سهم سهم
08-01-2022 - 07:54 pm
السلام عليكم ورحمة الله وبركاته اخواني اخواتي الحبوبين اللي يحبون مساعدة الناس اللي مايدلون شئ بسويسرا
انا اليوم وصلت زيوريخ جاي من سالزبورغ انعفست اموري شوي لكن سبحان من يسهل الامور
ماعلينا ...سؤالي هو انا حاجز يومين بزيوريخ تستاهل هاليومين والا ازيدها لانه رحلة العوده الى موينخ سته اكتوبر
فما ادري الان انا بجلس يومين بزيوريح هل فيه اماكن اقدر ازورها وعلى فكره معاي سياره ولا ادري عن طريقة
مواقفهم هي نفس النمسا اقصد الباركينق عندهم والا كيف ؟
الامر الاخر يستاهل ادوج بالسياره بزيورخ والا كعابي يعني مشي والا كيف ...؟
الامر الاخر يمديني اروح لانترلاكن لانها قريبه مو بعيده لكن اخترت زيوريخ بسبب قربها من ميونيخ اللي هي
محطتي الاخيره ومنها تسليم السياره بالمطار والاقلاع للعوده للديار ....في سته اكتوبر
لاني بصراحه اول مره اروح زيورخ ولا ادري وش فيها اساسا ...
ياليت تزودوني باحداثيات اشياء حلوه فيها لان الاحداثيات انا بدونها اروح فيها واجلس بالفندق اطالع الرايح والجاي
مع العلم اني مابي شئ اسمه متاحف والاشياء هذي انا راعي
ريف ومزارع ومصانع واشياء مثل كذا ..؟
وفيه سؤال غبي شوي لكن بليز انا اتكلم جاد والله ما استهبل السؤال والاستفسار يقول
ليه بقرهم يختلفون عن بقر النمسا احس ان بقر النمسا احلى شكل من بقرهم ؟
اللي عنده اجابه والا يطمر للسؤال الاخر ؟
كم يساوي الفرنك عندهم وهل فيه اشكاليه لو ادفع باليورو او الدولار ؟
لاني بروح اصرف من الصراف الالي دولارات مع انه معاي الفيزا لكن ابي كاش فايش رايكم
الله يجزاكم خير ويرحم اللي جابكم ولا يعنيكم على مكروه ويسهل دروبكم والمسلمين جميعا
(انصح الذهاب بالقطار والعودة بالسفينة والتذكرة واحده)
قرية في غاية الجمال واذا معك اطفال راح تلاقي في نفس القرية حديقة حيوانات غير شكل اسمها كيندر..... ناسي اسمها بالكامل الحلو في الحديقة ممكن الاطفال يلعبو مع الحيوانات بالاضافة الى العروض المستمرة للحيوانات المدربة هناك
وقريب من الحديقة بعد محطة القطار روح للقرية واستمتع بجمالها ولا تنسى تتغدى في احد مطاعمها المطلة على البحيرة
بالنسبة للتنقلات الافضل انك تستخدم الترام سهل جدا التنقل فيه ومريح
وبالنسبة للصرف ليه تصرف دولارات من الصراف وفيك تصرف فرنك وهذا الافضل والطبيعي الا اذا كان فيه سبب ثاني