جينيف المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
!.. سُكر ..!
05-01-2022 - 12:50 pm
السلام عليكم ،
امس مساء وصلت لجينيف طبعا كنت اعتقد اني باحصل مخطط لسير الرحله حلو وكذا لكن ماقدرت ..
وفيه ظروف صارت لي وماقدرت احدد مخطط للرحله ، خططت لباريس الباقي لا
المهم احنا جالسين لمدة اربع ايام ، ابغى الاماكن الحلوه بجينيف ..
احنا ساكنين بنوفيتيل .. فساعدوني رجاءً / وترا ما اعرف كيف التنقل ولا اعرف ولا شيء ، ومرا الموضوع مسبب لي ازمه ..
وخايفه نطلع منها ومارحنا لشيء !
اكثر شيء متحمسه ازوره مصانع الشوكلاته والجبن ، وابي اشياء طبيعه ..
وآخر شيء ياليت تخبرووني اذا حبيت اروح ميلان من وين اروح !
الله يحرمكم النار ساعدوني : )


التعليقات (5)
مسافر هاوي
مسافر هاوي
انت/ي في اجًمل بقاع الارض ...
لاداعي للقلق فطعم قطعه الشوكلا الاولى ... كالاخيره ...
سويسراا الجميله كلها دلع ودلال ََََ ...

مع القرآن والإيمان
مع القرآن والإيمان
ممكن تزورون آنسي
ويوم الى لوزان ومن لوزان برحلة بحرية قصيرة لايفيان في الضفة المقابلة غلى لوزان

^ضحكة الدنيا^
^ضحكة الدنيا^
عليكم السلام والرحمة
استغلي كل دقيقة في جنيف تراها من اجمل بقع الدنيا
انا توني طالعة منها وكل يوم كنت ازور مدينة بالقطار
اتجه لمحطة قطاراتهم القريبة من البحيرة وتقدرين تسألين عنها وتاخذين تذكره لمونترو ومدة الرحلة ساعة من محطة جنيف والرحلات متوفرة كل ساعة تقريبا رحلة
تروحين لها في الصباح وتتمشين وتركبين قارب وتتغدين في مطعم قصر الشرق الايراني وتشربين شاي مغربي عندهم وتزورين قلعة شلليون وترجعين العصر او المغرب بعد ماتاكلين ايس كريم موفنبيك في هالجو الخرافي
ويوم ثاني روحي للوزان مدة الرحلة من جنيف ساعة الا ربع بسس
واذا انتي اول مرة تزورين جنيف لا تفوتين رحلة لاعلى قمة فيها اللي هي المونت بلان والتمتع بالثلج والتلفريك
اتمنى لك اقامة ممتعة واي سؤال انا حاضرة

!.. سُكر ..!
!.. سُكر ..!
الله يعطيكم العافيه يارب ..
ماقصرتو الله يجزاكم خير ..
/
ضحكة الدنيا الله يعطيك العافيه والله ..
طيب بسالك يالغاليه عن القمه كيف نروح لهاا ؟
عندك عنوان لها او من محطة القطار والا كيف .. القطار قريب للفندق مره ،
عشان لو رديتي علي اخلي طلعة القمه بكرا لاني بكرا ناويه ازور مصنع الشوكلاته ،
ومن بعده ممكن اروح للقمه ، والاحد اخصصه لمنترو ..
على ان كان بخاطري مره اروح لقطار الشوكلاته الي بمنترو .. بس مو مشكله ازور منترو زياره على الاقل يكفي ..
ياليت تردين علي الله يعافيك ،
لان اليوم تجولنا بجينيف مشي الله لا يوريك ههه ،
وقصينا تذكرة مترو لليوم ولا احد سالنا عنها !1
ولا استفدنا منها للاسف راحت علينا 14 فرنك }} عملتهم غاليه ههه
وفوق هذا ركب معنا سكران يخوف ..
الله يكفينا الشر واياكم ..

^ضحكة الدنيا^
^ضحكة الدنيا^
!.. سُكر ..!
ياهلا وغلا
اول شي ابقوللك انهم مو على كل حال يسألون عن التذاكر بس المسئلة عندهم امانة وثقة
انا اقترح عليك تزورين قمة الجبل عن طريق الرحلات السياحية
محطة الباصات الرئيسية في جنيف
Coach Station of Geneva
تقع بين البحيرة ومحطة القطار مقابل مكتب الخطوط السعودية
تنطلق منها رحلات التور
تقوم بتنطيمها شركة كي تور Key Toursاو تسألين عن هالرحلات من فندق بريستول اللي على البحيرة ولوحته زيتية >> الله ع الوصف
انا رحت لها من كم سنة عن طريق هالشركة كانت مرة منظمة وممتازة


خصم يصل إلى 25%