يا جمااعه وشوو ذا ..!! خ
توني مكلمه الامارات للعطلات و بن عمير
وطلع لي للموريشوس 3 ليالي و في فندق الفورسيزن بول فيلا ب 29550 في بن عمير و 29700 بالامارات للعطلات

اختى الفورسيزن من اغلى فنادق العالم و انتى طالبه بول فيلا يعنى سعرها الشى الفلانى و اكيد الباكج مع تذكره درجه اولى هم سعرها فوق فوق حجزى عن طريق النت احسن لج
يعنى تذاكر بالقطرية او حتى الاماراتيه ما تزيد عن 3000 للشخص يعنى 6000
و الفندق ياكثرهم فى موريشوس و حتى المالديف احلى غرفه الليله ب 2500 و وتر بانجلو بوسط البحر يعنى سبعة الاف و نص للفندق و ست الاف للتذاكر كلش كلش بتوصل 15 الف
دشى عن طريق booking.com او ْ hotels.com و كتبى اسم الدولة الى تبينها و يطلع لج كل الفنادق و الاسعار بالصور و شوفى الى يناسبج و ان شاء الله تتهنون بهل سفره باسعار معقوله و مناسبة و مبروك على البيبى يتربى بعزكم ان شاء الله

لا هذي بالدرجة السياحيه مو الدرجه الاولى
وعلى التذاكر دخلت على طيران المارات وحصلت للشخصين تقريبا 10 الاف
اماا على المالدييف فا قلت لي الموظفه ان اقل مدة تقدرين تحجزين لازم تكون 6 ليالي لهذي الفترة ما يحجزن اقل من كذا
ومالي غير موريشيوس وما اعرف فناادق فيها غير الفور سيزن اماا على سالفت بوكينج فا دخلت وبصراحه ماطلع لي غير 3 فنادق الهيلتون و ليمريديان و واحد ثالث نسيت اسمه

احس ان المالديف هي انسب شي لانها ارخص واقرب من باقي الجزر وتكلفكم تقريباً نفس ميزانيتكم 25 الف حق 3 او 4 ايام
وبورا بورا بعيده اللي اعرفه تروحين له عن طريق نيوزيلندا
وسيشل غاليه ومستحيل تكلفكم اقل من 25 الف
بس تصدقين اتمنى اروح للجزر ونوينا قبل العام نروح للمالديف بس انجنيت قلت لي فتره ماطلعت وماسفرت واخرتها على 3 ايام ههه وعشان 72 ساعه ههه وبس مقابلين البحر ههه اصلاً ان رحت مايمديني استوعب اني مسافره الا حنا راجعين وحتى ان رجعنا من المالديف ورحنا لدبي وجلسنا فيها يومين او 3 ايام احسن انه ماتسوى ولا تكفي 5 ايام وقلت اقول بهالمبلغ نسافر لأوروبا احسن لنا وفعلاً بهالمبلغ اللي نوينا نروح بالمالديف رحنا فيها لثلاث مدن اوروبيه ومع التنقلات ومع التذاكر ومع كل شي كلفتنا حدود 22 الف لمدة 12 يوم ووفرنا 3 الاف ريال وحطيناها بجيوبنا والحمدلله سافرنا وامدانا نستوعب اننا مسافرين وانبسطنا وطفشنا وبعدين رجعنا ب 22 الف ريال ههه
وبالتوفيق لك اختي وربي يكتب لكم اللي فيه خير

اختي
انصحك وبقوه بالمالديف
بس هالله الله بالاختيار الزين للجزير
اختاري جزيره مليانه انشطه
واذا بتطيعيني
اختارو جزيرتين كل وحده يومين
بحيث تختلف الانشطه من جزيره لآخرى
وعليك بحمام الورد الي ما بتنسينه طول عمرك انتي وزوجك
المهم انصحك بالمالديف ( ولا غير ذلك ) للإسترخاء والرومنسيه الدافئه

حلو و بصرااحه شفت للمالديف على القطريه طلعت لي ب 6170 درهم
طيب حلوو اتفقنا بنروح مالديف
هيا الحين كملوا جميلتكم واعطوني جزر حلوه فيها
ويا سعفه وليفه اناا قبل كم شهر راجعه من اوروبا وعلى قولتك لو لكي فترة ما سافرتي وتجين اخر شي على سفره 3 ايام و بنفس المبلغ تقدرين تسافرين مكان ثاني بأكثر من 3 ايام لا والله اسافر فترة اطول خ
لا بس اناا سفرتي كانت للنمسا و فرنسا و اسبانيا وايطاليا وكلفتني 40 الف مع طيران الداخلي

وينكم ؟؟ يااهو مافي مسااعده وينك مشرفنا ؟؟

رغم ان بورا بورا الفرنسية الاجمل الا انها الاغلى
انسب الخيارات من هالقائمة المالديف و الاسعار تتراوح بين 25 الف لاسبوعين الى اكثر . لان زميلي دفع باكيج 25 الف اسبوعين في اماكن جدا نظيفة هناك

هلا بك اختي
بالنسبة للمكان الاجمل واللى راح يناسب ميزانيتك وراح تحسي فية بالرومنسية وتغيير الجو وعن تجربة
انا انصحك بالمالديف ولمدة 6 ايام
حترجعون عرسان جدد
بالتوفيق