مخفض
تقبل خالص تحيتي ياعسل

I Love 90s
I Love 90s
العاشوري
الاوروبوي اشوف جايبين شيولات يشيلون الصخور من الجهه الثانيه للشاطي اللي مقابل المسبح
يعني احتمال بالمستقبل يصير شاطئهم حلو ومافيه صخور
والبيل مار والله شكلها دخلت راسي انشالله باذن الله ان الله كتب لي زياره لموريشوس راح اخذ فيه 4 ايام ومعها اوتيل ثاني عشان مانطفش
بخصوص الاوروبوي تعرفت على مديرهم سويسري اسمه فرانك ديبونت ورحب فيني وعزمني بالكوكتيل بار وجلس يتكلم عن الاوتيل والتصميم واتمنى لكم قضاء وقت ومن هالكلام
بس الاوتيل تماثيلها ومجسماتها كثيره حسيت نفسي بديار قريش خ بس روعه صراحه


خصم يصل إلى 25%